اللهم صلي وسلم وبارك على سيدنا محمد وعلى آله وصحبه سيدنا 🌼🌹
القصه دي من اجمل القصص اللى قرأتها وبجد حلوو
اووي
حنان: باين عليه زعلان
ندى: ملناش دعوه يلا نمشي!
حنان: بس الجو بارد وهوا قاعد لوحده!
ندى: هتروحي تديله الجاكت يعني؟
حنان: لأ انا بقولك بس! ، اي ده هو بيعيط كمان!!.
ندى: حنان انتي تعرفيه؟
حنان:، اتكلمت وانا ببص عليه ، لأ بس قلبي وجعني عليه.
ندى: طيب يلا يا حنينه عشان نمشي
شدتني وانا لسه ببص عليه من بعيد لحد ما
عديت الشارع.
ونا لسه ببتسم عشان قالتلي يا حنينه، لما حد
بيقولهولي ببتسم تلقائي لأني مؤمنه ان كل واحد
ليه نصيب من إسمه وصحابي دايماً
بيقولوا اني اخدت نصيبي كله من اسمي.
لسه بالي مشغول بيه، معقول اي اللي يوصل
الإنسان إنه يعيط في الشارع!
ندى: إركبي ومتتلفتيش حواليكي
حنان: حاضر
ندى: متوقعيش نفسك في مشكله يا حنان فاهمه!
حنان: ابتسمت...، حاجه تانيه يا ماما
ندى: حنان انا بتكلم جد ، خليكي واعيه شويه مش
كل الناس طيبين و..
حنان : العربيه هتمشي يلا بسرعه.
مشيت وهيا بتشاورلي ونا بضحك عليها،
فضلت واقفه في النص ببص عليه وببص ع العربيه
وفي لحظه لقيت رجلي بتتحرك وبتعدي الطريق
تاني لحد ما وصلت ليه ولقيته لسه قاعد مكانه
قربت منه، كان فاتح الموبايل وهوا اول ما
لاحظ ان فيه حد وراه قفله ومسح دموعه بضهر
ايده وبص ليا.
وقال: في حاجه حضرتك!
حنان: متعيطش
= نعم!!
حنان: مفيش حاجه تستاهل وكله بيعدي
ف متعيطش.
= هوا انتي تعرفيني عشان تكلميني، او تقوليلي
كده حتي!!
حنان: لأ بس...
= يبقي متدخليش في اللى ملكيش فيه.
يتبع.....
