شيخ بيحكي وبيقول:
كنت قاعد في المسجد لاقيت راجل في عمر الخمسينات
داخل بيبص حواليه وإيده بترتعش من الخوف، شويه
ورحت قاعدت جنبه لفيته بيصلي ويعيط بشكل مش طبيعي
لدرجه إني بدأت اقلق عليه..!
فضلت قاعد جنبه والفضول بيقولي:
"متسبهوش غير لما تعرف حكايته"، خلص صلاة وقام ومسك مصحف وقرب ناحيتي..!، بصيتله بستغراب وفضلت مراقب حركاته وملامحه ومستنيه يتكلم عشان اعرف ماله..؟!
لاقيته فتح المصحف ع خواتيم سورة البقرة.. وقالي:
" هيا الايات دي بتعمل ايه للانسان..! "
بصيتله بتعجب وقولت: اشمعنا الآيات دي..؟!
رد وقالي: "انا هحكيلك بس ما تستغربش..!"
انا كان عندي بنتي كانت مريضه سكر وهيا عمرها سنه
واحده، دا غير ان مامتها ماتت بحمى الولادة..
ولما كملت ست سنين جالها الضغط.. كبرت وكانت صبوره
بشكل مش طبيعي، كنت ساعات بخاف تكون كاتمه جواها
حزن يأثر ع نفسيتها وتموت من السكوت..، فكنت بقرب منها وقولها: "طيب عيطي، او صرخي، قولي اي حاجه"
كانت تمسح ع شعري وكأني ابنها وتقولي: بس انا كويسه ومفيش اي حاجه تعباني..!
كنت وقتها ببصلها وعيوني مليانه دموع وقولها لا انتي كداابه!
كانت تضحك بصوت عالي وتقولي: ايوه بكدب بس مخبيش عليك انا صابره عشان الجنه تستاهل..،
في مره كنت سهرانه وبعيط ي بابا فلاقيت شيخ بيقول في محاضره جزاء اهل البلاء وقتها ذكر حديث النبي ﷺ وكان الحديث بيقول:
{يودي اهل العافيه يوم القيامه حين يعطي اهل البلاء الثواب لو ان جلودهم كانت قرضت في الدنيا بمقاريض}
وفي الحديث: "فضل البلاء واثره في تكفير
الذنوب وبيان أنه من شأن الصالحين"
يعني يوم القيامه لما الناس اللي كانت صحتها كويسه
في الدنيا.. تشوف جزاء اهل المرض والبلاء يوم القيامه
وتشوف جمال مكانتهم في الجنه هيتمنوا لو جلدهم كان
بيتقطع بمقص في الدنيا مقابل إنهم ينالوا الجزاء ده..!
وعاوزني انا بضعفي وغبائي اقول لربنا لا ع قضائه..؟
يمكن بلائي يبقى سبب نعيمي بعد كدا.. الحكايه كلها في
الصبر بس.
ولله ي شيخ من بعدها عمري ما شوفتها بتعيط ع حاجه.
هتصدقني لو قولتلك انها اتجوزت وحصلها جرح في رجليها
كان سبب في بترها وزوجها طلقها وكانت برضوا بتقول
الحمدلله!
كنت مل ما ادخل اوضتها اسمعها بتقرأ خواتيم سورة البقره
وتنام.. انا سخرت حياتي ليها، ودفنتها بأيدي بعد ما المرض
هلك جسمها انا مكنتش زعلان اني بخدمها.. يارتها كانت دامت.
الراجل كان بيحكي وجسمه كله بيتهز قبل قلبه، بياخد نفس
بسرعه رهيبه، ودموعه كانت نازلة زي الشلال وقال:
انا جاي اعرف منك فضل سورة البقره ي شيخ
عشان من يوم ما بنتي ماتت وانا بشوفها كل يوم ع السرير
بتقرأها وكأنها عايشه..، وكل يوم بشوفها في الحلم
لبسه تاج ورد ابيض وجنبها انهار مايه زبتقولي انها مبسوطه.
محسيتش بنفسي غير وانا بحضن الراجل وبقوله:
حديث عبدلله بن عباس وفيه: ان جبريل قال لنبي
صل الله عليه وسلم: ابشر وبنورين اوتيتهما لم يؤتهما نبي
قبلك: فتحت الكتاب، وخواتيم سورة البقرة، لن تقرأ بحرف
منهما إلا اعطيته.
وفي الواقت ده حسيت إن الدنيا دي اقل من إن
حد يزعل عليها.
واحقر من ان حد يستني منها صحه او فلوس او سعاده.
اصل السعاده الحقيقيه هناك..هنا مش مكانا ♡
ازرع صبر وحسنات عشان تعرف تسكن في
مكان كويس بعد كدا. 💚✨
