للهم صلِّ وسلم وبارك على سيدنا محمد وعلى آله وصحبه سيدنا محمد 🌺🌷
= ينفع تقوليلي متعيطش!!
قلبي وقع لما سمعت صوته وكان باين عليه
انه بيعيط..
= اتكلم بعيط: ينفع بالله
حنان: انت فين؟!
=في نفس المكان.
حنان: طيب انا جيالك متتحركش.
ماما بتقول الراجل مبيعيطش غير للشديد القوى ،
يعني متلاقيش راجل بيعيط ع امتحان ،
او من غير سبب، او كل خمس دقايق ،
او لما يلاقي نفسه فاضي فينكد ع نفسه زينا.،
او زيي كده. ، عشان كده روحتله
نبرته كان باين عليها الحزن،
وان كان شايل في قلبه كتير، والا مكانش
اتصل بيا، وان مجرد اني اقوله متعيطش دي
حجه عشان يتكلم.
وصلت للمكان وهوا كان قاعد وموطي راسه
في الأرض.
حنان: لسه بتعيط؟
رفع راسه وبص ليا وابتسم.. انتي جيتي بجد!!
حنان: ضحكت... وجبتلك بطاطا كمان!
قعدت جنبه وهوا فضل ساكت وباصص للبحر،
وانا ساكته ومستنياه يحكي من غير ما أقوله،
كنت حابه يحكي وقت ميكون عايز يحكي
وبس.
= اللي يسيبنا وقت احتياجنا ليه يبقى بيحبنا؟
حنان: ولا عمره حبنا.
= يبقى هيا كانت مبتحبنيش؟
حنان: بتعيط عشنها؟
= لا عشان عمري اللي ضاع معاها.
حنان: المفروض تحمد ربنا ان وقتها خلص دلوقت
وان ربنا اداك وقت تاني عشان تعرف حد
احسن منها.
= الموضوع مش بالبساطه دي، الموضوع
صعب اووي.
حنان: بس انتهى.
= عارفه لما تكوني بتبني في عماره ويدوب
شطبتيها وهتفرحي بيها، وفجأه يجيلك قرار
ازاله ويهدموها!
كانت ماليه كل وقتي كنت متعود اعمل كل حاجه معاها، وقتي كان بيعدي بيها، راسم كل حاجه
معاها تفتكري هينفع انسى كل ده
حنان: سبتك ليه؟ غلطت في إيه؟
= اني فضلت اختي عليها! ، ده سبب طيب؟
حنان: مش فاهمه!؟
= اختي من يوم ما وعيت ع الدنيا وهيا تعبانه
واهلي صرفو عليها كتير، كنت شيفهم مش معاهم
وهيا محتاجه علاج كنت ابخل ع اختي
كنت بفضلها عليها!، وقفت قصادي وبدل ما تقولي
روح جيب الادويه لاختك، قالتلي دي فلوس
شبكتي!، عارف انها فلوس شبكتها بس دي اختي.
لو انا تعرفت عليها من كام سنه بس، ف اختي
معايا من يوم ما تولدنا، ضحكنا وهزرنا مع بعض
وحزنا وفرحنا مع بعض.
معرفش ازي حطت نفسها في مقارنه قدامها
هيا كانت منتظره اختارها ع حساب اختي وتعبها!.
