ألشرماد

Part20

#ألشرماد

#بقلم fatma _kazem

إن الهموم لا تصمد كثيرا فوق أكتاف الساجدين !
____________

ريناس:
مرت الايام نفس الروتين بين الدراسه والبيت وبين منار الي صارت صديقتي المقربه
بس صرت حذره بكلشي ماعرف ليش اخاف يجي يوم وتغدرني نفس زمرد صرت مأمن بكل شخص صح حبيتها وتعلقت بيها بس بحدود
الدراسه بيها وماتصعب احس عقلي شخط من كد ماصعبه اضل ابجي بس الي مصبرني منار وسوالفها بحيث كل مااضوج اتصل عليها نضل نسولف ونضحك
تكضي الوقت تحشيش ماتعوفني لمن عيوني يدمعن من كد الضحك كلش حبيتها ع نياتها وشكد احس بيها فطيره كلش كاضيه الدنيا ضحك
.. عزااا مناار نسينه نفسنه ولج بدت المحاضره
.. ياا ولج عزا دكتوره سوسن وعلي تطردنه ركضي
نمشي سريع ونضحك لان ندري بنفسنه راح ننطرد وصانه لكينه الباب مسدود باوعت بوجها وهيه باوعتلي
ريناس: ندخل لو ننطرد
... ندخل جفت
.. نجبي تعاي دكي
... ماا انتي دكي
ريناس: ولي انتي دكي انتي شخصيتج قويه وعادي ماتخافين اني ارتبك
ضليت انفخ بيها وهيه تعدل بياختها بغرور وصلت للباب دكته وباوعتلي دفعتني وكفت وراي فتحت الباب الدكتوره باوعتلنه وهيه رافعه حاجبها من صدمتي ماعرف شحجي
... ااا دكتوره ندخل
الدكتوره تباوعلنه ماعاجبها ومنار وراي خربانه ضحك واني عين ع الدكتوره وعين ع منار ماتحملت طكيتها ضحكه بوجه الدكتوره تخبلت شنو تضحكن استلمتنه اكس مربع ماتستحن تتمصحكن شكو اجايات متاخرات طبكت الباب بوجهنا حيل باوعتلي منار
منار: ااااه شو ماتحترم هاي
... كله منج حتلو جانت تريد تطببنه راح ننطرد منج
.. وخري وخري الفاهيه
وكفت بالباب بكل ثقه ولا يكول توها ترزلت ونطردت دكت الباب فتحته دكتوره سوسن باوعتلنه وهيه عاكده حاجبها
.. شكو
منار: دكتوره نريد ندخل شنو المحاضره تفوتنه
شالت ايدها وتحرك بيها بوجها بمعنا طلعن بره
دكتوره سوسن: طلعن طلعن ماكو طبه واذ دكيتن الباب بعد تعرفن شسوي
طبكته حيل بوجهنا وهيه تدردم لان كل ساع قاطعناها باوعتلي منار وهزت ايدها نفخت روحها عود هيه شخصيه وكذا وتالي تفشلت
منار: اييبباااا والله تحترم طارت هيبت بتك يحامد6
خربانه ضحك ع سوالفها سحبتني من ايدي واخذتني للكافتريا وهيه تسوي كلش تحترمني لو تسوي هاي تاليتج منار تتفشلين وتنطردين لا لا شلون هاي ماكو عليها حشمه الشيخه منار بت الشيخ حامد اخت جاسم وجسار هيج تنطرد لا لا ماكو هيج حجي لو تكول هاي تاليتي اخت غيث وعمار وجهاد هيج واني خربانه ضحك ع سوالفها احس بطني راح تطك من كد الضحك

قطع كلامنه من سمعنه صوت ولد ورانه
محمد: السلام عليكم
.. وعليكم السلام
محمد: ممكن من وقتج فد دقايق ريناس
... تفضل
.. مو اريد احجي وياج وحدنه
باوعت لمنار هزت راسها بمعنى بكيفج كمت ويا وكف ع صفحه حجه
... اولا اعرفج ع نفسي محمد اسمي اني مو من هل جامعه اني ادرس بالخارج
... اهلا وسهلا بس ياريت تختصر لان زحمه وكفتنه سوه
... ريناس اني صراحه كلش منعجب بيج وكل ماريد اصارحج اخاف ترفضين بس صدكيني كلش احبج و....
قاطعته قبل لا يكمل كلامه
... باوع اخي من هسه اكلك لا تخلي املك بيه ولا تحاول تحجي وياي بعد من هسه اكلك طلعني من تفكيرك خلاص وشوفلك وحده ثانيه اني ما افيدك3
.. ليش
... مرتبطه
جاوبته هيج وابتعدت ماريد اختلط بولد ابد ولا اريد واحد يتعلق بيه لان مستحيل ازوج او مستحيل افكر بهل شي كتله مرتبطه متعمده علمود لا يزعجني من جديد رجعت لمكاني باوعتلي منار جاوبتها قبل لاتحجي
... واحد بطران تعاي نسوي علاقه
... شكتيله
.. كتله مرتبطه
... صدك؟
.. لا يختي ويني وين الارتباط بس ماريده يزعجني من جديد كتله هيج
هزت راسها وسكتت خلص وقت الدوام هيه راحت لان اخوها يجيها واني وكفت انتضر ظافر شويه وشفت سيارته تقدمت الها صعدت مبتسمه
.. هلوو
... هلا بيج شلونج الدوام شلونه
.. حلو
سولفتله عن الي صار وعن سوالف منار وهو يضحك ع ضحكيي
سكتت وهو هم سكت
... ظافر
... ها
... ماناوي تتزوج
باوعلي بنضره سريعه ورجع باوع للطريق عكد حاجبه وحجه
... بس لاناويه تزوجيني صديقتج
... لا لا والله قصدي مالكيتها
... مني
... الي جنت تحبها وسولفتلي عنها قبل لانطلع من الموصل
اخذ حسره وسكت ثواني واردف بالكلام
.. لكيتها بس ليتني مالاكيها
... ليش
... متزوجه وعايشه حياتها كأن ظافر لم يكن
... شلون وهيه تحبك
... كل حب ماكو بگلبها الي مجرد جانت تكضي وقت
... وهسه
... شنو
... بعدك تحبها
... جؤ
سكتت من شفته هيج نقهرت عليه كلش حجه وهو عينه ع الطريق
... اخوانج ماعدهم حض بالحب