ألشرماد

Part23

#ألشرماد

#بقلم fatma _kazem

‏تستمر الأيام بالركض، وأنا عوضًا عنها أشعر بالتعب .

⌘--------------۞-------------⌘

منار:
بعد ماشفت ريناس وضعها حالتي النفسيه كلش تأزمت تأذيت عليها وع وضعها ماتوقعت يجي يوم وتوصل هل مواصيل
لا هيه الي استقرت ورتاحت ولا جهاد الي حافض ع صحته ثنينهم تدمرو
طول الطريق دمعتي ع خدي وصافنه كل مااتذكر شكلها واتذكر حالتها كلش انقهر
غيث: هسسسه غيررر تفهمني شبيهاااا
... غيث ريناس تدمرت
.. ليش
حجيتله كل السالفه
عض شفته بقهر وضرب الاستيرن حيل
غيث: اخخخخخ يالقهر
ضلينه طول الطريق ساكتين بس صوت شهكتي وصوت حسراته تنسمع
وصلنه للشقه نزلت وهو شخط السياره ماعرف وين راح طبيت ذبيت حذائي والجنطه والملازم بالباب مالي خلك كلشي نزعت الشال والستره ذبيتهن ع القنفه وتمددت
صافنه وين راح تصفه جهاد شنو رد فعله من يعرف يفرح او لا
غمضت عيوني ع امل انام فزيت ع حركه قريبه مني فتحت عين وحده ماكو شي بالصاله بس صوت بغرفه جهاد
رجعت نمت عبالي غيث رجع فزيت مرعوبه بعد ماحسيت ع نفس يطخ بشرتي
... انتتتتت شبيييك
ابتسم نص خد وعدل وكفته
.. سلامتج رجعي نامي
... ليثثث وابو فاضل اكل لجهاد عليك هوووو مأمن بيييك ليش تغدره
رفع كتفه وحجه باستفزاز وهو عينه ع زندي
... ماغادر بي اني اجيت ارجع الملف هو كلي
سحبت الستره لبستها واني عيني عليه خوف متملكني منه ومن نضراته حجيت بخوف
... ليث اطلع بره عليك الله لايجي غيث
كمت وكفت احاول اشرد عنه اروح للغرفه بس جان واكف بطريقي يمنعني دفعته بقوه وركضت اريد ادخل للغرفه بس كان اسرع مني كبل كمشني قبل لا ابتعد عنه
سحبني بقوه نضربت بصدره ولاول مره بحياتي تنزل دمعتي كدام احد حجيت بشهكه
.. ليث الله يخليك ابتعد عن طريقي والله مو نفس مامتوقعني ليث اني اخت صديقك ليش هيج تسوي بي3
ماجاوبني ولا بحرف واحد مثبت عيونه ع ركبتي وع الكلاده الناعمه الي لابستها بركبتي
ذبلت عيونه وهو مركزها ع ركبتي وع صدري الي يصعد وينزل بصوره عشوائيه
كتمت نفسي بعد ماحسيت بدفو شفايفه ع ركبتي غمضت عيوني واني احس، باحساس طول عمري ماجنت احسه

حسيت بي سحبني اله اكثر ايده متغلغله بشعري والايد الثانيه ساحبني من خصري احس، بنفسي متبنجه مابيه اي رد فعل غير اتجاوب ويا
الى ان حسيت نفسي نقطع همس بأذني
.. ياول ذنب ارتكبه
دفعني عنه حيل لدرجه ردت اطيح ثبتت نفسي واني اباوعله فشلانه من نفسي دنكت عيوني واني العب باضافيري احس نفسي صخنت
رفعت راسي بعد ماسمعت ضحكته واكف كدامي بكل جبروت وهو يباوعلي ويضحك بخبث ومكر همست
.. الله يلعنك
عفته ومشيت للغرفه مالتي واني اسب بنفسي ع غبائي وع ثولي خليت ايدي ع شفايفي واني اتذكر بوسته لحضات مو اكثر لكن وصلتني للغيم خلتني احس، باحساس، ماجنت احسه
غمضت عيوني بقوه احاول اطرد الافكار من راسي بعد ماتذكرت الفشله وتذكرت نضراته الخبيثه كأنو جان يكلي وين ثكلج بوسه وحده خلتج تموعين بايدي وين لسانج كعدت ع الجربايه واني اهز برجلي، بقوه بعد ماتذكرت خباثته وتذكرته يالله شنو هل ثول والكفه الي خلتني اتفاعل ويا وانسه نفسي لو طاب غيث شيسوي بيج منااار
تمددت ع الجربايه واني تحت صراع من الافكار مر وقت واني ع نفس حالتي كمت مديت راسي اشوفه موجود او لا ماجان موجود
طلعت ع اطراف اصابيعي خايفه لايكون موجود باوعت للباب لمكان الجنطه ماموجوده درت وجهي ادور عليها لكيتها ع الكرويته بصف الشال اني متأكده منها شمرتها بالباب شجابها هنا
شلتها هيه والشال تعجبت بيها مفتوحه اخذتها ورحت للغرفه فتحتها شفت ورقه بيها مطبوكه فتحتها مكتوب بيها
.. من يكوم جهاد ع حيله اجي اخطبج واذ بعتي ثكل براسي ورفضتي اجي اشلع اذاناتج ومره ثانيه صيري ثكيله مو بس تهوبزين فوك راسي
غميت كصتي من قريت اخر شي صدك اني ستخفيت ضحكت من شفته شاك ورقه من الملزمه وكاتب بيها بخط واضح مررت اصبعي ع كل كلمه واني مبتسمه ماعرف شبيه
طبكت الورقه وضميتها بين ملابسي وكمت سوت اكل منتضره غيث يجي
مرت ايام هادئه بدت امتحانات نهايه الكورس امتحنت جنت فرحانه لان راح تخلص السنه علمود ارجع للعماره بس الشي الي جان غاثني كلش ريناس وضعها وبالاخص خلصت السنه ومااجت امتحنت راح تعيد ليث من ذاك اليوم بعد ماشفته ابد
الى اخر امتحان امتحنته وطلعت بالبوابه انتضر غيث يجيني شويه وطبكت سيارته تقدمت واني مبتسمه ردت افتح الباب غابت ابتسامتي واني اشوف ليث كاعد بالصدر
دنكت راسي ومشيت لوره صعدت من دون مااسلم رفعت راسي بعد ماسمعت صوته