ألشرماد

Part28

#ألشرماد

#بقلم Fatima _kazem

⌘--------------۞-------------⌘

گلبي جَاي يَريد يَطلع مِن مُكانة
ارجَع أشتَاگيتلك چذابَة أنا

ريناس:
استوقفني صوت مهيب ودانيا ضليت متجمدة بمكاني ردت اسمع شعدها دانيا وية مهيب شنو الي جان يدور بيناتهم مديت راسي بس شوي حتى لا يشوفوني وهو جام واكف مقابيلها ومنزل راسة
دانيا: مبروك والله كلش فرحتلك
... الله يبارك بيج خوية
... تسلم خويه ماتصدك يمكن اذ اكلك شكد فرحتلك
باوعلها وضحك
... لا ليش ماصدك
... والله دائماً ادعيلك تعيش حياتك مرتاح لان اني الي صار بية لحظة تسرع وافقت على فراس ومن بعد ما وافقت على  فراس وقررت اعيش حياتي وماخون زوجي ف ضلت كل حياتي اله ومافكرت ب واحد ثاني ولا جنت اخونه حتى بتفكيري خصوصاً بعد ما صار عندي طفل بس جان بالي يمك دائماً ادعيلك ربي يوفقك بحياتك ويخلي الانسانه الي تريحك بحياتك واليوم كلش فرحتلك واعتبرني اختك وشتطلب من عيوني والله واكفلك وكفة اخت ولاتعتبر انُ فد يوم جان بيناتنا علاقة او شي ابد والله ولا تعتبرني اني بيوم وجهتلك هذا الكلام الي غاية بي بس والله كل غايتي اني معتبرتك اخويه وفرحتلك نفس ما فرحانه ل ادهم بخطوبته
رفع عينه الها باوع بوجها
.. اشكرج
دار وجها عنها وابتعد خطوتين حجه وهو منطيها ظهره
... حتى اني من اليوم الي تزوجتي طلعتي من تفكيري واعتبرج اختي حالج حال اخواتي واتمنى تنسين كلشي جان بيناتنا و ماريدج تفكرين بشي غير رجلج واطفالج بس اتمنى من ربي يسعدني ب آيات لان كلش حبيتها ماتصور كميه الحب الي بداخلي الها
دار وجها الها وابتسم بابتسامه جميله ودخل لغرفته وهي جانت واكفة بمكانها ماتحركت
احساس غريب راودني من سمعت كلامهم ابتسمت دانيا وتقدمت تريد تنزل فتحت عيونها من شافتني واكفه ابتسمت بوجها
خلت ايدها ع كتفي وبادلتني الابتسامه كلتلها
.. دانيا عادي اسألج سؤال
... سألي
.. بعدج تحبي؟
هزت راسها راسها بنفي
.. اعتقد سمعتي الكلام واي حب ماكو اله اي حب بگلبي مجرد ابن عمي وخلص واتمنى اله كل السعادة ولا تتوقعين يوم اخون زوجي او افكر تفكير اني مدام وافقت علية خلص لازم اكون راضية بكلشي من عنده وبتفكيري ماخونه علمود هو هم لا يخوني وتنجح العلاقة الزوجية لا تتصورين انُ اني جنت بيوم من الأيام احب مهيب وهذا الشي راح يخليني اخرب علاقتي الزوجية واخرب حياته وابهذل اطفالي  بالعكس اني كلش فرحتله من سمعته خطب واتمنى من ربي يتمم هذا الزواج على خير ويعيشون بـ سعادة

ابتسمت على كلامها ونزلنا جوة مر اليوم بين المشاحنات الي صارت بين بنات عمامي وبيناتنه كأن وجودنه سببلهن ازعاج بس ماجنه مهتمين الهن فرحتنه بـ مهيب اكبر من ان نخلي عقولنه بعقولهن ونتعارك جنه طول اليوم متجنبيهن

رجعنا للبيت بعد يوم متعب بس رغم متعب جان يوم حلو  رجعن اخواتي كل وحدة لبيتها واحنا رجعنا للبيت
مرت الايام هادئه وحلوه الشي الي جنه نسوي بهل ايام هيه التجهيزات لعقد ادهم
واكفه امسح بالصاله رافعه ثوبي وامسح والدنيا ماسايعتني من الفرحه اليوم مشيه ادهم يروح لـعمام  البنية جان هذا اليوم كلش كلش توتر بالنسبه لادهم اول مرة اشوفه هيج متوتر كل شوي ويجيني
ادهم: ريناس شلون طالع حلو؟ ريناس عليج الله بس طمنين شلون شلون خاف يرفضون! ريناس زين اسئلج سؤال مابيه شي زياني حلو شكلي حلو قاطي لايك عليه
.... اوووووو ادهممم ادهممم مامليت كاافي والله حلو تخبللل زيانك حلو قاطك حلو يمعود وترتني واني مالي علاقه هاي انت هيج شتكول ع بنين
... طاحضج وحض الي يجيج تولي عني عابت هل شكول
جان ادهم قمه بالتوتر رغم هو يعرف موافقة الاهل بس هو جان التوتر ظاهر علية وظافر لازم تصنيف بحيث متنا من الضحك
شفته واكف بالمطبخ يروح ويجي جنه بنيه تطلك وامي وظافر كاعدين ظافر يشاور بيها وهيه ميته ضحك عرفتهم يصنفون ع ادهم صدك شكله وتوتره يضحك
طبيت اشرب ماي واباوعله بطرف عين
...شكو من هسه لابس قاطك بعد وقت
...ومرض كدرته حروح انزعه
ظافر: اي نزعه بعد كوومه وقت لا يروح يتوصخ وتخرب كشختك صدك هاي انت هسه هيج بليله العرس شلون
..اكل نعل يانعل
ام ادهم: ههههههه ولكم كااافي
راد يطلع وصل لباب المطبخ ورجع عليه
..اكلج ريناس خاف يرفضون
..مايرفضوون
...زين ماكتيلي حلو
جاوبته يضجر وملل
..تخبل
...زين اكلج.....
عطت بوجها قبل لايحجي
.... ادهمم ادهممم كافي عليك الله كافيي كافيي توتر راح تمووت جنك مره تطلك
ضحك وكال
... امداج انتِ مو صوجج صوجي اني الي جاي عليج