منتقم_وغريبه
بقلمي_فاطمه🤎
تصويت وتعليق بين الفقرات 🦋
___________________________
والسوالف كلها تكضي وتبقى
سالفتي طويله
____________________________
اجوان: حجيه مساع نرفزني لهذا السبب ردت استفزه لزمه صادق يمنعه كمت وكفت أعصر بأصابيعي يصيح بحركه ويدفع بصادق يريد يوصلني صاح بيه صادق حتى اطلع
صادق:امشيي طلعيي
سكنت بعد ماتحركت خفت استفزه اكثر عيونه تجدح بعصبيه درت وجهي عفتهم وطلعت كعدت بالصاله اسمعه يغلط ويصيح بلعت ريكي بخوف سمعتهم فتحو الباب وطلعو صارت هدوء شويه وطلعت مرت رضا راحت للمطبخ كمت صعدت فوك ضليت افتر بالغرفه اخر شي طلعت كتبي الهي نفسي شويه واجتني رساله بالموبايل فتحته رقم غريب دخلت عليها كاتب بيها
_بسيطه وين تشردين مني اني اعلمج
عرفته هو سجلت على رقمه خاف انسه رقمه شمرت الموبايل ورجعت أقره مرت ساعه وصعدن البنات فوك يتعاركن
اجوان:شبيجن
عذراء:جلبت تريد تبقى وامي رزلتها
هاجر:كله من وراج ضليتي تنكين الا نروح
عذراء:عندج مدرسه باجر شوكت تلحكين تقرين
هاجر: قاريه باليومي قابل مثلج كسولي
عذراء:والله ماكو غيرج كسولي
ضلت وحده تجر طول وحده تجر عرض اريد اركز بالكتاب ماكدر من وره مناكرتهن
اجوان:كااافي خل اقره
عذراء: انجبي انتي
اجوان:والعباس راح اكو
عذراء:كومي شمتانيه
استوني حطيت اديه بالكاع اريد اكوم دك موبايلي بصفي باوعت بشاشه شفته اسمها بلعت ريكي سحبته اديه ترجف فتحت خط وحطيته على اذني حجيت بصوت يرجف
اجوان:الووو
البنات سكتن يباوعلي ماكو صوت باوعت للشاشه مفتوح الخط رجعت حطيته على اذني وحجيت
اجوان:اياات
انسد بوجهي باوعتلهن ساكته سديته وفجئه اختفت الصوره عرفتها حضرتني شمرت الموبايل لزمت كتابي والدمعه بطرف عيني مارفعت راسي حسيتهن اخذن ملابس وطلعن شويه ورجعت عذراء جابت كتبها وكعدت بصفي بدون صوت كامت تقره شويه وحجت
عذراء:اجوان تعرفين تحلين هاي المسائل
اخذت الكتاب من عدها باوعت عليهن مساع ردت احلهن ماعرفت وعفتهن
اجوان:لا ماعرفلهن
زفرت نفس بضوجه اخذت كتابها عافتني وطلعت اني هم لميت كتبي لبست حجابي وطلعت نزلت جوه لكيتها كاعده يم اخوها يدرسها مانتبهلي من نزلت عفتهم ورحت للمطبخ بس هاجر ورضاب
أجوان:وين خالتي
هاجر:شويه وتجي بعدهي هوسه يمهم
رضاب:هاجر خلصت العشه شويه وطفي النار اروح للملاكاه اشوف وجهي وارجع ديربالج على مسلم هسه هو نايم قبل لايكعد ارجع
هاجر:روحي اني يمه
عافتنه وراحت لبست عبايتها وطلعت ضلت هاجر بالمطبخ تسوي كيك عفته وطلعت للصاله رفع راسه لمحني خزرني ورجع يكتب كعدت يمهم يفهم بعذراء اباوع للتلفزيون وبالي يمهم اسمعلهم بس ماريد أبين اريد افتهم يسئلها وتجاوب غلط رجع يعيد من جديد حولت نضري على الكتاب اباوع وياهم بدون مينتبهون شويه ورجع سئلها بسرعه حجيت بدون مانتبه
اجوان:نستخدم هذا القانون اخر خطوه
رفع راسهم باوعلي بطرف عينه ماعاجبه بلعت ريكي ثوله الا تحجين كبر لفج حيوانه انقذتني عذراء من حجت
عذراء:اي صحيح استوني ردت اكلك
صائب:راح افتح راسج بالطبله اذا ماتجاوبين صح
عذراء:لا والله افتهمت كمل هذا المثال وانطيني اي سؤال أحله
رجع يكمل السؤال شرحه حلو وينطي مثال واضح افتهمت عليه بس عذراء ثوله الا يعيد يلا تفتهم سحبت ورقه وقلم وكتبت المثال حتى مانساه وهمه مركزين يحلون كمل وانطاه سؤال تحله ردت اجرب واحله كتبته وبديت احل فصلت عنهم كملت وابتسمت برضى رفعت راسي لزمت ورقتي رفعتها وحجيت مبتسمه
اجوان:كملت
رفع راسهم مستغربين اختفت ابتسامتي نزلت ورقتي عضيت شفتي ودنكت حجت عذراء
عذراء:شبسرعه استوه كتبه شلحكتي تحلين
حجيت بسرعه بدون مافكر
اجوان:قابل مثلج اني ثوله وكسولي
عذراء :انجبي منو الكسولي
صائب:شلون كسولي
باوعتله بارتباك وعذراء بصفه تعض بشفته وتغمز بعينها باوعت عليه وحجيت متوتره
أجوان:ي يعنني مم متفتهم بساع
ضيك عينه وهز راسه مامقتنع زفرت نفس براحه ماحس الا انسحبت ورقتي رفعت راسي اباوعله يقره بيها اباوع عذراء ملتهيه تحل عصرت اصابيعي خاف يطلع حلي مو صحيح كمل وباوعلي حطها كباله ورفع راسه عليه رافع حاجبه حجيت اني
اجوان:هاا صح
صائب:شتكولين انتي
اجوان:مادري هو جاي اسئلك
صائب:متأكده من الحل مالتج
اجوان:اي ليش
صائب:طلعتي بس السان كلشي ماكو
اجوان:لا والله
صائب:كله غلط الحل
اجوان:أنته الماتفتهم مو الحل غلط
صائب:رجع السستم مال لسانج
اجوان:شنو الغلط كلي
صائب:كله
عذراء :خلصت شوف حلي
أخذ ورقه عذراء قراها وابتسم باوعله وحجه
صائب:عاشت ايدج صحيح
اجوان:شو انطيني شلون صحيح
نترت الورقه من حل قريتها عكدت حاجبي مستغربه باوعتله وحجيت
اجوان:شلون صحيح والقانون مامسنخدمته اصلا
عذراء:شو خل اشوفها
اخذتها مني قرتها وضربت كصتها وحجت
عذراء:اي والله نسيته
صائب:الناتج الاخير صحيح هاهي
معقوله هذا يحجي ضجت من كلامه شنو الناتج صحيح شعليها هاي بهاي
اجوان:يعني اذا جبتلك الناتج الاخير صحيح أخذ درجه كامله
صائب:لا
اجوان:لعد شلون الحل صح
صائب:مو مهم الطريقه المهم الناتج
لزمت راسي وحجيت بعصبيه
اجوان:راح اتخبل
ابتسم وشال القلم يصلح بالاوراق كمل وحط الاوراق على الميز سحبت ورقتي حاط عليها اكس جبيره وكاتب يمها تستاهلين الصفر ام الكسل وجواه كلمه صغيره فصمه رفعت راسي باوعتله وخزرته انافخ باوعت العذراء تضحك سحبت ورقتها كاتبلها كله صح وراسملها ورده وكاتبلها تروحلج فدوه ام الكسل باوعتله مبتسم كوه ضام ضحكته كمت وكفت متنرفزه شمرت الاوراق بوجهم وصعدت فوك دمي محترك طبيت للحمام غسلت وجهي بمي بارد شكد مستفز وغثيث طلعت صارت بوجهي ميسم طلعت من غرفته بس شافتني ارتبكت وراحت لغرفتها ماهتميت الها عفته وطبيت للغرفه حضرت جنطتي وكتبي حطيتهن على صفحه وشويه وصعدت هاجر تصحيلي على الاكل نزلت وياه لكيتهم مجتمعين كلهم حتى خالتي جايه كعدت يمه باوعت على ميسم تباوعلي وتحجي بأذن عمتي لبستها وكعدت اكل كملنه شلنه السفره جابت هاجر الجاي اجه تلفون للغثيث عافنه وطلع ضلينه بس احنه النسوان رضاب جابت ابنها واجت يمنه كعدت خالتي ولمياء يسولفن ورضاب تحجي بالموبايل وي خالتها هاجر صعدت تسبح وعذراء تاكل حب وصافنه على التلفزيون ميسم وعمتي فوك كمت كعدت يم خالتي مددت رجليها ونمت عليهن استمع لحجيهن أيدها تمسح على شعري وتلعب بي خلتني انعس بس ضليت كاعده وياهن شويه وماحسيت على نفسي من غفيت
حسيت شي دافئ على جفني ابتسمت لااراديا شويه وحسيت واحد حاط ايده على ركبتي وخنكي ضاك بيه النفس كمت ارافس فتحت عيني مخروعه والهث اباوع اني نايمه بالصاله ومغطيني البيت اضلم وصنته بلعت ريكي حلكي نشف فركت عيني وكمت للمطبخ اشرب مي المطبخ اضلم جاي ضوه خفيف من بره اول مافتحت الثلاجه صار صوت وراي يم الباب فتحت عيني بصدمه وكفت مصتكه صوت همس يم اذني احس روحي جاي اتخيل بس كلما يعلى الصوت ارجع للواقع صوت خطوات وراي كلبي صار صوته مثل الطبل اجه بالي حرامي من صار صوته قريب عليه كلش غمضت عيني ودرت وجهي رفعت رجلي مادري وين اجت الضربه وصحت بخوف فتحت عيني من سمعته يتلوى كبالي شفت طاوه بصفي لزمته وبسرعه ركضت فتحت الضوه اباوعله لازم جوه بطنه ويكمز ساعه يعض بأيده فتح عيونه باوعلي بياض عيونه صار احمر حجه من بين اسنونه
صائب:شبيييج بت الكلللب
بلعت ريكي وحجيت بارتباك
اجوان:شمدريني هذا أنته
صائب:لعد منووو ابوي طلع من كبره
اجوان:عبالي حرامي
دار وجهه عني ضميت ضحكتي على منضره حطيت الطاوه على الكاونتر باوعتله بقى دقايق واكف هيج شويه و وكف عدل فرك وجهه دار وجهه عليه دنكت راسي مبتسمه راح على السنكي غسل وجهه ونزل راسه حيل غسل شعره رفع راسه نكثه حيل ضحكت حيل من تذكرت حركته باوعلي مستغرب المي ينكط من راسه عكد حاجبه مبتسم اول مره اضحك كدامه ووياه هاي الضحكه حجه
صائب:شبيج تخبلتي
اجوان:لا بس هاي الحركه يسوها الجلاب من تطلع من المي
صائب:تدرين لو انتي ولد على هاي سوالفج جان جنزتج وخليتج تمشين اعوج
اجوان:ههههه يمه بطني انوب صدك هيج يقطر المي منهن
صائب:راح افر وجهج براشدي
اجوان:اخ يمه كون يشوفك صادق
أنت تقرأ
منتقم وغريبه
Mystery / Thriller-حاول..! أن يعصر عظامِهُ فِي فراشه، حاول أن يدفع لياليَهُ الموحشةَ إلى المِقصله، لا يمكنُه النومُ، لا يمكنُه الكتابة، لا يمكنُه اليقظة، أشَباحُه تتقدم إلى الغُرفة وتتمدد على السريرِ..! صقورٌ ترعى فِي عينيهِ بمسرةٍ، قريةٌ بكاملها ترتجفُ فِي أحشائِه...
