منتقم_وغريبه
بقلمي_فاطمه🤎
تصويت وتعليق بين الفقرات🦋
__________________________
مرة مرة ..
و المرارة تزيد للمايلگه فيَّ
و ينتچي على الشيب عُمره
________________________
عذراء:رحت وراها شفتها تمددت وغمضت عيونها سديت الباب عليها ورحت للمطبخ طب صائب وصادق وامي وياهم للاستقبال حضرت العشه وي رضاب نزلت ميسم باوعتلنه بطرف عينه وكعدت كبال الباب حطت رجل فوك الثانيه وتعلج حتى حجابها استغفر الله بس هيج حاطته بس تنفخه يوكع نوب لابسه تراجي كبار مبينات من جوه الحجاب جنها ذني الهنديات كملنه صب شويه وسمعت صوت فضل يمهم راح بالاستقبال نزلت لمياء وسهام هم كعدن نزلت هاجر راحت لغرفه امي شويه وطلعت اجت يمي تهمس
هاجر:وجهه صار اصفر حيل شلوون
عذراء:مساع اخذت علاج نشوفها شلون تصير عليه
اباوع على ميسم تباوعلنه بتركيز تريد تعرف شنحجي أشرت لهاجر تسكت عافتني وراحت تصيحلهم على الاكل نقلنه السفره وكلها التمت
صائب كاعد على أعصابه كلساع رافع راسه خازر ميسم صادق مكضيه تحشيش وفضل كالعاده متجاهلني مادري شبي هليام أحسه كلش ابتعد عني هلفتره اريد اسئله بس ماجاي الكه فرصه كملنا صبيتلهم جاي ووديته الهم كعدو يحجون على الشغل كعدت بصف امي اجت عيني على فضل بس انتبهلي دار وجهه هاجر صعدت فوك تقره
صادق:باجر اني وفضل نطلع نستلمها
صائب:اني اسبقكم واروح للوكيل ومناك نتلاكه
صادق:مو تضربنا بوري
صائب:دلل
جر حسره وحجه بضوجه
صادق:اخخ يابويه
فضل:شبي ابوك
صادق:كتله بويه زوجني صار عمري٣٠ اريد اشوف جهالي
صائب:ايي وشكلك
صادق:كلي هو أنته ماريد اشوفك مو نوب اشوف جهالك
فضل:شكد قاسي
عذراء:بعده يحجي ودك موبايله كام طلع بره جاوبه
شويه ورجع أخذ صادق وطلعو كلها انسحبت الغرفها بس امي ولمياء راحن للمره جوارينه المات حفيدها واني هم اخذت كتبي وكعدت أقره بالحديقه شويه وسمعت صريخ اجوان شمرت الكتب وطبيت للبيت اركض
هاجر:نزلت اركض على صوت الصياح بعدني على الدرج وطلعت ميسم تركض من الغرفه وكفت بالباب اباوع عذراء لازمتها من اديها طلع صائب علاكه سوده من وره الميز فتحها وطلعت ريحه كلش مو طيبه شمرها من ايده وطلع يركض من الغرفه بعت ريكي بخوف
اجوان:هدينني وخرري
كعدت يمها امسح بوجها اريدها تفتح عيونها متقبل حاولنا نسيطر عليها وهيه متخبله تشلع بشعرها وتخرمش ببلعومها وتصيح مغمضه عيونها
اجوان:وخروووو عنييي وخروووو
اني وعذراء نريد نسيطر على حركتها وهي مفرفحه بس تريد تفلت روحها منعدنه صوت صريخها مله البيت واسمع صوت ميسم هم تصيح البيت انخبص بلحظات عذراء روحها فرفحت بس تريد تلمها بحضنها
عذراء:ولج فتحي عينج مااكو شييي
تبجي وتصيح ركبتها كامت تصب دم من كد ماجرحتها بأظافيرها لحد ما طلعت عذراء تركض تصيح لصائب لحظات وطب علينه يركض بس لمحها اجه عليها لزمها وهيه ادفع بينه متقبل تفتح عيونها تصيح بصريخ صوتها أحسه اختفى من كد ماصيحت لزمها صائب ضربها راشدي ومتقبل تفتح عيونها متستجيب لحد ماحضنها حتى يقيد حركتها بس يريدها تهدء ويسيطر على حركتها تصيح وتضرب كدامها اباوع لعذراء دموعها على خدها تقره ايات بصوت مسموع كعدت حيلي مهدود اباوع عليها حاضنها صائب على كلبه مقيد اديها وحركتها دنك عليها ويهمس بأذنها
صائب:اشش اشش اني يمج
هدءت شويه تحجي بكلام ناصي وتهذي بس صوت مناشخها ينسمع دقايق ودفعته بقوه وابتعدت عنه دنكت راسها تتقيئ روحها رايحه وروحي وياها كامت تستفرغ دم وصائب من شافها تخبل يباوع عليها فاتح عينه على وسعها عافنه وطلع ضرب باب الغرفه بكل قوته وركض بره لزمتها عذراء رفعت راسها مسحت حلكها لحظات وسمعنه صوت صياح صائب باوعتلي عذراء وطلعت تركض بلعت ريكي بخوف الله يستر دنكت على اجوان ساعدتها دكوم تغسل تمشي بدون روح اجت رضاب تركض تباوع على الغرفه مستغربه عفتها ومشيت بس وصلت الحمام رجعت تستفرغ كلبي تفلش عليها اباوع لعيونها اختفن ليجوه خفت من منظرها غسلت وجهها رجعتها لغرفه امي خليتها تتمدد مانطقت حرف لازمه البطانيه على كلبها وتناشغ من كد مابجت صوتها صار بي خرخشه صوت هوسه فوك وصياح صائب من سمعت صوت التكسير من فوك كلبي وجعني اجت رضاب بيدها وصله تنظف الغرفه باوعت على اجوان مغمضه عيونها كلبي مكسور عليها الله لايوفقهن شسون بيها عفتها وصعدت وراه اول ماطبيت اباوع على ميسم كاعده بالكاع مبنده من البجي وجها صاير خريطه واحمر صائب واكف على صفحه يقتر منا ويروح منا وسهام واكفه يمها تعصر بأديها تعد وتصف على اجوان
سهام:كلشي مابيهاا تتعاير تجذب عليكم وانتم تصدكون بيهاا
سوالها حركه بأيده معناها اسكتي وكف يباوع بالكاع يحرك رأسه يمنى ويسرى أحسها راح ينفجر وكوه لازم روحه
سهام:هي نغلله وبت شواررع اشمرها ورجعها لأخوها
أنت تقرأ
منتقم وغريبه
Mystery / Thriller-حاول..! أن يعصر عظامِهُ فِي فراشه، حاول أن يدفع لياليَهُ الموحشةَ إلى المِقصله، لا يمكنُه النومُ، لا يمكنُه الكتابة، لا يمكنُه اليقظة، أشَباحُه تتقدم إلى الغُرفة وتتمدد على السريرِ..! صقورٌ ترعى فِي عينيهِ بمسرةٍ، قريةٌ بكاملها ترتجفُ فِي أحشائِه...
