# آلـ وهيب
بقلـمي: رُقيه الشَمر
تصويت وتعليق لطفاً 🦋.
'"""""""""""""""""
الوجـع بـَل روح شعليـها ملامحنه
""''"""""""""""""""
: هسه شـون ياربي لازم اقـنعهم بأي طريقه اني مااريده لـو اموت ماازوجـه احسن شي احجي لـ خاله وهيه تقنع ابوي وانتهى الموضوع خالـه وينج
ام علـي : : هااا شتردين
: خالـه حبابه احجي ويه بابا مااريد ازوج الله يخليج هسه هوه گاعد بوحده وهادئ امشي احجي وياه وان شاءلله يقتنع
ام علـي : اووف منج لج يا بنيتي هذولي ناس زينه وافقي اذا تحبين احد گولي لاتستحين مني اني مثل امـچ
: راح احجـيلچ بس امانه لاتگولين لابوي
اني احب شخص وهوه هم يحبني وعدني انُ يزوجني
ام علـي : ولج حب شنووو اذا عرف ابوج او اخوج يذبحوج ماما اسمعيني كلش زين اني ربي مارزقني بنيه بس عوضني بيج الله شاهد اعتبرج بنتي سوالف الحب ابتعدي عنهن حرام وميصير واذا عرف ابوج يزعل منج والولد گليله اذا تحبني تعال اخطبني بالحلال قال تعالى:{ عسى ان تحبوا شيئاً وهو شراً لكم وعسى ان تكرهوا شيئاً وهو خيراً لكم} يجوز انتِ تحبينه بس شمدريج هوه يحبج مو كل من گالج احبج معناها صدگ يحبج كبري عقلج وهذا الولد يمكن يطلع زين فكري زين وافقـي
: هااا ماادري
ام علـي : شنوو هااا موافقه لو لا
: خالـه تعرفين جوابي مستحيل ازوجه هذا واحد سكير ودايح ويلعب على البنات شعندي ازوجه
حوراء : وشـبيه اخـويه حتى ما توافقين وهاي الأشياء من يزوج يتركهن
: ماازوج وخلص گولي لاخوج البنيه رفضت
: فاطممههة اني طرطور هنااا حتى ترفضين وتوافقين بكيفج گلت تزوجينه يعني تزوجيه
: بابا الله يخليك ارفض والله مااحبه
ابو علـي : اني گلت كلمتـي وخلص تزوجينه
: والله اذا جبرتوني انتحر بابا اني بنتك ليش تجبرني على شي مااريده حباب ارفض الله يخليك اني اكرهه
ابو علـي : استغفرالله بابا لا تبجين امسحي دموعج وراح يجي الولد اليوم شوفي وتعرفي عليه واذا ماعجبج ارفضه بس لاتبجين العيون الحلوه
مسحت دموعي وحظنته واردفت: مثل ماتريد اشوفه بس هااا اذا ماعجبني ارفض وازوج شخص احبه من اختياري
ابو علي : هاذهوو براحتج
: احبك بابا واريد طلب صغير منك
ابو علـي : ههههه دومج مصلحجيه
اطلبي يروحي عيوني الـچ
: سالمه عيونك اريد العصر اروح على ساره
وداعتك مااطول فد نص ساعه وارجع
