الطاحَتلك گبل
هل مَرة متطِيح
الجَرح مِن ينفتَح
ماخيطة مَرتين
بعُمرها حچايتي
ماصارت ثنين
بَعد يم گلبي
صدِك ما اخليك
اشَلعك لُو صِرت
الكاتبة:- قمر الساعدي ♡♡
.
.
.
.
.
.
.
.
_________________
ليث:-نفس اني اريد اكلج شي اني
نفس:- انتَ شنو شبيك ليث احجي
ليث:- احم شوفي اني اريد اجيب هديه ال مريم بس ماعرف شتحب
نفس:- احم ها شوف جيبله فستان او جنطه هيج
ليث:-اي اني هم هيج فكرت
نفس:- اي يلا اني اترخص راح اروح
ليث:-الله وياج بوية
طفيت التلفون كبر اي والله عبالي راح يكلي نفس اني احبجج وراح اموت بهواج عابت اي والله طلع يكلي ماعرف شيجيب الخته من كون غمه التغمكك يا غثيث
يلا خلي يولي شسويله المهم وصلنه البيت نزلت واخذت الغراض صعدت فوك لأن تعبانه وباجر عندي دوام غيرت ملابسي وغسلت وجهي ونمت
كعدت على صوت تلفون طفيته ورحت غيرت ملابسي لبست مال مدرسة سويت شعري ونزلت جوه
نفس:- صباح الخير
اهلي:- صباح النور
نفس:- ماما سويلي بس الفه لأن راح تجي مريم.
منى:- خوش يوم تعاي هاج هاي الفه
نفس:- شكراً
زياد:- هاج هي فلوس اخذيهن
نفس:- شكراً عمري
اكلت الفه ولبست الحذاء كعدت انتضر ليث ومريم يجون شويه واسمع صوت هورن طلعت اركض
نفس:- اجيت والله اجيت
صعدت بالسيارة
نفس:-صباح الخير
مريم:- هلاو هلاو
ليث:- صباح الورد
نفس:-اويييي شبيههه محاسن
مريم:- هههههه انجبي انجبي
وصلنه المدرسة نزلت من السيارة
ليث:- مريم هاج مصرف
مريم:- شكراً حياتي
ليث:- شسمهه هاج انتِ هم
نفس:-انيي!!؟
ليث:- لا ابوية هاج اخذي
نفس:- لا عيني شكراً عندي ابوية انطاني ميحتاج
جريت مريم ورحنه الصف كعدنه ينطونه درس فوك درس يبوو هوسه وكلشي ماكو وملل قبل لا يخلص الدوام اجتني مريم
مريم:- نفس اني حطلع
نفس:- ولجج وين ترحين
مريم:- بربج وين اوليي شبيج اجاني ليث راح اروح البيت وصدك عيد ميلادي ساعه 5
