جانت صعبه بس هاي النهايات
جرحك وكسرك بكد حب البدايات
واكثر شي كسرني كلب الانسان
من يتقبل بضحكه الخسارات
الكاتبة:-قمـر الـ محمد
_________________________
«نفس»
ابجي بهمس ومخلية الجرجف بحلكي خايفة يطلع صوت شهكاتي وخايفة اخسر امي وصديقتي واختي
تعبانة وماعرف شنو احجي هوه محد راح يسمعني او يفهمني ومصطفى حسيته اخوية بيوم الشفتة يبجي بحركة عبالك اهلى مو اهلي صار سبوع هنا وكلها اجت بس اني احس نفسي واحيدة ماعندي شخص كلهم راحو حتة ابوية ما شفته
فزيت من نص بجي على فتحت الباب دخلت مريم وهيه وجهى احمر وعيونة منفوخة شفتها وبجيت بصوت عالي اجتني تركض وهيه تحاول سكت بية
مريم:- لا لاا نفس ولج انتِ القوية ليش هيج سوين بنفسجج ولج اصحي والله امج ما بيها شي امج تريدج صيرين قوية نفسي لا صيرين هيج ولج ابوج جاي يموتت من يشوفج هيج
تحجي وتبجيي سكتت بس صوت اشهاكنه موجود بالغرفة
حظنتني وهيه وتبجي كلت بصوت تعبان
نفس:- اريده ليش ليش ها باوعيلي يعني كله من ورا ابن خالد الحقير الجلب اني لو ما طالعة من المستشفى جان ما صار هيج يعني تخيلي امي صديقتي بعد ماكو ماكدر اتخبل هوه مجرد اتخيل اتخبل والله اتخبل والله تعبت اريد ايد على راسي تواسي بية ربي لا تحرمني من امي ماريد اسمع غير صوت اهلي
احجي بتعب واشهك مريم تبجي بصمت تامه ما حاولت اسكتني
مريم:- والله صارت احسن نفسي كومي عاد خطية اهلج وهذه ولد وكف يبجي عليهم شلون بلا ما صير عدنة متاعب بالحياة؟ لا صير لازم نتحمل يلا قلبي كومي حتة اللبنات ما جبت طاري كلت خاف متقبلين
بقيت ساكت بس ادموعي تنزل بتعب وحايرة شحجي وشكول خلص هاي هيه بعد لازم اكوم على رجلي كافي بجي شبعت بجي اني نفس القوية الي كسرت اكبر روس لازم اكوم ما لازم ابقة ابجي وانام واخذ مغذيات خلي اكوم اساعد ابوية كافي اسوي بنفسي هيج وكلام مريم صحيح الشوكت اني ابقة ابجي وكاعده ما اسوي شي واشوف اهلي جاي يضوعون من ايدي واني اتفرج
عليهم؟ غفيت واني افكر بأهلي
______________________
«مريم»
صافنة ؏ نفس الي شكلها تغير ضعفانة بشكل مرعب وعايشة بس ؏ مغذي وابوها الله يعينه
فزيت من دخل ليث عبالك حرامي
كال بصوت شبه معدوم
ليث:-نامت؟
اشرت بأيدي بـ شنو؟
ليث:- طرش نامتت
