لِماذا اختَرتني مِن بَين النجُوم لِتطفأنِي؟
______________________
«ليث»
مر فترة طويلة واني اشتغل ويا ابوية صرت احب الشغل صح يتعب بس احبة فد يوم طلعنة اني وابوية اليوم لازم نطلع الصبح لأن ماكو عمال الصبح فـ يزيد الراتب اذا اخذنة وقت زايد
كعدت الصبح غيرت ملابسي نزلت شفت ابوية كاعد وامي جاي تسوي ريوك ومريم كاعده بصف ابوي وتقرة وزيد من الجهه الثانية هم لازم كتاب الاحياء وصافن نزل دانيال وكال
دانيال:- اليوم الكل نشيط شنو هاي
ضحكت وكلت
ليث:- اني ابوية رايحين الشغل وهذوالة يقرون
بستغراب
دانيال:- وين مو الظهر الشغلكم لو غلطان اني؟؟
ليث:- اي مو اليوم ناخذ وقت زايد لأن ماكو عمال
دانيال:- هاي هيه اكعدو اني اصرف عليكم اني ضابط واكدر اصرف عليكم خوش ولحد يحجي بعد
ليث:- ترا ما محتاجين بس شعدنة كاعدين بالبيت ها عاد احسن هم نغير جو
ابو دانيال:- ميصير بوية اني بشد عوز ما اخليكم تشتغلون مو هسه واني شعدي كاعد بالبيت اختنك وتعرفوني ماعرف اكعد
دانيال:- بوية انتَ تعبان صرت حچي احنة ولدك ونصرف على البيت كافي نريد نوفي الدين مالكم انتُ ما قصرتو وما نعرف شلون نشكركم ونجازيكم
ابو دانيال:- اخخخ ولدي كبرو وصار يفهمون
نزل راسة وكال بصوت حنين وحزين بنفس الوقت
ابو دانيال:- بس بعدني اشوفكم جهالي الصغار الي يتعاركون على طوبة بعدني اشوفكم صغار ومن اشوفكم تجون يمي اذكر من اجي من شغل شلون تفرحون وتركضون علية لو من واحد يريد شي يستحي يكلي يروح تكولون الامكم تجي تكلي اخخخ يابوية اذا متت مو تنسوني
الكل بصوت واحد:- اسم الله عليك حبيبي
مريم:- ماااا مااااا شنوووو
زيد:- اي والله شنو تموتتت ماعلية بويةةةةة
ابو دانيال:- هذه الموت حق الله وكل احنة نموت وكل واحد يومة قابل ابقة وياكم ترا لازم تفرحون لأن راخ اروح الرحم مني ومنك
ليث:- بوية لا تحجي هيج ترا احنة نموت وياك
ابو دانيال:- ماكو شخص يموت على شخص هاي سنة الحياة الحمدلله ربي
شفت مريم خلت راسة بحضن ابوية وكالت بصرار
مريم:- بس اني اموت عليك تعرف اذا مو بيوم موتك يمكن ورا يوم او شهر او سنة بس اموت عليك واجي يمك لأن ما اكدر اعيش بدونك اذا صبرت شكم يوم بس اذا نفجرت ما ادر تعرف اذا ما اشوفك يوم كامل احس اكو نقص بداخلي ويومي ما كامل فـ جاب اكلك اني انتَ مو تحبني اذا ما تريديني اموت لا تموت هم اني جاي اكول خوش
