الفـــصــل الــــأول :بيـــن أســــوار كـولـومـبـيا ⚠️
مـــيــــــزان الـــــفرعــــون ⚠️
بقــلــــم : فــاتـي فــيطـــري......❌
سألته عن طعم الدماء فاجاب انه يشبه عصير الكرز ...⚠️
بارت : 51...
ميزان كتبكي و تشهق بصوت مرتفع :كنحس بالاشمئزاز من راسي ..فحالا انا موسخة ..كنحس بجبال محطوطة فوق كتافي ...
بغيت نخفف ..بغيت نرتاح ...عرفتي فاش كانو ...كانو ...فاش. .شهقات للحضة كترد النفس اللي تقطعات فيها بفعل البكاء : حسيت براصي وحدة رخيصة ..و ضعيفة ..
مكرهتش لوكان كنت ...قوى من هكاك ..مغيقدر حتا حد يآذيني ...ولا يآذي نيسان ...عذاب الضمير كيقتلني ..كنموت مية مرة كل نهار ...بغيت نرتاح مبقيتش قادرة ...
ديڤا كتبكي معاها ..وتتحصر على حالها حاسة بكل كلمة قالتها ..ايييه حاسة بكل معاناتها ...
ديڤا : ربي راه كيشوف كلشي ..ربي غيعاقبهم ..غيعذبهم في الدنيا قبل الآخرة ...حتا حاجة مكانت بخاطرك ..متحمليش راسك اكثر من طاقتك ...
ميزان قلبها كيضرها... ويديها كيرجفو ..دموعها مبغاوش يحبسو كلما تفكرات اش وقع ليها كتزيد تكره راسها ..و هاذ الدنيا كلها ...اكثر ما كانت كارهاها ...:ولكن ..علاش انا بالضبط ..اشمن ذنب درت حتا نتعاقب هكا ..اش درت..وانا من نهار خلاقيت مشفت النهار الابيض. ..گاع ايامي سوداء ...عذاب ..آلام ..وتحطم ...حتا كنقول حياتي تقادات وتترجع تعواج من جهة اخرى ....
ديڤا شدات يدين ميزان بين يديها كتشوف في عويناتها مركزة النظر فيهم :ولكن نتي راك باقا حية ..باقا عايشة وكتتنفسي. ...عمرك سولتي راسك علاش ؟..انا غنجاوبك ..حيت هدشي كولو غير اختبار لصبرك ..نتي عايشة باش تتغلبي على هدشي كامل ..و ترجعي حياتك كيف بغيتي ..تعيشي گاع السعادة اللي بقات مخزنة في سنينك كاملين ..
ميزان عينيها حمارو بقوة البكاء وجهها مازال عامر بالكدمات و كولو زرق كون شافو اي واحد غيتخلع من المنظر ديالو : ولكن انا راه عييت ..ما قادراش ..ماقادرة نواجه حتا راسي ..باقي غير گاع المصايب اللي كيطيحو على عليا ...
الفـــصــل الــــأول :بيـــن أســــوار كـولـومـبـيا ⚠️
مـــيــــــزان الـــــفرعــــون ⚠️
بقــلــــم : فــاتـي فــيطـــري......❌
سألته عن طعم الدماء فاجاب انه يشبه عصير الكرز ...⚠️
بارت : 52....
ديڤا :ربي غيعطيك الجهد من عندو ..ربي غيوقف معاك ..تيقي في الله ..و دعي ليه ..كتري من الدعاء ...
ميزان بقات كتشوف فيها لتواني ..هي بالصح فحال الملاك ..حتا بطيبة قلبها ..و حنية صوتها : يمكن انا ماشي فحالك ..
ديڤا :اه نتي ماشي فحالي ..حيت نتي احسن مني ..اي وحدة في بلاصتك كانت غتكون دبا تحت التراب ..ولكن نتي مازال عايشة ..دازت تلات ايام ..بالحساب ...وهانتي فقتي ..حيت نتي ماشي فحال اي وحدة ..
ميزان مازال كتبكي وتشهق بحرقة :ولكن انا مبغيتش نعيش ..علاش...علاش انا باقا حية ..علاش ..من بعد گاع ما داز عليا ..باقا حية ...
ديڤا :حيت مازال مدرتيش بالزاف ديال الحوايج خاص يدارو ..اولهم خاص تتقواي ..وتوقفي على رجليك الا بقيتي هكا ..راه مغتقضي والو ..و يمكن اي واحد جا يطلع فوقك ..حيت غتكوني ضعيفة ..ولكن الا تبدلتي كوني اكيدة انه غيفكر زوج مرات قبل ميقرب ليك ..
ميزان بصوت جاف ومبحوح : انا ميزان ..شنو سميتك نتي ؟ ..
ديڤا مع ابتسامة فرحات حيت قدرات تقويها وهدشي بان من عينيها :سميتك زوينة بالزاف فحالك ..انا سميتي ديڤا ..وعندي وليد صغير سميتو فيبيار ..اما راجلي ابريگادو ...
ميزان مقدراتش گاع تهضر يمكن گاع الطاقة اللي كانت عندها استنزفاتها ...حدها غمضات عينيها مستسلمة لنوم عميق ..بلا خاطرها ..فحلا دگو ليها شي مخدر ..خلات ديڤا كتهضر ومشات فاقدة للوعي ...
ديڤا بقات كتشوف فيها لدقائق عاد مشات جابت شي برودويات و بوماضات في يديها وبدات كتدهنهم في وجه ميزان حيدات حتا حوايجها ودهنات ليها لحمها ..و عاد
عمقات ليها الجرح اللي مخيط ودارت ليه الدواء. ..عاد لبساتها حوايجها وغطاتها ..شافت فيها لاخر مرة قبل متخرج ..عرفاتها فاقدة للوعي وبلا خاطرها ....
ESTÁS LEYENDO
مـــيــــــزان الـــــفرعــــون
Actionحــــــصــــــريـــــــــا ... روايـــــة : مـــيــــــزان الـــــفرعــــون⚖️ بقــلــــم : فــاتـي فــيطـــري......❌ لتلك العقول الواعية ...لتلك الآذان الصاغية ...لتلك القلوب الراقية ..لكم هذه الرواية ... الغلاف من تصميم : samia .. #صــــنف :جريمة...
