مـــيــــــزان الـــــفرعــــون

الجزء 7

الفـــصــل الــــأول :بيـــن أســــوار كـولـومـبـيا ⚠️
مـــيــــــزان الـــــفرعــــون ⚠️
بقــلــــم : فــاتـي فــيطـــري......❌
سألته عن طعم الدماء فاجاب انه يشبه عصير الكرز ...⚠️
بارت : 71...
البنت كتشوف فيها باستغراب بلهجة عنلية نطقات : لالا.. حنا في كولومبيا ...قالتها كتشوف في عينين مانيسا بجدية ...
#ميزان ...كانت جالسة في واحد الحقل كولو ازهار ..جنة فوق الارض ..كتسمع هرير الماء بجنبها ..نبع ماء صافي. ..كيبرق بقوة الصفاوة ...ازهار بجميع الالوان و الاشكال ..ريحان ..لوتس ..الاقحوان ...روايحها فايحة في الاجواء ..الطيور كتطير معلية جناوحها بحرية ..
كانت جالسة في وسط الورد كتقيسو بيدياتها ..و من عينيها باينة فيهم فرحة كبيرة ...
غير علات عينيها الزورق ..اللي فحال لون السماء و انعكاسو على الماء ..
شافتها ..اييه شافتها رفيقة دربها ..اختها و صديقة عمرها ...
دمعو عينيها بلا متحس ..واخة گاع اللي داز عليها عذاب الضمير كيدمرها ...
نيسان ابتاسمات بحنية ..ابتسامة ملائكية بعينيها النقريين ...و شفايفها الكرزيين ..كانت لابسة كسيوة في الابيض و دارة تاج فوق راسها ..كتبان فحال شي حورية ..ملاك نازل من السماء ..لوحة مجسمة ...
ميزان بعيون ماليها الحزن و التأنيب : سمحي ليا ..
نيسان هبطات لمستواها و شدات يدين ميزان بين يديها الدافيين ..بنظرة حنينة نطقات بصوت رزين و دافي : علاش غنسمح ليك ..و نتي مدرتي حتا حاجة ...
ميزان خانوها دموعها اللي هبطو كيتسابقو على خدها فحال قطرات المطر ..فحال حبات الكريستال النقي : انا مقدرت ندير والو (شهقاب كاتمة آلامها )..انا مقدرتش نعاونك اختي ...مقدرتش ...
نيسان حركات راسها بالنفي : لا ...لا ...مخاصش تبقاي معلقة بالماضي ..انا مازال عايشة هنا ..
دارت يديها على قلب ميزان ..كتشوف في عويناتها بحب ..: نتي معندك حتا دخل في اللي وقع ..و كنتي ضعيفة لا حول لكي ولا قوة ...مكنتيش تقدري تعاوني حتا راسك ..مكاين لاش تبقاي تعاقبي في قلبك ونفسك على حاجة نتي ماليك ذنب فيها ..عيشي حياتك اختي..عيشيها بجميع احاسيسها ..ضحكي ...بكي..آمني ...و تشبتي بيه ...
ميزان و دموعها مازال كيتساقطو حتا كيوصلو لثغرها كيعاديوه بملوحتهم ..كان قلبها كيتقطع احساس صعيب توقف قدام عذاب ضميرك ..ديال سنين و سنين ..هضرات بصوت رقيق بفعل البكاء : بيمن غنتشبت ..؟
نيسان دارت يديها على وجه ميزان كتدوزها بحنان ونطقات : بيه ..اول واحد غتفتحي عينيك عليه ..تشبتي بيه ...وبغيه .حطات يديها على قلب ميزان مبتاسمة ..و اختافات ..فحال عمرها كانت ..

الفـــصــل الــــأول :بيـــن أســــوار كـولـومـبـيا ⚠️
مـــيــــــزان يـــــهـــــــــوذا ⚠️
بقــلــــم : فــاتـي فــيطـــري......❌
سألته عن طعم الدماء فاجاب انه يشبه عصير الكرز ...⚠️
بارت : 72..
فتحات عينيها كتنهج ..و تحتها عاطيها الحريق ..ألم فظيع كتحس بيه ..كيتنهش ..احساس صعيب بالزاف ..الامها تجمعو عليها ...فين هي دبا ؟ اش وقع ليها ..؟
علاش تحتها عاطيها حريق بالزاف ..
رمشات عينيها كتحاول تنوض ...وقفات بصعوبة كتنين بالم ..والدمعة على طرف عينيها وفي عقلها نفس الكلام كيتعاود. .
فين هي ؟ اش واقع ؟
دورات راسها في الغرفة اللي كان غالب عليها اللون الابيض ..
شافت في راسها اش لابسة ..حوايج زوينين ..ولكن ماشي حوايجها ..
مشات مع جناب الحيط ..غير بالمهل ..الألم كينهش فيها ..وهي معندها جواب لگاع هدشي ..
حلمات بشي حاجة ولكن متفكراتها حدها عقلات على "تشبتي بيه "
مشات للبالكون كتطل ..تعلات على روس صباع ..كتحاول توصل ..قشعات شي حاجة من بعيد ..فحال ديور ديال زمان العبودية ...رجعات طاحت للأرض ..كتحاول تفهم اش واقع او بالاحرى كتحاول ..تعرف...يالاه غترجع توقف وهي تضرب ليها شي حاجة في راسها فحال الساعقة او رعد خلاتها تهبط للأرض تاني كتتلوى بالألم و تصرخ بكل جهدها ..سكتات على صدى اخر صرخة ..
ورجعات فتحات عينيها ولكن هادي ماشي نظرة ميزان ..هادي ماشي اللمعة اللي في عيون ميزان ..واش ..يمكن ..يكون ..شخص آخر ؟
وقفات كتضغط على شفايفها وتهضر بمكر : ضعيفة ..نتي ضعيفة ..ولكن انا قوية ..غنعمر بلاصة ضعفك ..
تمشات باتجاه الماريو لقات فيه شي حوايج جبدات ساشي وعمراتهم فيها هوما والبرودويات الدوايات وحتا المعقمات ..يالاه غتمشي وهي تقشع خاتم ديال الزمرد عامر بجواهر خفيفة من الجناب ..كان ديال ديڤا نساتو فوق الطابلة اخر مرة ...دارتو في صباعها وتحركات باتجاه الباب ...فتحاتو غير بالمهل ...كتمشي وتعرج ولكن واخة هكاك صابرة و كتحاول تجاهد بكل ما عطاها ربي من قوة. .طلات يمين شمال ..مشافت حتا حد ..حتات على الساشي حزماتها في يديها وبدات كتتمشى بيرعة كتحاول تكابر وتوصل ..شافت واحد الخدامة دايزة ..قشعاتها هكاك ووجهها كلو كدمات. .ترعبات كانت غتغوت كون ما اليد اللي لوات ليها راسها حتا تطرطق ..بقات كتشوف فيها لتواني قبل متبدا تجردها من ملابس وتحضي مع القنات تشوف واش كاين شي كمرات ..من زهرها هاد البلاصة ما فيهاش كمرات ..