مـــيــــــزان الـــــفرعــــون

الجزء 11

الفـــصــل الثانـي :حنيــة بيـن ثنايــا إعـصــارك⚠️
مـــيــــــزان الـــــفرعــــون ⚠️
بقــلــــم : فــاتـي فــيطـــري......❌
سألته عن طعم الدماء فاجاب انه يشبه عصير الكرز ...⚠️
بارت : 151...
فلتمت ايها الجبان..فلتمت ايها الضعيف ..
فالموت احب اليك من العيش ..بدون كرامة ولا كبرياء ..تذكرت مقولة امي في الصغر ..عندما قالت ابني سيكبر ليصبح رجلا عظيم ...حينها ابتسم ابي وقال بل سيكون شرطيا ..ابن ابيه ...
لكني كبرت لاصبح حثالة ..لا غير ..كبرت ليصبح الدم منتشرا في بقاع حياتي ..
كبرت لأقتل ارواح اكثر من ما اقدر ان أحصي ..لم اصبح شرطيا ولا رجلا عظيم ..اصبحت على ما أنا عليه ..لا شيئ ...❤️
عنوان الفصل التاني من اقتراح : israe sofii ..كل الشكر لكي حبيبتي ..
شخصيات متدحرجة ... شخصيات غير مرتبة ..متعلقة ببعضها البعض ..
لاقاها القدر ..شخصيات ما واضحينش..جمعتهم كاملين وسط ..دوامة مكتقاضاش ..كل واحد و ظروفو ....كل واحد و قناعاتو ...ولكن هاد اللعبة فيها اطراف فائزين و اخرين خاسرين ..من دبما كنقول ليكم لعبتي غتسالي يا إما بكش ملك ولا كش ملكة ❤️...
جهان كتبكي بصوت مرتفع على لسانها اسم اختها ميزان كتعاودو شحال من مرة ...دموعها مبغاوش يتقاضاو كان دموعها كيشكيو لاختها هدشي اللي وقع فاش كانت غايبة عليها ..
جهان : اختي ... اش وقع ليك اختي في غيابي ...
جهان كتبكي وتنخصص : قالو ليا راك في المغرب اختي ..والله مكنت عارفاك باقا ...
ميزان : وقع بالزاف اختي ... بالزاف ..اكثر من اللي يمكن ليك تستوعبي ..
جهان بعداتها عليها وهزات يديها كيتشوف في وجه اختها وتدقق وترمش عينيها وترجع تركز ...
جهان : اختي ..فين مشات الحرقة اللي كانت عندك في وجهك ؟
ميزان حطات يديها على مكان الحرقة ودارت كتشوف في شعيب وتبتاسم نصف ابتسامة : قصة طويلة اختي ..
جهان رجعات عنقاتها كتبوس فيها : كان قلبي غيسكت بالخلعة عليك اختي ..
ميزان قبطات وجه اختها بيني يدها : الحمدلله منين تجمعنا  ...
جهان ابتاسمات كتمسح في دموعها . ..مردوش البال لهادوك اللي حاضيينهم كيتباكاو شي نص ساعة مبغاوش يساليو ..
زكرياء قرب لعند خوه عانقو عناق رجولي ..همس ليه في ودنيه : احم عنداك تكون كتشبه لاختها راه تسطيك الساط ..
شعيي خنزر فيه : عرفتي بعدا شكون هاديك ..؟
زكرياء حرك ليه راسو بالنفي ..
شعيب : هاديك صاحبة نيسان ..
زكرياء تبكم ما بقاش باغي يهضر ..دار شاف في ميزان ورجع شاف في خوه ..متعطلش وما فكرش في ساعتو مشا كيجري دفع جهان و عنق ميزان حتا طرطق ليها عظامها ..
ميزان عينيها خارجين كتكح باغا تبعدو وهو والو ..حالف حتا يهرس ليها شي ضلع ..
زكرياء : البرهوووشة هادي نتي ..
ميزان كتضرب على كتفو : بعاد بعاد البغل ..
زكرياء بعد عليها كيوشف فيها مبتاسم حتا تغمضو عويناتو : توحشتك .. حط يديه على خدها : زيانيتي الموصيبة ..
ميزان بالاه غتجاوبو حتا حسات براسها تنترات من يديها ..مبقاتش كتحس بيها ..
شعيب : واش كتقلب عليا ولا شنو ؟
زكرياء : بعيد البلاء والباس عليا ..حجابرك يشدوك الخوادري ...
شعيب خنزر في ميزان : زيدي قدامي زيدي ..ندمتيني حتا جبتك لهاد زكرياء ..جرها موراه ماشي وكينگر خلا جهان و زيكو غا مصدومين منو ...
جهان كتنخصص وتضرب في زيكو : الله يعطيك البطل ..هرستيني مخليتيني نشبع حتا من اختي ..
زكرياء : لا لا واش غار عليها ولا غير جابني الله ..
جهان ضارت كتشوف فيه ركب في الاسانسور : واقيلة خوك يا طايح يا بني ..سوليني انا خبيرة العلقات الانسانية الغرامية البرسوكلوجية  ...
زكرياء خنزر فيها : نوضي تگعدي نوضي ونتي عجباتك الجلسة ..