مـــيــــــزان الـــــفرعــــون

الجزء 2

الفـــصــل الــــأول :بيـــن أســــوار كـولـومـبـيا ⚠️
مـــيــــــزان الـــــفرعــــون ⚠️
بقــلــــم : فــاتـي فــيطـــري......❌
سألته عن طعم الدماء فاجاب انه يشبه عصير الكرز ...⚠️
بارت :5....
جونيس مقدرش گاع يهضر حدو جلس على واحد الكرسي كينهج ...عارف الكلام اللي تقال صحيح ...هو تعلق فشي حاجة اكبر منو ...ما عندو ميدير دا غير انه يستسلم للامر الواقع ويلقا شي حل لهادشي ...
_الو..الو جونيس واش كتسمعني ...
جونيس عاد نتابه للتيل باقي شاد الخط :اه صافي كنسمعك ...
_انا غنمشي الليلة للمغرب انبدا من تماك عاد المانيا ....
جونيس :انا غنمشي معاك ....
_واش باغي تحمق ديل مي ...نتا غير لاشافوك معايا غتغرقني راك عارف المغرب و المخابرات ديالو ...راه يجبدوك من قاع الارض ...
جونيس :راه دوينا ...صافي غنحاول نتحكم في راصي ...غير تهنا مهم غنتلاقاو بالعشية عاد نزيدو نهضرو مزيان ...غنمشي نتكا شوية ...حاس براصي غينفاجر عليا ...
_بالسيف يا خويا ونتا تلاقيتي معاه فاص ....كون كنت منك كوراه مت غا بقوة الخوف ...كيعاودو عليه صعيب بالزاف ....و كاين اشاعات كتقول انه قتل عائلتو كاملة عاد جا لكولومبيا و كان في عمرو يالاه 15 عام ...
جونيس :يعني دبا دازت 16 عام على المجية ديالو ...في هاد الوقت القصير حكم الجنوب و گاع المافيات و الروص الكبار ..بغيت غير نعرف كيف دار ليها ...
_عرفتي شناهي مكيخافش نهائيا ..معندوش في القاموص ديالو شي حاجة سميتها الرحمة ...كاين ناس كيقتلو اييه سفاحين ولكن ماشي بداك الوحشية اللي فيه ...و اللي كيبغي يخرج ليك العقل هي البرودة ديالو ..يمكن يقتلك وهو غا كيضحك معاك ...راه حمق داك السيد ...ونتا عارف هدشي مزيان ...
جونيس مكمش عينيه :اييه فكرتيني قبايلة واحد الق** كانت باغا تبوسو ولكن غير قربات ليه قتلها بواحد الخنجر ...جيهت الراس نيشان...
_ااااه ..راك عارف اصاحبي شكليقولو عمرو دار شي علاقة ولا نعس مع شي بنت منين جا لكولومبيا ..گاع المافيات و العصابات كيسيفطولو بناتهم و لكن كيقتلهم في ليلتهم مكيقرب لحتا وحدة فيهم ...
جونيس ناض واقف :عنداك يكون ....
_لاواه النبگ اتكمش السي ...راه كاين شي لعبة حنا معارفينهاش ما علينا ..الا بقينا داويين عليه ..مغنساليوش ...انا غنقطع معاك دبا ...
جونيس بدون مبالات :واش حتا حد معارف سميتو الحقيقية ؟
_لا حتا حد ...متبقاش تداخل في الشبوقات اللي مكتخصكش ..انا غنقطع ...تيت تيت تيت ...

.الفـــصــل الــــأول :بيـــن أســــوار كـولـومـبـيا ⚠️
مـــيــــــزان الـــــفرعــــون ⚠️
بقــلــــم : فــاتـي فــيطـــري......❌
سألته عن طعم الدماء فاجاب انه يشبه عصير الكرز ...⚠️
بارت :6...
جونيس تمشا جيهت واحد الخيمة بدل الحوايج اللي لابس.. و تلاح كيف شي خنشة ...مهلوك و زاد كمل عليه الـــــفرعــــون ...
جونيس بتعب و عينيه كيتلسقو غير بوحدهم :الا مكملاتش هاد العملية غير نحسب راسي تحت التراب ...غمض عينيه و هو كيدعي في خاطرو ...حينت الا منجحش هادي اللخرة ليه ...
#المغرب ...احدى البلدان النامية او السائرة في طريق النمو ...(المتأخرة )....هاد الدولة اللي جاية في شمال افريقيا ما كيفصلها على الاسبان غير شوية ديال البحر لا غير ...و هاد الطرف ديال المتوسطي ماتو فيه شحال ديال الشباب ولاد البلاد ...اييه يكذب عليك الكذاب اللي يقول ليك مكانوش عارفين راسهم غيموتو ...اييه عرفو انهم غيموتو ولكن واخة هكاك زطمو لهلاكهم ...حيت هاد البلاد معطاتهم حتا حاجة ...النص فيهم خرج الطريق والنص لاخر كيتقاتل مع الدنيا على ود طرف ديال الخبز ..اللي كياكلوه حار ...نسبة قليلة منهم اللي كتقرا و كتخرج كيخدمو مع الحكومة النص في خلصتهم للضرائب و النص لاخر طريطات ديال البنكة ...البنات شي كيخرج للدعارة شي كتيتزوج و يقيل يتقاتل على ود زوج دريال ...و في نهاية المطاف كيتطلقو بزوج ولا تلاتة ديال الولاد ...هاد البلاد فيها بالزاف ديال الحوايج زوينين بقد ما فيها حوايج خايبين ناسها ...احيائها و هوائها ....
في مدينة من مدنها العتيقة "سلا"...هاد المدينة من اخطر المدن المغربية ...(فاس ..كازا ...و غيرهم ) ...يمكن تلقا في احيائها الشعبية انواع اشكال من البشر ...البزنازة ...الكلوشارة ..و بائعين الممنوعات (:المعجون ..الكالة ...لاضروگ ..)كيف كاين الصالح كاين الطالح ...اقلبة من الناس مقاتلين مع الزمان و مربين وليداتهم على طريق الله ...اما اخرين فقاطعين يديهم من يدين الرحمان ...
في احدى احيائها الشعبية....كيتسمع الغوات من واحد الدار و الناس مجوقين من فضولهم باغيين يعرفو اش واقع ...
الفـــصــل الــــأول :بيـــن أســــوار كـولـومـبـيا ⚠️
مـــيــــــزان الـــــفرعــــون ⚠️
بقــلــــم : فــاتـي فــيطـــري......❌
سألته عن طعم الدماء فاجاب انه يشبه عصير الكرز ...⚠️
بارت :7...
كانت دار من بالرا كتبان على شوية و تطيح ...كلها مقشرة و مخززة ...حتا بان الخشب باش مبنية ...
كيتسمع غوات مرأة وراجل كاسر الدنيا ...مخلي اللي دايز و اللي راجل يوقف يسمع اش واقع ...
_:جبتي كرش الحرام يا بنت الق**...صافي دكشي علاش كنتي كتقلبي ...
_وصااا..في .دتشب ..طالقي من البنت ...جبتي الفلووس ابن..تي ....
_سير الله ياخد فيك الحق اسكايري نتا سباب هدشي كامل اللي واقع ....وكلت عليك الله ...اجي نتي لهنا ...شدات البنت اللي كانت واقفة قدامها من شعرها حتا طاحت للارض و جلسات عليها تنتف و تعض و الاخرى كتغوت كاسرة الدنيا بحلقها ...
_هدشي علاش تعذبت ..و خدمت عند اللي يسوا و اللي ميسواش باش تهزي ليا رجليك ...ااااه ...هدا جزائي ....ادوي القو****...اسمعووو اعباااد الله ...انا عندي قح** في داري ...اعباد الله و كتعطييه بلااااش ...كتهزووو بلااااش ....
_وااا ميييي...طلقااااااي...الله يرحااام الوالدييين لماااا طلقييي ...طلقيييي منييي....
_طلاقي...البااانت ...ولاا نن...كان كيهضر و يميل بقوة الشراب ...كان ضارب الكاو نيت ...معلابالو بحتا حاجة ...و معارفش علاش كيهضرو اصلا ...
من بين الزحام علا بالرا كانت بنت جاية كتجري و تدوز في عباد الله باغا تدخل تسكتهم قبل ميزيدو يشوهو راسهم كتر ما هو مشوه ...شعرها اسود طويل حد مؤخرتها لابسة جلابة في الاسود مع بشرتها السمراء ...اللي شافها كيدوخ بلون عينيها الازرق ...
مشات جيهت الباب حلاتها بالساروت يالاه غتخطي الخطوة اللولة حتا جاتها شي حاجة جيهت الوجه...خلاتها تشيح للارض كتتحربل بقوة الألم ...كان بقراج ديال الماء طايب تخوا كامل على وجهها بقات تغوت و تتلوى في الارض بقوة الألم ...اما امها و اختها اللي كانو كيتقاتلو الداخل جراو لعندها كيغوتو ...كانو مصيبة طاحو في مصيبة اكثر منها ...
_ميزاااان ...بنتييي ..ميزاااان ....
_اختييي ...اربييي اختيي ...
جراو لعندها كيهدنوها و هي كتتحربل في الارض ...كتتشوى على الجمر ...اصعب الم يمكن شي حد يحس بيه في حياتو هو الم الحررق...دكشي علاش ربي خلا جهنم من نيران ...و عطانا من اقل درجاتها من بعد متخلط بماء البحر زوج مرات ...بحرا نقدرو نستعملوه ...فما بالك باعلى درجات جهنم الله لا يجعلنا من سكانها ...