تالِدات الثار

مشهد

كالعنقاء انا اشتعل واشتعل
وعندما اصبح رماد اعود
وها انا عدت من الماضي لحاضرهم
عدت لأجج حرب نشبت منذ سنين
ولم تدنوا سوى روحي 
عدت لاسترد سنين قد سلبت مني
عدت ومعي تالدات ثأر امرأة
ليتحدثوا عن كيد أمنية
~~~~~~~~~~~

يجرني من ايدي وانا حتى دمعه ما نزلت مني واحاول اصير قوية واباوع لخواتي وهنه لازميهم ويصيحن

- امشي اليوم اغسل عارج واخلص منج ويوم لخواتج اخلص عليهم وحده وحده
- اكتل روحك لان انته العار الوحيد الي هنا

ضربني راشدي ولاح نص عيني بحيث صرخت بشوغة والم

- والله عفيه رجال هسه صرت مديت ايدك ع مرا
- ولج ولا واحد من الولد هنا ويطلعونج من ايدي هالمرا
- عمت عيني عليك وراها شرح يصير بيك

رجع ضربني احس عيني هالمرا راحت ماشوف بيها بعد

وطاحت دمعتي غصب عني ذكرتة شرح يصير بي من يسمع اخذوني وموتوني بهيمه وهوا ماكو ، الي امني عنده طعن بي ، اخو طعن بي

سحبني وشمرني بالسيارة وقفلها والنسوان لازمات خواتي وهنه مابقت غلطه ما بقه تهديد ما هددو بيها

اشتغلت السيارة ومشت الطريق هادئ وانا مسلمة امري لله هوا اعلم انا مامسويه شي وهذا كله ظلم

وصلنه لسيطرة منها ونطلع من البصرة كلت اصرخ وهيه موته ع الاقل لازمينه هذا وقبل ما نوصل حرك السيارة ع الترابي ومشى وراح اخر امل عندي وما اسمع الا السيارات العسكرية ورانا

---------------------

- ليش دائما تسمعها؟

جر نفس من الجگارة ويباوع لعيوني ويجاوب

- لان وحده سالتني ليش احبها وكتلها بعدين تفهمين
- يعني تحب وحده ؟!

ابتسم

- اممممم متانيها تذكر تسالني مرا ثانيه وهالمرا اكلها بدون تفكير
- ليش ما تكلها بدون ما تسال
- الموقف اذا ذكرته يعني اتاكد تحبني

باوعت علي ودرت وجهي اباوع للنجوم

- الحب الي ما يعرف عنه صاحبه يأذي
- شلون مايعرف عنه صاحبه ؟!
- من تحب هالمشاعر مو انته صاحبها للي تروحله قلبك وعقلك يصير ملك لهذاك وبالعراقي تصير حواسم لقلبك

ضحك واول مرا اشوف ضحكته هج من قلب

- حلوة هسه انا حواسم
- وانا حواسم
--------------------

ياريت الي يقرا يسوي تصويت حتى الناس تشوف روايتي 🥹
بليززز سوي تصويت