Krishn ho tum mere par mai tumhari Radha nahi.
Tum ho jo sath mere toh kuchh bhi fir aadha nahi.
Mai toh hoon bass ek sakhi tumhari....log kehte mujhe hain Bansuri.
Krishn ke bina toh meri har baat hi hai adhuri......
Krishn ki Radha toh har koi banna chahta hai....
Mujhe nahi banna Krishn ki Radha iss baar.
Nahi hona chahti mai apne Krishn se door.....
Toh mai banungi unki Murli iss baar.
Gopi bankar nahi sajna mujhe Krishn ke liye....
Mai toh Krishn mein hi sajna chahti hoon.
Prem nahi Krishn ka...... mai Krishn ki sakhi banna chahti hoon.
Radha nahi hoon mai.....mai Krishn ki Murli banna chahti hoon.
Nahi sajna mujhe Krishn ke liye.....mai Krishn ka hi shringar banna chahti hoon.
Nahi bann sakti agar prem unka.....toh unke jeevan ka saar banna chahti hoon.
Jo sangeet ki dhwani bajti hai unke labon.....uss dhwani ki dhaar banna chahti hoon.
Aur Radha nahi hoon mai.....mai sirf krishn ka sampurna sansaar banna chahti hoon.
Gopiyaan tarasti thi Krishn ke prem ke liye......
Mai Krishn ke sath rehkar bhi prem na bann saki unka.
Sajti mai aaj bhi mere Krishn ki wajah se hoon.....
Par duniya kehti hai shringar mujhe mere Krishn ka.
Door hokar bhi door naa hui.....
Paas rehkar bhi paas naa rahi.....
Prem toh kabhi ban hi naa payi Madhav ka.....
Sakhi hokar bhi sakhi naa rahi.
Chhup jata tha Krishn ka haal Radha se bhi kabhi.....
Par mujhse chhupaye naa chhupa paate.
Kehkar nahi batate the kuchh kabhi.....
Par apne swaron se sab keh jaate.
Khush hu mai Krishn ki sakhi bankar bhi.....par phir bhi mann me ek awaaz uthti hai ki......
Murli ho tum Murli.....ek Murli hi reh jaogi......
Prem nahi tum Krishn ka....sirf ek sakhi hi reh jaogi.
Par antt nahi hai mere mann ki awaaz ka yaheen par, ek prakhar awaaz kuch kehti hai ki.......
Murli hoon mai Murli......ek Murli bankar hi khush hoon.....
Prem nahi banna mujhe Krishn ka.....ek sakhi bankar hi khush hoon.
Kam se kam sath rehti hoon Krishn ke.....unse door hona nahi padta......
Paane ke liye duniya ke sukhon ko......apne Krishn khona nahi padta.
Krishn ke liye toh Radha aur Murli, dono ka hi prem tha anootha.....
Par sansar ke liye Radha ka tyag sachha, aur Murli ka tyag jhootha.
Radha ko tyagna na pada tha Krishn ke prem ko....
Par tyagkar bhi tyag naa payi.
Murli sath rahi Krishn ke par.....
Sachha sath kabhi maang naa payi.
Kyun sab kuchh kehkar bhi Murli chup hai.....
Aur sab kuchh sunkar bhi Krishn shaant.
Kyun Radha janti nahi ki......
Murli bhi hai unke aur Krishn ke saath.
Kyun Radha samajhti nahi ki.....
Murli bhi Radha-Krishn ke prem ko sarahti hai.
Par prem Murli bhi karti hai Krishn se....
Isliye chahkar bhi unhe bhula nahi pati hai.
Antt mein Murli bankar yahi kahungi ki......
Radha chinta naa kro, Madhav sirf tumhare hain.....
Ve kisi aur ke nahi bass tumhare prem ke haare hain.....
Aur Murli shatru nahi tumhari.....wo tumhari bhi sakhi hai.....
Kyunki antt-taha Murli ke araadhya...... keval tumhare prem ke sahare hain.
~~~~~~~~~~~~~~~~~~~~~~~~~~~~~THANKS FOR READING
STAY TUNED FOR MORE
HOPE YOU LIKE IT
VOTE FOR IT IF U LIKED IT
SORRY IF I HAVE DONE ANY MISTAKE
MORE POETRIES WILL BE THERE AS SOON AS POSSIBLE
YOU ARE READING
Madhav ki Murli
PuisiThis is a new heartfelt poetry. I have written this in Hindi to present the real essence of love that it carries. This poetry is about the one sided love of Murli for her true friend Krishn. In the poetry, Murli tries her best to make Radha feel sa...
