الشُرفة المجاورة..(مكتملة)

الجزء الثاني

صحيت من النوم علي صوته وهو بيدندن مع اغنية قديمة لعبد الحليم
صوته قمر اصلا

لبست الطرحة وقلبي وجعني اوي لما طلعت ولقيته بيسجل فويس
اكيد ليها!
خبيت نفسي بسرعة قبل مايشوفني واتفضحت لما لقيت ادهم بيتصل بيا

بيتصل باوقات غريبة كانت نقصاه هو كمان
عملت الموبايل صامت بسرعة ودخلت وانا بتسحب علشان ميسمعنيش

يوسف: مستخبية ليه
قالها يوسف باستهزاء

يافضيحتك يالوزة
ياصغيرة علي الهم يالوزة

قومت ووقفت كدة واتكلمت بثقة: مين قالك اني مستخبية

يوسف: خالتي قالتلك اني هخطب الاسبوع الجاي
نور: اه قالتلي مين الي امها داعية عليها دي
يوسف: زميلتي في الشغل
انا ظبتك قدام ادهم دة تقريبا او آدم فظبطيني قدام خطيبتي المستقبلية ومراتي ان شاء الله بقى

نور: ايه دة هو انا هروح معاك

يوسف:ايوة طبعا مش زي اختي

بيقول كلامه وبيبتسم باستفزاز
مستفز!

بعد المحادثه السخيفة دي بصيت في ساعتي لقتها ٨ونص ومعاد محضرتي ٩

دخلت بسرعة وطلعت اي لبس ولبست الكوتش والشنطة والطرحة ونزلت جري

لما نزلت لقيت ادهم مستنيني بعربيته
ادهم: لسة فاكرة
اركبي
اترددت شوية بس مفيش حل
ركبت ورا بس لقيت ادهم مستغرب
ماله دة هو كمان

ادهم بملل: انتي فكراني سواقك؟

قومت بتأفف وقعدت قدام جمبه وطول الطريق متكلمتش

ادهم زميلي في الجامعة اكبر مني بسنة
انا في سنة رابعة وهو في خامسة
فضله سنة ويتخرج من هندسة
اعُجبت بيه من اول سنة ليا في الجامعة لانه وسيم وطويل وبعضلات وعيونه ملونة وقمر اصلا
عمري ماتخيلت انه يجي يتقدملي
معرفش ليه دلوقتي موافقتش عليه
او لسة بفكر

عدى ٦ايام و جه اليوم الموعود
يوسف قالي اني لازم اجي معاه بمناسبة اني اخته🙄
لبست اشيك فستان عندي
ايوة مانا اكيد احلي منها
انتوا هتلاقوا في حلاوتي فين اصلا
اتصل بيا يوسف وقالي انه هيجيب عربيته ويرجع
بعد شوية نزلت انا وخالتو وماما

يوسف بهمس: ايه الي انتي لابساه دة
قولت بنفس نبرة صوته: ماله

يوسف بضيق: انا هنفخك لما نرجع
ابتسمت باستفزاز وركبت العربية
بعد نص ساعة تقريبا وصلنا في بيت شكله متواضع جدا
قعدت جمب ماما ولقيت مامت العروسة بتقولي ادخلها جوا
مفهمتش ليه بس دخلت الاوضة لقتها قاعدة مبتسمة وكأنها مستنياني

يتبع✨🤌