الشُرفة المجاورة..(مكتملة)

الجزء السادس

دخلنا الشقة الي كانت حرفيا مش نضيفة
التراب في كل مكان وفيه اكياس شيبسي في الارض وحاجات كتيير
قعدت علي طرف الكنبة وانا قر*فانة
من المكان ومن يوسف

المهم مطولش عليكم انا وماما طلعنا برا علي السلم عقبال ماخالتو ويوسف يتفاهموا

بس في الاخر قال انه مش هيرجع البيت دلوقتي واتصالحوا وخلاص يعني وده طبعا بعد القلم الي نزل على وشه من خالتو..! ♡

صحيت من النوم لقيت ٥اطفال بيلعبوا في وشي وفي اوضتي

طبعا صر*خت لاني بخاف من الاطفال

معرفش مين الي قال انهم احباب الله

قعدوا يقربوا مني ويضحكوا وانا ببعد

لقيت في بنت منهم مسكت رجلي فصوتت وطلعت وانا اجري وهي لسة ماسكة رجلي وبتضحك
ولا كأني بلعب معاها!

طلعت للصالة لقيت فيه بنات كتير قاعدين مع ماما
كبار وصغيرين واطفال زي الي انا شوفتهم دول

اتحر*جت جدا خصوصا اني مكنتش لابسة الطرحة وشعري بايظ خااالص والبنت لسة ماسكة في رجلي
ظبطت شعري بسرعة وعدلت وقفتي وحاولت انزلها من علي رجلي بس كانت مسكاها جامد

ماما اتكلمت: تعالي سلمي علي قرايبنا من البلد

بلد هو احنا عندنا بلد اصلا

الحمدلله علي نعمة خالتو
الوحيدة الي اعرفها

نور: ممكن تيجي ثواني طيب

ماما استأذنتهم وجت معايا الاوضة

قولتلها بهمس: خدي البت دي من رجلي بسرعة
شالتها وبدأت تلعب معاها

نور باستفهام: هما الي جابهم انهاردة؟

قالتلي ماما باستغراب: مالك يابت وايه الي هيحصل يعني
وبعدين احمدي ربنا
انا اخر مرة شوفتهم اول ماخلفتك
ويلا البسي الطرحة وتعالي علشان الرجالة بتصلي في الجامع وطالعة

لطمت علي وشي: هو كمان في رجالة

ماما طلعت من غير ما ترد عليا ولا تديني اي رياكشن
ايه الام دي

جات الحز*ينة تفرح ملقتلهاش مطرح
قولت كدة وانا بلبس الاسدال بتاعي الجديد الي شبه الدريس

يوم اجازتي بدل مااقضيه في اوضتي مع سريري اقضيه مع ناس معرفهاش
لا ومعاهم اطفال شبه الشيا*طين

فتحت الدرج بتاعي الي فيه النوت بوك بتاعتي وشوية صور ليا انا وبابا الي مشفتوش بقالي ٥سنين او اكتر

كل الي بيعملوا انه بيبعتلنا فلوس وخلاص

رغم ان ماما قالتلوا انزل مصر وبعدين ابقي شوف شغل تاني بس هو متمسك بشغله برا والاجازات بتاعته بيقضيها مع اصحابه في دولة تانية وكل ما نقوله يكلمنا فيديو كول يطلعلنا اي عُذر
حرفيا كلامنا كله بقي في شات