الشُرفة المجاورة..(مكتملة)

الجزء الرابع

كنت نازلة بجري بس يوسف قفشني من قفايا بعد ما اهل العروسة طردونا
يوسف: قوليلي هببتي كدة ليه
نور: شيل ايدك يالا

اتكلمت خالتو: سيبها يايوسف

يوسف: قوليلها ليه بوظتي الدنيا

نور: بقولك ايه ياطويل يااهبل انت
البت دي مجنونة اصلا
انا الحق عليا اني انقذتك ياض ياللي شبه النخلة

يوسف: شوفتي ياماما شوفتي ياخالتو بتقول ايه
اعلقك هنا يعني ولا ايه ياقصيرة ياقزمة ياشبه السنافر

رديت عليه بعفوية وانا بحاول اخليه يسيبني: انت بتعايرني يانخلة

يوسف: اسكتي يابت ويلا ادخلي العربية وانا هحاسبك في البيت

نور: معييش فلوس

طلعتله لساني ودخلت العربية بسرعة قبل ماياكلني
متوحش الواد دة

وصلنا البيت ويوسف قلنا انه هيروح يركن العربية ويرجع ونبه عليا اني استناه علشان يحاسبني
طبعا اول مالقيته مشي بالعربية بتاعته طلعت جري ورا ماما وخالتو

ايوة مانا لسة صغيرة ومشوفتش احفادي ولاد الهبلة هما كمان

ماما اتكلمت وهي شايفاني بجري: يابت انتي مش هتستنيه زي ماقال؟

قلبت وشي: عايزاه يفترسني ياماما؟

اتنهدت ماما وانا كملت جري

ياصغيرة علي الهم يالوزة
دخلت اوضتي بسرعة وغيرت هدومي ولبست الإسدال والطرحة وعملت نفسي نايمة علشان عارفة انه هيدخل علشان يقتلني

فاجأة سمعت صوت الباب بيتفتح جامد وصوته بيقرب مني فغمضت عيني بسرعة وانا بدعي ربنا اني متقتلش انهاردة
لقيته دخل عليا الاوضة ووقف قدامي لثواني

يوسف: فيه حد ينام بالاسدال
قومي يابت

اتفزعت من صوته فقومت بسرعة وهو قفشني من قفايا تاني
معرفش ايه مشكلته مع قفايا الواد دة

يوسف: هتقولي دلوقتي الي حصل ولا ارميكي من البلكونة

مثلت اني بعيط: انت هترميني يعني علشان بابا مسافر ومحدش هيقدر يوقفك يانوتي

هزني جامد وزعق اكتر وماما كانت واقفة ورا مع خالتو عند الباب بيتفرجوا
مسرح مصر هو

نور: سبني ياسطا وهفهمك كللل حاجة من الالف للباء

يوسف بعدم فهم_هى مش كانت للياء

_تؤ للباءءء

سابني وانا قعدت علي السرير وهو علي الكنبة الي قدامي

نور: بص بقي خلاصة الكلام البت دي مجنونة
يوسف: ملكيش دعوة بيها

بعد ماحكتله علي كل حاجة مكنش مصدق بس براحته بقي
هو الي اختياراته زي الزفت
انا مالي
بعد ساعة من تبريري صدق ومشي وانا نمت و الحمدلله ان اليوم عدي علي خير

الصبح صحيت من النوم علي صوته وهو بيتخانق مع خالتو
روحت انا وماما علشان نشوف فيه ايه لقيته بيخبط علي الباب جامد وبيكسر كل حاجة
لزقت في الحيطة مع ماما ولقيت خالتو عمالة تعيط وتزعقلوا
فاجأة قرب مني وخبط علي الحيطة الي جمبي

وقالي بصوت عالي: انتي السبب انتي السبب
وفتح الباب ومشي

خالتو انهارت في حضن ماما وهي بتعيط وانا روحت شقتنا علشان متاخرش علي الكُلية بتاعتي

طول مانا ماشية في الشارع كنت بفكر في يوسف
منه لله هو كمان

اول ماوصلت الجامعة لقيت ادهم معاه بنت وبيحضنها!
ابن الــــ

يتبع✨🤌