مهجه

البارت الرابع

بقلم رشا كاظم #
*....
  ... هم تمد عليه الدنيا حبال..
...  التعب فوگ التعب...
...  روحي مليان طعنات..
... ما بيه حيل ترد على الطيبات...

~~~~~~~~~~~~~~~~~~~~~~~~~~~~~~~~~~~~~~~~
  «مقطف.. للاحداث»

وداعت غلات عيون اغلى بشر على گلبك الا اذيك نفس ما اذيتني...!!
: مو اني، هاي  عيشتي لا تظلميني مثل ما ظلمتني حياتي من صغري..
صرخت و ضربت على صدري بيديه و دموعي صارن شلال..
: موتوني... موتوني ما بقى عندي شي اخسر... گلبي اذا يحن الك والله اطلعه من صدري والله اموت..
  روحي و لا ارجع للعذابي كافي كافي ارحموني..!!!!
سحب يديه و حضني و خله وجهي بين صدره.. همس و اني ادفر بيه و اضرب صدره و دموعي خنگت روحي
: كافي.. ولج موتيني ولج كافي بعد ما اتحمل شنو تريدين تشوفيني احترگ گدام عينج...!!
صرخت بصوت عالي و روحي منتهيه... صرخت و اني اضرب على بطني...
: ولك مات و الچتال حر ولك روحي راحت و بقيت اني سوده عليه يا تراب يلمك و اني المحسره على..
شمه عطره...!!!
دفرته و گعدت على رگبي و اني احضن روحي  اهز بجسمي بهستريه عيوني صارن حمر من البجي...
  گعد على ركبه مواجهه وجهي لمس خدي..
و اني سحبت يده بنتره...
و عيونه مليانه دموع خانگته الغصه بصوته حجه بصوت مبحوح...
:  كافي بعد ما بيه حيل... لا تكسريني الدنيا كاسرتني هواي و انتي الجبر الوحيد بحياتي...
حجيت بنتر..
: لا اني مو جبرك اني كسرك وخر عني و ابتعد شگد ما تگدر بس و داعت عيونه ما اضل يمك...!!
: والله لو ادري بيج هلاكي ابقى معاج عذبيني  اگتليني بس لا تعوفيني ما بقى شي خلصت والله هانت..
وگفت توجهت على الباب و حجيت بدون ما اصد عليه منطيته ظهري..
: ما ابقى معاك لو تنصب ذهب...!!!
لسه توني حاطه يدي على المقبض ما حسيت بشي غير بيده و هي لازمتني من خصري سحبني و همس
بصوت مبحوح مخنوگ..
: سامحيني..!!

~~~~~~~~~~~~~~~~~~~~~
مهجه...
گعدت و اني ما اعرف شلون نمت الجو..
بارد... گعدت اريد اشوف الجو.. طلعت الدنيا
ليل.. صارلي النهار كله نايمه...
رحت غسلت و صليت.. و كل ما ارجع اتذكر..
امي شلون جانت تعلمني على الصلاة..
و توصيني احافظ عليه.. دموعي نزلن..
كملت صلاتي و ردت اطلع من الغرفه ختنگت..
منه اريد اشوف اني وين..
لزمت المقبض اريد افتح الباب.. بس جان مسدود..
تنفرزت.. و رجعت گدت بزاويه بالغرفه.. ابجي..
سمعت صوت خطوات عند الباب..
فتح الباب و دخل...
بيده صينيه.. تقرب عليه و گال..
: اكلي احسن ما تموتي جوع..
رفع عيوني عليه خازرته..
: خليني اموت احسن ما ابقى معاك..
رمى الصينيه بالگاع بيني و بينه گعد..
گال..
: خلصي روحج و احجي.. منو دازج؟؟
بجيت و صرخت عليه..
: والله العظيم محد دازني عوفني اروح.. لخاطر..
   كل من هو عزيز عليك.. عوفني..
ضارم: انتي عبالج.. هو دخول الحمام زي خروگه..
   انتي جيتي برجليج عليه ما تطلعين منا الا اذا..
  انتي ميته لان اصلاً اذا طلعت منا راح تموتين..
  مهجه شهگت ابجي شنو يقصد هاذه..
: باوع خليني اروح و عادي خليني اموت المهم ما..
   ابقى معاك..
ضارم..
حگيت راسي و صفنت بعيونها المليان دموع..
وجهها صار احمر من البجي لافه جسمها بيدها..
:  ليش بسام دزج عليه؟؟
شفتها بجت و حلگها رجف..
: الله ياخذه ظالم و ياخذك معاه.. كلكم حيوانات..
  كلكم بلا احساس.. الله ينتقم منكم..
تعصبت و لزمت حلگها..
: لا تمثلين عليه دور المظلومه.. هاي الحركات مو عليه
مهجه..
شهگت من لزم فگي.. و ادفر بيه يعوفني بس هو..
متعصب..
سحب الحجاب من شعري و اني اصرخ و ادفر..
بيه بس هو و لا يمه جسمه جبير و اني مثل النمله..
عليه دفعني على الحايط.. و قرب راسه على اذني..
مسك يديه الاثنين بيد وحده.. سمعت انفاسه عند..
اذني و حرارت انفاسه على رگبتي..
: احجي و خلصيني قبل ما اسوي شي غير..
  اخلاقي..
شهگت ابجي اتوسل بيه يعوفني..
: والله ما اعرف شي.. عوفني وخر الله يخليك.. وخر
عصر يديه بين يده.. و حجه و هو يسن على سنونه..
: الى متى راح ظلين مقاومه.. راح اموتج..
  اذا بقيتي هيج..
مهجه...
حيلي كله رجف... من باس رگبتي.. صرخت بصوت عالي
حتى هو جفل..
: وخرررررررررررررر....!!!!
ضارم...
عفتها و وخرت عنها.. گمت طلعت اسمعها تبجي..
و تدعي عليه...
: الله يجوي گلبك مثل ما گلبي مجوي.. الله يشوفني
بيك يوم يا مجرم..
دخلت غرفتي.. سمعت تلفوني يدك..
رحت مسكته شفت اسم عيسى..
رديت..
: الو..
عيسى: الو جنيد اكو موضوع لازم نحجي بيه..
: تمام تعالي عليه..
عيسى: يلا هسه اصير يمك..
سديت الخط.. انتظر عيسى..
شويه و ندك باب البيت.. رفعت تلفوني اشوف منو..
عند الباب من الكامره..
شفت عيسى.. رحت فتحت الباب.. دخل..
و گعدنا بالصاله.. ‏حجه عيسى و هو يطلع..
جكاره... شغله و اخذ نفس..
: ها شاكو..؟؟
عيسى و هو يطلع دخان الجكاره..
: اكو اليوم توصيل بضاعه للمخدرات.. و بضاعه..
  للبنات.. للبيع..
حگيت خدي.. و ضحكت..
: اي قابل اول مره راح نسويه..
عيسى: بس هاي صعبه يا ضارم انت تعرف..
  شلون نخلص من مهمه المخدرات و نروح على..
  مهمه البنات..
:  اي عادي يا عيسى اذا راح نموت هاي هي
  حياتنا.. اما اذا خايف فاني و توفيق نكمل..
ضرب عيسى چتفي.. و گال
:  للموت اني وياكم..
: الساعه شكد البضاعه مالت المخدرات تصل؟؟
عيسى:  بالتسعه..
  :  و البضاعه مالت البنات.؟؟
   عيسى:  يدعش.. بالليل..
  :  لعد گوم.. نخلص..
گمنا اني و عيسى بدلت و لبست كل لبسي اسود..
  و لفيت وجهي بلثام ما يبين غير عيوني...
و عيسى بعد..
طلعت و سديت الباب.. غفلته..
مهجه..
سمعت كل حجيهم... من المخدرات على بيع البنات..
خفت و جسمي رجف يا ربي اني وين..
انسان مجرمي يبع البنات و المخدرات و عنده عادي
اذا يگتل.. سمعتهم طلعوا و سدوا البوب..
لزمت المقبض مال الباب انفتح الحمدلله
باب الغرف مفتوح.. يمكنه نسى يسده..
طلعت افتر بالبيت اكو بيه صاله جبيره.. و مطبخ..
مرتب.. و غرفتين من عدا الغرفه البيه اني..
تقربت على غرفه حاولت افتحه بس جانت..
مسدود تقربت على الغرفه الاخرى..
دفعت الباب جان مفتوح دخلت على الغرفه..
جانت غرفه بيه تخت مرتب و شباك جبير.. و مليانه
لوحات رسم و اللوان... تصبيغ.. و حمام داخلي
تقربت على اللوحات.. شفت شخص مرسوم بيه..
ملامحه مشاغبه و ضاحك مكتوب جوه الرسمه
عيسى.. عفته و رحت على رسمه اخرى..
هم شخص بس ملامحه مرتبه حنطاوي.. و رفيع
الوجه.. مكتوب جوه الرسمه توفيق..
و اكو رسمات چثيره منو الريسم.. طبعاً محد..
  غيره.. طلعت من الغرفه ادور اي وسيله اگدر اهرب بيه
  من هذا البيت.. بس كل شي مسدود..
كرهته و دعيت عليه..
رديت على تختي اللف روحي بيه..