بّــسمِ آللّهِ آلَرحمِـن آلَرحًـيـمِ
......................................................................
"ريم"
مرت الايام بسرعة وصرنا سادس بعد ما غزل طلعت عيونة لانها بكل امتحان تتوتر ويغمئ عليها وياخذها ادم للمستشفئ ورجعت للواقع علئ صراخ غزل
ركضت عليها وشفتها واكفة علئ الكرسي ومدري شنو تحجي وتباوع ؏ الكاع ولما تقربت لكيت صرصور
غزل: والله اذا تقربت اكتلك بالجفجير
ريم: هاي شبيج يمعودة
غزل: ولج صرصور راح ياكلناا تعالي اكتلية حبابة
غميتها وجبت النعال وكتلت الصرصور
غزل: كفوو كتلتي قبل لا يأكلنا
هزيت ايدي وجريتها من ايدها ودخلت للغرفتي وضلينا نسولف ؏ الدراسة وبعدها سمعت صوت الباب طلعت من غرفتي شفت ادم
رجعت دخلت وضلينا ندرس وحاولت اقنع غزل ناخذ ريست بس هي ما تقبل وضلينا ندرس للساعتين ونص واخيرا وافقت ناخذ ريست واجتني فكرة
ريم: غزل شنو رأيج نطلع اغاني ونركص بمناسبة الملل؟
غزل: لاا ما اريد
ريم: مو بكيفج
وكومتها وجبت السماعة وطلعت اغنية اجيبك للدرب كتلك اجيبك وكمت اركص وهي هم تركص وتهز بخصرها
اجيبك للدرب كتلك اجيبك.
متراهن عليك اصبح حبيبك!؟
اجيبك للدرب كتلك اجيبك.
متراهن عليك اصبح حبيبك
لا تتعاند ويايي!!
ما تكدرلي ا هواي
انا قافل عليك الا اجيبكك!؟
واثناء هذا دخل ادم بس غزل ما لاحضت وضلت تركص واجا مقطع "اجيبك للدرب كتلك اجيبك" وهي كامت تردد ويا الاغنية وتهز بخصرها
وهو صفن بعدها طلع واردف بصوت عالي
ادم: جبتيني جبتيني
انتبهت علئ صوتة واردفت بأستغراب
غزل: هذا شبي اخوج؟
ضحكت واردفت ما بية شئ وكلت بداخلي اخوي واكع ومحد سمة علية ههههه
ورجعت اركص وياها وهي اندمجت ورا نص ساعة رجعنا ندرس لان هاذي السنة وزاري ولازم نشد حيلنا درسنا ساعة وغزل شالت غراضها وصحت ادم
حتئ ياخذها ووصلتهم للباب وغمزت لادم وهي خزرني ودخلت للبيت لميت غراضي وقررت انام
......................................................................
"غزل"
كعدت من النوم واني تعبانة ومالي خلك توجهت للحمام وسبحت وطلعت فستان ابيض وبي ورد لونهم ازرق كلش حلو وسويت شعري ضفيرة
أنت تقرأ
آلَمِــآس
Romanceمِــاذا عــن آلَماسة دخلت الئ الًجحيم هِلَ فـيًّ آلَنــهِآيـٌة ًسًــوُف تََــتََـخـلَص مِــنـة؟ آمِ ًسًــتـكَمِـلَ حًيـآتـهِآ فـُيـة
