بّــسمِ آللّهِ آلَرحمِـن آلَرحًـيـمِ
......................................................................
"غزل"
كعدت الصبح دخلت للحمام سبحت ولبست ملابس المدرسة وكعدت اوراس حتئ تروح للجامعة وضربتني بدون ما تقصد بس جانت ضربتها قوية
ولما كعدت من النوم وشافت وجهي شهگت بصوت عالي واردفت
اوراس: شبي وجهج؟؟
غزل: انتِ ضربتيني من جنتِ نايمة
اوراس: اسفة
غزل: لا تعتذرين عادي
ابتسمت وتوجهت للحمام واني نزلت بالطابق الاول وتوجهت للمطبخ وسويت قهوة باردة وكعدت ؏ الكرسي مال المائدة وجنت لازمة تلفوني واكلب بالتيك
وبعد ربع ساعة لبست الجنطة وطلعت برا ولبست حذائي وطلعت بالشارع وصعدت بالخط واجت بنية تقربت من يمي واردفت
رقية: غزل اكو جرح ؏ وجهج ودا ينزف
لزمت مكان الجرح وصدك لكيتة ينزف طلعت كلينس ومسحت الدم وبعد 20 دقيقة وصلنا للمدرسة ودخلت للصف
واتفاجأت لما شفت ريم ما موجودة وكعدت بمكاني واجت مدرسة الرياضيات الي اكثر درس احبة واستمتع بية
وانتبهت للمدرسة بكل تركيز وخلصوا الدروس وجنت اسولف ويا حنين الي نص سوالفها عن الزاحف وفجأة اردفت
حنين: ليش ما تحجين عن علاقتج انتِ وادم؟
غزل: هاا؟ لا بس استحي احجي عن هيج مواضيع
ضحكت وضلينا نسولف لحد ما خلص الدوام ورحت صعدت بالخط واجت نفس البنية الي اجتني الصبح كعدت يمي وضلت تسولف وياي لحد ما اندمجت وياها
وما سكتنا الا من وصلت للبيت واشتهيت علج رحت للمحل اشتريت علج وعصير ونساتل وجباسة حتئ اكلهن ويا البنات
طلعت العلج اكلت واحد ودخلت البيت وجنت ادندن اغنية لحد ما وصلت الصالة عليت صوتي ودفرت الباب وجنت اغني بصوت عالي
غزل: شكوا گلبي وناموا بيَ محمد وابن محمد
ولما فتحت عيوني شفت ادم واهلة وريم وايان واخواني وبابا وماما ضليت صافنة من الفشلة وهما كاموا يضحكون علية
وكمت اركض وصعدت الدرج بس تعثرت ووكعت ؏ وجهي وجرحي نزف اكثر بس ما اهتميت وكملت الدرج بس لما وصلت دخت ووكعت من بداية الدرج لحد الطابق الاول وما حسيت بأي شئ
ولما كعدت شفت نفسي بالمستشفئ وباوعت ؏ المكان وشفت ادم لازم ايدي ولما انتبة علية كام ؏ حيلة واردف
ادم: اكو شئ يأذيج؟ رجلج تأذيج ايدج رگبتج؟
غزل: ايي شوية يأذني
أنت تقرأ
آلَمِــآس
Romanceمِــاذا عــن آلَماسة دخلت الئ الًجحيم هِلَ فـيًّ آلَنــهِآيـٌة ًسًــوُف تََــتََـخـلَص مِــنـة؟ آمِ ًسًــتـكَمِـلَ حًيـآتـهِآ فـُيـة
