🤎ولأن الحلال اجمل سأنتظر🤎

صدمه

البارت 3

ثانية اثنان.. ثلاثه
نظر بصدمه وخيبه أمل عندما وجد فتاه اخرى وعيناها زرقاء.. ولكن لم ينتبه لها وكل ما يُشغلُه انه لم يراها

__________

‏‏الفراق ليس مكلفًا كالحب، موجة بكاء ثم يعود كل شيء لطبيعته.. في الحب.. البكاء لا ينتهي، يأكل القلب، كان الحب هو حماقتنا الكبيرة، كل الحماقات بعده صغيرة جدًا.. لا شيء يدعو للقلق أو إعطاء الأمر أكثر مما يستحق، التقينا، والآن نفترق..

في منزل بسيط تجلس فتاة بعصبيه وهي تُحرك قدميها بعصبيه

"انا سبت اهلي وصحابي وعيلتي وكل الدنيا واتحدتهم عشانك.. عشان بحبك... عشان شيفاك راجل.. كنت فاكره ان انت اللي هتعوضني.. انت اللي هتكونلي راجل صح وابو عيالي واللي هتشيل معايا في اللي جي.. طلعت عكس كل ده وخيبت املي.. كسفتني قدام نفسي وخسرتني الرهان اللي كنت عملاه بيني وبين نفسي.. اول الجواز كنت مش مصدقه ان انا ازاي معرفتكش من وانا طفلة.. وبعدها قولت لا عيشتها يومين حلوين اوريها الويل.. مع اني معملتش ليك حاجه... وبسم الله ماشاء الله.. خيانه وخنت.. قلة قيمة وقليت.. ضرب وقلة اكل وتهزيق قدام الناس وتبجح وكل ده عدي يـ جويرية... متهتميش يـ جويرية.. هيصالحك يـ جويرية اصله مضغوط يـ جويرية.... وجويرية قلبها اتهرى اصلا.. وعيونها نشفت من الدموع.... هقولك علي حاجه اخيرة يـ مصطفي.. بيقولوا العتاب علي قد المحبه... وانا مش هعاتب.. عشان مبقتش احبك خلاص.. بقي شعوري اتجاهك اللامبالاة... بعد ان اجي الاقي ان كان في واحده هنا فـ بيتي... وعلي سريري وانا المفروض اسكت ولما مسكتش تهني وتضربني.. وبعدها تقولي معلش.. زلة شيطان... فـ احب اقولك طلقني.. وفكني من ظلمك وقرفك... قبل مـ نتطول مع بعض.. والحمدلله ان ربنا مكرمنيش بطفل منك. كان زماني مربوطه جمبك بيه... طلقني واعمل اللي عايزه..... "

صمتت وهي تنظر امامها ببرود تام ثم ذهبت الي الغرفه.. وبعد دقيقه خرجت وفي يدها حقيبة خاصه بالملابس ثم نظرت اليه بسخرية وهو يبكي

"ايه بتعيط ليه.. متقولش انك ندمان...مشلايق عليك..يلا اخلص بقي وفكني من الحبس اللي انا فيه ده."

نظر لها بندم وبكاء ثم نهض واقترب منها... امسك. يدها وهو ينظر في اعينها برجاء:

"مش هقدر.. بلاش تسبيني.. انا من غيرك هضيع... انا حاربت عشانك.. عشان اوصلك.. عشان بحبك.... تعالي نغير كل حاجه ونبدأ من الأول... هتغير عشانك. صدقيني.. ارجوكي!"

نظرت اليه.. طويلا ثم ابتسمت.. امسكت يده وابعدتها.. ثم نظرت الي داخل عيناه. وقالت:

"مش هقولك هات كوباية ازاز واكسرها ولا اقولك عورني وبعدها عالجني... هقولك تعالى جمع شظايا قلبي الي فتفته ده وانا هعمل اللي انت عايزه... بس خلي بالك.. ان لما تلمه هيجرحك..... ارمي عليا يمين الطلاق قبل ما امشي فرحني بعد المرار اللي عشته معاك..!"