انفتح الباب..
دخلت امهم ..:ها خلصتوا؟
هيون:هييه..امااه شووفي شو يايبين حق شموه..
الام:ماشاءالله تستاهلين شموه ..
شما ابتسمت ابتسامه باهته وهي تعدل چحلها....
هيون:ترا حتى انا يابولي هديه..☺️
الام عاقده حياتها:من منووو؟؟؟
هيون:هههه ..آ ..آ من منووو يعني ههههه...
الام:ماتيوزين عن سوالفج انتي .. يلا نزين اترياكم تحت لا تتأخرون ..
شما لبست عباتها و شلت هاندباقها وفونها ...
شما:يلا لاه تعالي ..
هيون:سيري انتي بلحقج انا ..
شما طلعت .. ونزلت تحت حق أمها..
هيون لبست عبابتها ..وشلت هاندباقها وراحت طلعت كيس من الكبت ...
وطلعت من الغرفه ...نزلت تحت ...
طلال:توا الناااس!؟؟..يلا اخرتينا..
هيون:وين امي وشموه؟..
طلال:طلعوا من زمان ...يلا بسرعه ميود من متى يتريانا فالسياره..
هيون :ميوووود!!!يلا عيل بسرعه عن نحصل كلام يطيرنا...
ومشوا بسرعه وراحوا يركبون السياره....
طلال:عمره16...اخوهم ..شبيه هيون ..طويل ..طيب ومال سوالف ..خفيف دم ..وابتسامته ما تفارقه ...
مايد بنرمس عنه بعدين......
.
.
.
.
الام :فهوود خلاااص فكني عااده ..
فهود يصيح ...
الابو:فهود يلا اسكت ولا بضربك بالخيزران
فهود يصيح:تب انته ...(جب انته)...
الابو:يا مسود الويه ابوووك انااا تقولي جب ..
فهود خاف وزاد صياحه....
الام:لا حوووول فهووود خلاااص اسكت بهدلتنا"ضربته" سييير عند اختك ...
فهود يصيح :ماااااباااا...
شما ترويه فونها :تعال يلا ...ها يود العب ..يلا حبيبي تعال
وراح عند شما ومسك فونها وتم يلعب فيه ....
دقايق ...ووصلوا بيت اهل امهم ...
نزلت امهم وتمت شما وابوها فالسياره...
شما:فهود يلا عطني الفون..
فهود:ماابا ..
شما:يلا حياتي عطنيي ..
الابو:بابا فهود عط اختك تلفونها ...
فهود صرخ:مااابااا ...
الابو :عطهااااا اقووولك ..
شما:خلاص ابويه خله بستخدم فوني الثاني ..
الابو:وانتي خبله عاطتنه اليديد ...
شما:عاادي
الابو :زين ليش اشتريتي فون يديد جان قلتي كنت بشتريلج ..
شما استحت:مب انا مشترتنه ...
الابو:هييييه عيل اكيد من حبيب القلب ههههه ...
شما نزلت ...ونزل فهود وطيح فونها ...
شما:فهووود!!!!
الابو:راح التلفووون ..فهود يالهررررم عط اختك تلفونها خله تتهنابه ..
شما شلت فونها ...وركض فهود داخل ...
شما:ههههه شرد
الابو:ههههه خايس هذا وايد مدلعينه ..
شما:ههههه منو مدلعنه غيرك ..
الابو:لازززم هذا اخر العنقود وشبيه الغالي ابويه ..
شما:هههه
ودخلوا داخل .....
يتبع >>>>>>
أنت تقرأ
حبيت نظرتك ..
Romanceالحب احياناً يدمر ويضعف الواحد ... حبيت القلب لكنه ما كان لي ... ليتك بالحب ولد عمي ...{س}
