حبيت نظرتك ..

حبيبي...؟

مافيني أعوفك لا حبك ولا أنساه
لو فتشت هالكون عن يشبهك ما ألقاه
طالع بعيني وشوف اشقد لك ملهوف
شكلك ولا مألوف سبحان من سوالك

وياك أنا وياك
ما أعوفك ولا لحظة
أهواك أبقى أهواك
ترضى إنت أو ما ترضى

وكل العمر يفداك ما أعيش أبد لولاك
حبك جعلني أغلاك ما أخيبك والله

مافيني أعوفك لا حبك ولا أنساه
لو فتشت هالكون عن يشبهك ما ألقاه

يمي إنت وأنا أشتاق لا جاب الله فراق
يارب نظل عشاق ما نفترق أبد في يوم
حبك عجب يازين ما شفت مثله اثنين
لو غمضت هالعين أشاهدك في النوم

أيام أحلى أيام
عشتها من أجل حبك
ناسيك ما ناسيك
تمر كل لحظة له بذكرة

حبي فداك الكون قلبي وجفن العيون

فيك العقل مجنون يمكن معاه عذره
........
وطى على صوت الاغنية...🔉🎶
احمد مسك ايدها...:شفيج؟..
شما شلت ايدها عنه:....مافيني شي..
مسكت فونها ورمسته...: كيف تمسك ايدي وخواتك ويانا؟..
احمد اهتز فونه وطلع صوت-تن-...مسكه...وقرا المسج..
احمد:so?
شما:عيييب😊...
احمد:وين العيب فالموضوع"يتطالع الشارع"...
شما:خلاص ماشي...
شاف المسج ومارد...وتم مركز فالدرب...
5:46م
احمد:وين تبون تروحون؟...
منيره:وصلنا؟...
احمد:هيه..
شما:بنسير اول شي البستان عقب دبي مول..
ميره :هيه و اخر شي ام سي سي ...☺️
احمد:اوك ...انتي جب ..
وتوجه احمد لمركز البستان"مركز كله محلات فساتين اعراس"..
وصلوا ...
احمد:من تخلصون اتصلي فيني اوكي؟..
شما:اوكي...
وراح عنهم ودخلوا المركز...
منيره:يوم بنخلص بنتصل فيكم وبنتلاقى صوب الباب اوكي؟..
شما:اوكي حبيبتي....
منيره وميره راحوا...
وشما وهيون تموا يدورون....
دخلوا اول محل ...شما ماعيبها شي....ولا حتى هيون...
دخلوا ثاني محل ماعيبهم شي.....دخلوا ثالث محل...هيون لقت لها فستان وخذته...بس شما ماعيبها شي....
رابع محل...
خامس محل......
سادس محل............
سابع محل....................
ثامن محل........ولقت لها فستان عيبها على طول خذته ولبسته تجربه وزقرت هيون تشوفها....
هيون :يجننن حلووو طالع عليييج ...
شما:صدق؟...
هيون تهز راسها:هيييه...
شما :اوك...وبدلت وراحت تتفاهم ويا صاحبة المحل...
وحجزته لها...وختارت تصمم لها طرحة...
وجي خلصوا شما وهيون...شما تتصل ف منيره.... .....
منيره:هلا...
شما:ها خلصتوا؟...
منيره:هيه بس باقي نأخذ الفاتوره وبنطلع....
شما:اوك انا الحين بتصل ف احمد نترياكم عند الباب...
6:59م
هيون راحت بعيد شوي عن شما ودقت له....
وليد:هلا حبيبتي..
هيون:اهلين..
وليد:ها وصلتوا؟..
هيون:هيه وتونا مخلصين ..وعقب شوي بنروح دبي مول..
وليد:زين تحملي على عمرج ..ولاتسوين سالفه لحد فاهمه؟..
هيون:اعرف لاتوصي حريص...
وليد:فديتج..ان شاءالله قريب بعد انا بييبج هالمكان..
هيون استحت :ان شاءالله...💜
شما:هيون يلا احمد وصل...
هيون:يلا حبي بسكر ...
وليد:اوكي حبيبتي...تيك كير💙..
هيون:you to...💚
وسكرت عنه وراحت عند شما وطلعوا من المول...
.
.
.
سيف:وايد مزز هنيه هههههه...
حمود:شوف هاي كيف تطالعك...
سيف:لا تلومها من بوني اطيح الطير من السما هههه...
حمود:يلا خله نزوح نأكل لنا شي...
سيف:يلا...
.
.
.
وصلوا دبي مول...
ونزل وياهم احمد...
شما على يسارها هيون وعلى يمينها منيره وميره..وأحمد صوبهم...
فون شما يرن...ردت...
شما باستغراب...:هلا...
احمد:تعالي صوبي..
شما:هيون صوبي كيف اخليها وايي لك فشله..
احمد :انا بيي صوب هيون..وعقب انتي بدليها فالمكان..
شما بدون نفس :انزين...
ويا احمد صوب هيون...وهيون مستغربه..
شما تهمس لها:تعالي مكاني وخليني صوبه...
هيون:اها اوك...وسوت اللي قالته شما..
ميره:احمد انا يوعانه...
احمد:انزين الحين بنروح صوب المطاعم...
احمد مسك أيد شما...
شما تطالعته....
احمد:اشش..."وابتسم"...
راحوا صوب المطاعم ...منيره وميره راحوا بيتزا هت..و هيون راحت صوب ماكدونالدز....
احمد:شو فخاطرج تاكلين؟..
شما بدون نفس:مب فخاطري آكل..😊
احمد:ليش؟..
شما:بس جي...
احمد :مب ع كيفج...
شما تطالعه وشلت ايدها عنه...:هيه ع كيفي!!...
احمد:انزين شفيج امزح وياج...ههه لا تعصبين..
شما سارت عنه وقعدت ...
.
.
هيون:ماك چيكن سبايسي وذاوت ڤيچتابل..
....:ماك چيكن سبايسي وذاوت ڤيچتابل..
الفلبيني:كولا؟...
هيون:يس ...ميديم..
الفلبيني:اوكي...
...:مي تو كولا ...ميديم..
هيون تطالع مصدر الصوت وكان حيل قريب منها...
....:مكتوب لنا نتلاقى ..."ابتسم"..
هيون:سامعه هالصووت بس وين؟"بخاطرها"..
..... :يلا سجلي دخيلج...عن ايي علوه ...547bf..
هيون:هيييه وانا اقوول وين سامعه هالصوت وييع"بخاطرها "..
.....:حفظتيه؟...
هيون سوت له طاف ومشت...وشافت وين شما واحمد قاعدين وراحت لهم وقعدت...وعقب شوي يو منيره وميره وقعدوا ياكلون البيتزا...
هيون تهمس لشما..:شموه!..في واحد صوب ماك كلمني..مابا اروح واشوفه تعالي وياي..
شما مالها خلق لشي:وين الفاتورة؟...
هيون عطتها:ها يودي...
شما:احمد...اذا ماعليك آمر هات طلبية هيون لان في واحد كان يلعوزها هناك وخيفانه تروح...
احمد شل الفاتورة:وينه؟...
هيون:مادري..
احمد سار اييب طلبية هيون....
هيون:تستهبليييين فضيحه كيف تقولين لهه هو اييبها...انا قلتلج تعالي وياي...
شما:مالي خلق اسوي شي..خلاص هو يابها الحين..
احمد يا وعطا هيون وجبتها ....
هيون:مشكور ..تعبناك..
احمد:العفو..أفا عليج😉..
منيره :ميروه عن الاستهبال..."تهمس"مانبا مشاكل...
ميره تهمس:مابنسوي مشاكل..بنقوله بنروح الحمام وعقب بروح اشوفه ماافيها شيي...
منيره:ولو احمد شافنا؟...
ميره:ودري عنج الوسواس ماابيشوفنا...
منيره:اففف منج...
ميره:انزين محد جبرج اتيين وياي..!
منيره:ادريبج خبله ...ومتوقعه منج تسوين اي شي عشان جي مابخليج روحج لا اميه اباج مب بايعتنج...
ميره:هههه فديتج....احمد!
احمد صد لها:هاه!..
ميره:بنروح الحمام...
احمد:اوك روحوا..
هيون تطالعهم وهي تاكل..:هاييل شكلهم ناوين على مصيبه"بخاطرها"..
وراحوا...واختفوا عن الانظار بسبة الزحمه...
خلصت هيون...ونشت..
احمد:يلا؟...
شما نشت ومشت عنهم...
احمد لحقها:بلاها اختج؟...
هيون:مادري...
احمد سحبها :صبري شوي...
شما :انزين...
تموا يتمشون فالمول ...ودخلوا شما وهيون محل وخذوا لهم نعل "عزكم الله" للعرس...طبعن شما خذت اطول كعب فالمحل...
ميره خلصت لقائها ويا حبيب القلب...ومنيره وحليلها تترياها بالكوفي..يت لها ميره:يلا سرينا؟...
منيره:يلا...حسبي الله ع بليسج العطر ينشم من مسافة عشرين كيلو..انتي شسويتي؟؟..
ميره:ها هههههه ماسويت شي...
منيره تتصل فأحمد....
احمد رد عليها...
منيره:ها وينكم؟...
احمد:تعالوا السياره نحن الحين طالعين...
منيره:اوك...
وتوجهوا منيره وميره صوب الباب...
.....ايييه انتوا !؟؟؟
منيره وميره صدوا لمصدر الصوت...:سيييف!!!
سيف:شتسوون هنيه انتوا؟...
ميره :نررقص..
منيره:يايين ويا سيف...
سيف:شو؟...
منيره:اقصصد ويا احمد...
سيف:شككتيني بعمري ويا هالويه...وينهم هم الحين؟..
ميره:ترا تشوفنا طالعين ...يعني وين بيكونون؟...
سيف:جججب انتي ...عادي يمكن تكونون مواعدين؟!!.. شظمني انا ...
منيره:استغفر الله شو هالرمسه سيف...احمد فالسياره...
سيف:طوفوا طوفوا جدامي بوصلكم...
وراح وياهم لين باركن السياره....
ميره ركبت السياره:شو هاللصقه...منيره ركبت:اسكتي..
شما مسانده ويهها ع ايدها ...ومآلها خلق...احمد نزل لسيف وصدت له شما...من شااافت سيفف عدلت يلستها وتششققت...وتمت تطالعه وهو يرمس احمد...
شما:ياربيييه كيف شوفته تغير مزاجي"بخاطرها"...
هيون تنغز شما:شما حبيبتي 😊...سلامتج..
شما حست بعمرها وسوت عمرها ان مب هامنها...
احمد ركب السياره...:هههههه مابتيوز عن سوالفك...😃
شما صدت له :ليش شفيه؟...
احمد:ها؟...
هيون:شموه حبيبتي يايبه جرج؟.."تحاول تلمح لشما عسب تسكت"..😊
شما حست بعمرها:لا حبيبتي مايبته..احمد عندك جرج؟..
احمد نسى اللي قالته شما :جرج شو؟..
هيون:ايفون...
احمد:هيه في...
هيون:لا خلاص مشكور حصلت جرجي...
وتحرك احمد..."متوجهين للبيت"...
شما تحس بتعب ...وغفت ...وهيون ترمس وليد جات...
ومنيره تستغفر....وميره تلعب بفونها...
9:03م
الكل تعبان....
أحمد شغل اغنية عسب ينشطهم "اغنية خالي ها ها"
ميره تتأفف :احمدوووه روحنا مصدعين ترا مب وقتك بنده...
احمد:جب...
منيره:احمد ع فكره حرمتك نايمه بنده احسن!...
احمد:ع كيييفج نايمه.."صد لها"وفعلا كانت نايمه"...اوك
وقصر عالصوت...
......
11:10م
دخلوا البيت شما وهيون...
شما :افففف فيني رقاااد الللف..."وانسدحت عالكنبه"
هيون:شموه لا تنسين تنشين الصبح احمد قال يبا يشوفج...
شما:انتي وعيني..."ونامت"...
هيون راحت عنها فوق....
دخل طلال البيت....
طلال شاف شي اسود عالكنبه ...قرب وقرب...
شما:ايييه خووووز..
طلال نقز:اعووووذ بالله سكنهم فمساكنهم...ينية مب آدمية..."وراح عنها فوق....
وغطت فسابع نومه....
يتبع>>>>>....