الحب...

الحلقة /3/

فوت شيرات وكومونتار شباب قدرو التعب الله يستركم 🙏❤️ نكملو

______________________________
كانت فلك عيانة بزاااف من الخدمة تع الغرف لي كانت تخدم فيها هي وسحر وقررت تريح شوية حتا جا واحد من الاصدقاء تاعها لي وسمو امير
_ فلك اا
_ وي امير هاني هنا
_ قالك لباترون ارواحي
_ مانيش لاتية دوكا نبعثلو سحر برك
_ لالا ماهوش حاب راهو حابك نتي . قتلو اذا كشنا حاب نعاون قالي لالا باغي فلك هي لي تجيني
_ بيزار بزاف نن ؟🤨 علاه يحوس عليا هذا كامل هكا
_ والله ي ختي معلابالي روحي وشوفيه
_ اوكي
راحت فلك طبطبت باب المكتب تع الباترون هذاك سمحلها باه تدخل دخلت ليه واول مرة تشوف هذيك الخزرة في عينيه
_ وي مسيو احمد قالي امير راك مسحقني
_ وي فلك عيطتلك باه نعطيك خلاصك تع الشهر
_ اااا مارسي مسيو احمد كنت خايفة لا نكون خربتها فكاش خدمة مع العملاء تاوعنا ( الغرفة 314 لي حذروها منها )
__________Flash back...._________
فلك وسحر غير كيف بداو لخدمة فلوتال وكانت جدد مايعرفوش العيباد ولا حتى ليزيطاج مليح فلك حكاولها على الغرفة 314 في الطابق الرابع بصح هي معلابالهاش وش فيها كي سقساتهم حكاولها عليها وحذروها بلي ممكنوع تقدم ليها ولا تخمم حتا تدخل باه تنظفها هي حارت وش السر وراهاذا كامل بصح حبت تتجاهل فضولها لانو قادر يوديها ف ستين دهية
___________End flash back....__
________
_لالا فلك متخافيش مكيش مقسرة فخدمتك تبارك الله عليك
_ مارسي سي احمد ربي يحفظك اذا خلصت نقدر نخرج صحاباتي راهم يستناو فيا
_ نورمالمو هكاك بصح كاين موضوع ضروري نهدرو فيه بخصوصك فلك
_ انعم اتفضل
_ في الحقيقة راني دايرك كيما بنتي ونتي علابالك بهاذ الشي وعليها لقيتلك فرصة باه تعوضي السنين لي فاتوك من جيهة المال
_ هااه سي احمد وكيفاه هاذ الشي ( قالتها وهي متلهفة وفرحانة )
_ كاين عميل خارجي جاي لينا من خارج البلاد وجا زارنا معندوش شهر هنا
_ قصدك نخدم عندو ؟؟ 😃
_ اصبري ومتقاطعينيش
_ اتفضل ديزولي
_ ماعلينا ، هذا العميل حاب يعقب معاك ليلة عجبتيه وكان يحوس عليك هذي مدة ووعد بلي يمدلك some ملييحة تع دراهم لي تخرجك من حال الفقر والميزيرية لي راكي فيها وثاني وعد يعاون لوتال في التوسع تاعو
هذو الكلمات لي قالهم سي احمد طاحت على فلك كي الصاعقة كيفاه هكذا كيفاه قدر يخمم انو هي فقدت الامل لدرجة تبيع روحها بقات تبكي بحرقة على حالها
_ سي احمد اسمحلي منقدرش نبيع شرفي انا علاجال حاجة هك
_ مالا تقدري تتفضلي منا في ضرف 2 ساعات عندنا زبائن يتسناو وطلبات توظيف راي تستنا
_ بصح كيفاه تدير فيا هكذا 😭😭😭😭 ياك كنت تقول دايرك كي بنتي ؟؟😭😭😭 بنتك تقبل عليها هك ؟؟!!😭😭
بقات غير تتوسل وتترجا فيه حتى ملقاتش خيار ثاني غير انها تقبل
_ معليش راني قابلة
_ اوكي غدوة يجوك زوج بنات يوجدوك -هوما ديجا تابعين ليه - ويلبسوك القش وكلش
خرجت فلك من الباب مكسورة منهارة بعد ماخسرت كلش في حياتها كان باقيلها غير شرفها وراهو في الطريق رايح يروح
وصلت لعند صحاباتها طاحت طول تبكي على سحر وبقاو كامل يشوفو فيها ومستغربين جا امير مخلوع ويجري
_ فلك وش بيك ؟؟ فلك اهدري اهدري !! كشما دارلك ؟ حق ربي ماتفرا ليوم
جبداتو هي وقاتلو بلي مكانش والو وغير سلاكها وتوحشت دارهم كي قاللها انا كيما باباك mais سحر ماقنعهاش وش قالت فلك بقات غير تدنق فيها بعدم رضا
راحو كامل رقدو وبقات غير سحر وفلك مع بعضاهم
_ علابالي بلي ماقاللكش غير سلاكك مهيش هذي هي القصة كاملة
_ علابالك بيا مالا اه 😭
حظنتها سحر وقاتلها باه تخبرها بكلش حكاتلها فلك كلش وهي غير تبكي صوتها يعلى سكتتها وطمنتها باه يلقاو خطة يهربو بيها من ثم من غير ضرر رضات فلك بأنو ربي مش راح يخليها وراح يعينها ان شاء الله

يتبع ...
ماتنساوش فوت وكومونتار ❤️🙏
طلعو التفاعل باه نكملها