الحب...

الحلقة/12/ والاخيرة

هااااي sorry على التأخير بزاااااف ديزولي هذا البارت راح يكون طويل نسبيا بما انو راح يكون الاخير كيما شفتو من العنوان طان عندي اسبابي اني نحبسو ونديرلو نهاية هكذا اولهم شغف الرواية نقص وراه غير يروح سما من الاحسن نديرو نهاية مليحة ونخلصو سبيسيالمو للناس لي كانت حابة هذي الكرونيك
وشكرا ♥️

_-_-_-_-_-_-_-_-_-_-_-_-_-_-_-_-

بعد الهدرة لي سمعتها فلك من عند عماد حست بلي راي تسوا مقام في قلبو وبلي راح يكون صح السند تاعها ويحميها من كلش بعد الويل لي عاشتو فالفترة لي فاتت من حياتها .
فاتو الايام وفلك بدات توالف ملييح عماد بصح من الناحية الاخرى بدات تشوف فيه الاعجاب بدات تحبو تحب ريحتو لبستو هدرتو واي حاجة متعلقة بيه حتى لوين وحد النهار وكانت راقدة كيما الايام لي فاتو طايحة غير رقاد حتى وين ناضت مخلوعة شغل بنادم كان يهدد فيها وهذا لي كان صاري في منامها { المنام كان عبارة عن غابة كبييرة وكانت فلك فيها ووحدها فوقت نص الليل كانت خايفة ومرعوبة بزااف وتعيط بإسم عماد باه ينقذها حتى وين خرجلها من بين الشجر شخص مش باين وجهو لابس ماسك واسود فأسود قشو وباقي في بلاصتو بلا حركة حتى وين سمعت الكلاب وبدات تحوس تجري المهم اي بلاصة تهرب ليها تكون امان حتى وين عاود جاها الشخص ذاك حكمها من رقبتها وحطلها الموس ناوي يقتلها ويقوللها •غلطتك كي ثقتي فييه•بقات تعيط وتقول شكون حتى وين نطق وقال •عماد•وبعدها عقب الموس على رقبتها وبقات تقول فإسمو وتهلوس بييه حتى وين ماتت }
ناضت مخلوعة لونها اصفر من الخلعة يديها يرجفو وتحس فسطر بزاااف في كرشها كلي راهي الفترة تاعها من الشهر بقات تخمم مي قاطعها دخلة تع عماد عليها وفيدو كاس ماء مدولها تشرب وبقا يمسحلها فراسها ويبوس فيها من جبتها حتى وين هدات
_ احكيلي ضك علاه كنتي هكاك تهترفي كشما نمتي منام ماشي مليح ؟
_ اييه منام مهوش مليح خلاص
_ احكيلي وش نمتي قوليلي
_ نمت (وعاودتلو المنام )
_مقدرتيش تعرفي وجهو ؟ ولا علاه قالك هكاك ؟
_ مقدرتش - قالتها بخنقة -
عاود عماد حظنها ليه وبقا شاد عليها
_ متخافيش من حتى حاجة كان غير منام وهاكي معايا ضك واحد ماراه قادر يقيسك متخافيش ملاكي يخي !!
_ ملي حبيت نكون معاك يعني راني واثقة فيك
منبعد كرشها ولات بزااف توجع وولات تعرق وتغاشات هزها عماد ديركت للسبيطار وهو ماهوش فاهم وش بيها دخلوها للطبيبة بطلب منو( احم احم الغيرة 🙂) وباقي ف الكولوار يستنا فيها حتى وين عيطتلو الطبيبة دخل لعندها طمناتو بلي مافيهاش حتى حاجة مش مليحة وبلي كاين خبر مهوش مليح هنا عماد خلاص الروح راحت لمولاها من الخوف
_ مسيو باكيرجي حبيت نقلك بلي المدام راهي بخير بصح...
_ بصح وش اهدري
_ فقدنا واحد من لي بيبي يعني جنين واحد برك راهو عايش وممكن يكون بسباب خوف ولا صدمة عاشتها المدام .
هنا عماد برد جمد في بلاصتو من الشوك وشمن بيبي هذاا ؟ وكتاه جا ؟ وماهوش وقتو خلاص؟ وكيفاه منام قادر يديلو روح بنو ؟ بقا يحلل ويفسر غير فراسو عكس ملامحو الباردة الرزينة لي من برا استفسر على فلك وين قالتلو بلي راهي ف لاشومبر تكمل السيروم وتقدر تخرج وتكمل تراتمو فالدار علاجال الجنين لي قعد .
دخل عليها لقاها راقدة وتدنق في الفراغ دورت راسها شافتو هو وكي دنق فيها هو لقا عينيها حومر يعني كانت تبكي وزيد خدودها حومر بزاااف .قدم ليها وقعد قدامها حاكم يدها ويبوس فيها
_اششش حبيبي علاه راكي تبكي ؟ يخي راكي لاباس مصرالكش والو كشما راي توجع فيك حاجة ؟
وهي حكمتلو يدو وداتها جيهة قلبها
_ هنا راه يوجع - ومع كل كلمة تطيحلها الدمعة قدم ليها لوجها باسلها عينيها ومسحلها دموعها
_ علاه قوليلي سبتك ومستعد نحرق الدنيا علاجالك وعلاجال لي سبب طيحة دمعة وحدة من عينك حبيبي
قعدت وقدمت ليه دفنت وجها فحظنو غير تبكي وهو محبش يضغط عليها وش عاشت صدمة قادر يكون كفيل باه يصرالها وذ راه صاريلها حتى وين سكتت بعد لحظات
_عماد
_ عينيه
_ علابالك وش راهو صاري يخي
_ علابالي حبيبي قالتلي الطبيبة
_ وهذا البيبي راك متقبلو ؟ - قالتها وهي تحكي بغصة تع بكية
_ وعلاه منقبلوش ؟ هذا وليدي صح ممكن يكون توقيتو غلط بصح كل حاجة منك نحبها يا اجمل صدفة في حياتي باسلها جبتها وبقا يخزر فيها حتى وين هبط على ركبتو وقاللها
_ جامي كنت متخيل روحي نديرها وزيد فسبيطار ونا غير كيف سمعت بوليدي ومع حب حياتي مي.. اسكت تقبلي بيا راجلك وبابات ولادك؟
فلك تصمرت الدموع بقاو هابطين بلا رياكسيون من وجها حتى وين ضحكت معاه وقاتلو قابلة . جبد بورتكلي تع مفتاح لوطو تاعو ودارولها
_ نوعدك بلي نعوضك على كلشي حتى الخاتم حبيبي ..
كملو النهار وفاتو شي يامات وفلك بدات تدير فالتراتمو هذيك حتى وين فاجأها عماد كي طلب منها انهم يروحو لعطلة مع بعضاهم
قبلت هي ووجدت قشهم وراحو للمطار بعد ماوصلو كانو في سويسرا ولي هي الجنسية الثانية تع عماد يعني وين لافامي تاعو كامل ساكنين
________________
كانت العائلة كامل تاكل مع بعض السكات والسماطة ثم اكثر من ذرات الاكسجين لي تدور حتى وين وصل طبطيب فالباب راحت الخدامة تفتح حتى وين انحنات بإحترام وبعدت على الباب دخل عماد وبعدو فلك وليفاليز والحالة حالة راح مباشرة لوين راي العايلة لي كانت عبارة عن خوتو الذراري زوج واختو الوحيدة ووالديه بعد ماشافوه راحو كامل يعنقو فيه وخصوصي اختو لي متعلقة بيه وهي المدللة تاعو بعد فلك حاليا احم 🙂 المهم كملو تحظان معاه حتى وين عيط هو ل فلك باه تجي هنا العائلة انصدمو نسبيا مي رحبو بيها كانو كامل عادي معاها ولي صدمتهم اكثر كي قاللهم رحبو ب فلك مرت وليدكم وام حفيدكم الجاي في الطريق
علامات الصدمة كانت اكثر حاجة تنشاف غير عند ملك اخت عماد لي ناضت تفرح من قلبها وتقول يايييي راح نولي عمة للمرة الثانية
...

تسريع احداث ________
بالرغم من انو فلك كانت جديدة عليهم ومايعرفوهاش مش حبوها كامل ومع الوقت بدات كرشها تخرج وتبطبط وكانو كامل يستناو في حفيد العائلة الثاني باسكو الاول كانت طفلة حتى وين زاد البيبي لي كان ثمرة الحب تع فلك وعماد لي كان حب صدفة ♥️

النهاية ♥️

_____

مارسي على الدعم كامل حتى ولو كان قليل ان شاء الله يكون فيها رواية اخرى بعد استجماع الشغف وشكرا مرة اخرى ♥️