الحب...

الحلقة /2/

اصبحنا واصبح الملك لله...
صباح جديد على البطلة تاعنا كانت موجدة روحها وقشها هي وصحبتها ورفيقة طفولتها لي هي سحر وجدو قشهم في الفاليزات ويفكرو طول الليل كيفاه راح يسيرة اموراتهم بما انهم وصلو للمرحلة لي راح يخرجو فيها من الميتم بالرغم من انهم عايشو الويلات تما الى انهم حزنو عليه بزااف 😭
_ي ختي غير قوليلي وش راح نديرو وين راح نروحو حنايا ضك 😭😭
_اسكتي عليا يرحم باباك راه راسي راح يطرطق من التخمام من البارح كامل مغمضتش علاجال هذي الحكاية ، وين رايحين ؟؟ وين نباتو ؟ وين و وش  ناكلو ؟؟
_ فلك 🙂
_ وي
_ كشما عندك معارف ؟ بالاك يلاقولنا خدمة نمشيو بيها احوالنا ؟؟😃
_ راكي منك صح ؟ 🤦🤦🤷
_ والله غير راني نهدر سيريو معاك
_ سحر شوي ختي 🙂 لوكان جا عندي معارف مااراني فلميتم من 17 سنة ( دخلوها ليه كيما كان فعمرها عام كي ماتت العايلة تاعها جراء حادث حريق وماتو فيه كامل )
_ اووووف يا ربي منين الحل دوكا وييين 😭😭🤦
_ خلاص عمري متبكيش ضك نلقاو حل كاش خدمة ف كاش مطعم ولا نسلكو قيس المعيشة على الاقل فكاش دار
_ وين الحل مفهمتش ويين
_ شوفي لقيت ذاك النهار جورنال قالو فيها بلي اوتال 5 étoile لي جاي فنص المدينة هذاك الكبييير ...
_ هاااه وش بيه 😃😃😃
_ فيه خدمة ويبانلي قادرين يقبلونا
_ فلك ..نروحو نجربو حظنا ؟؟
_ نروحو نتكلو على ربي وهذاك لي كان
لبسو قشهم ولمو لي لموه وداوه معاهم وراحو لللاتال هذاك كي وصلو لثما بقاو سابعين فيهم لي يخدمو ثما مالڨري ماكانوش بهذاك القش الله الله mais كان جمال الملامح تاعهم طاغي على كلش
دخلت فلك وسحر للبيرو تع la reception هدرت مع المخلوق لي يخدم تما وقاتلو بلي تحوس على خدمة وما وتحوس تهدر مع المدير قبل يخليها تفوت mais قاللها بلي راه عندو شوي غاشي وجدل الاعمال تاعو معمر بسباب انو هذا الاوتال مشهور وعليه لاشارج خاصة فهذيك الفترة لي كانت فترة الصيف ويجيب الاجانب من برا البلاد
دخلت فلك وسحر بعد طول انتظار قدام البيرو هدرت مع المدير وفهماتو بلي راهم شاطرات ويلحقو الخدمة بلخف هو حب يتاستيهم تاستاهم ولقاهم قدها .
بعد يامات ...
والفو الاحوال لي تما وبداو يكونو صداقات مع لي خدمو تما وحسو بلي حياتهم بدات تتحسن vraiment حتا انهم كسبو الثقة والمحبة تع المدير لي تما لي بدا يعاملهم كيما بناتو
الى غاية اليوم لي تبدلت فيه حياتها وتغيرت رأسا على عقب ...

يتبع ....

حابين تعرفو وش صرالها ؟؟
وواش هي الحاجة لي بدلت حياتها ؟؟

وش رايكم فالبداية هذي ؟؟😭 اعطوني رايكم