الحب...

الحلقة/11/

هبط عماد من الطونوبيل بالزربة وهو هاز فلك بين ذرعيه دخلها حطها فوق السرير وجا رايح يبدللها قشها على الاقل باه تريح ويشوف وش يدير بسباب الدومان لي كان فيه والحفلات هذوك ولا فاهم وش راه صاريلها . المهم جا رايح يجيب قش با يبدللها
قشها قاتلو : متروحش
_ اصبريني نبدلك حوايجك وراني نولي ليك
_ مااا نن متروحش خليني بيهم ميهمش
واغلب الكلمات كان مش فاهمهم وش راي تقول خلاها تهدر هكذاك وراح جابلها قش بدلولها مي هي مكانتش نورمال موالفهاش بهذيك الجرأة اطلاقا جا ينحيلها لاروب قدمت منو وباستو هو حار فيها هذي مهيش فلك لي كانت عايشة معاه من يامات هذيك فلك تحشم ومتحبش تقدم ليه مي هذي راي تحوس على حوايج اخرى حتى لوين ادرك وش مدلها معاذ هو يجي يبعدها منو وهي تبقى تقدم ليه وتبوس فيه وتحظن فيه حتى لوين ناض قالها
_ راني حاكم روحي بالسيف متخلينيش ندير حاجة نندمو عليها لزوج مي هي محبتش تفهم بقات تقلو منيش نورمال منيش حاسة روحي بخير والله الله يسترك القالي حل وهي تبكي وجسمها كامل عليه سخانة وعرقانة بزاااف بسباب وش شربت . حتى وين صرا وش كانت حابة ...
ناض عماد هو الاول مع الصباح باسكو هو لي موالف ينوض بكري حس بثقل فوق صدرو حتى لقاها فلك راقدة بعمق باين بلي تعبت صح من ليلة البارح (بكل تفاصيلها المؤدبة ولي مش مؤدبة 🙂 )بقى عماد يلعب بشعراتها ويبوس فيدها لي كانت محطوطة فوق صدرو وبقا يخمم اسكو ينوض ولا يقعد معاهاحتى تنوض حت ناضت فلك حاسة كلشي فيها يوجعي واكثرهم راسها بقات حاكماتو وتحاول تنوض بصح مقدرتش بعد محاولات ناضت ممشاتش بزاف وجات راح تطيح حكمها عماد
_ يعني من الصباح ونا قدامك علاه متقوليش عاوني !
_ منيش حابة
بعدتلو يدو وراحت دخلت دوشت وباين بلي عانات باه خلصت باسكو طولت على غير العادة خرجت تمشي بالمايل خطوة صحيحة وعشرة نن راح ليها هزها وجا سارفيات ينشفلها شعرها جات تنحيهالو تخنزر فيها بوحد الخزرة طلقتها وبقات تدنق للارض نشفلها شعرها بالسوشوار وباسها من رقبتها وحطها فوق السرير وجدلها الفطور مع لول رفضت تاكل مي حتم عليها الماكلة حتى خلصت.
_ بعدما خلصنا الماكلة نورمالمو وقت الهدرة يخي !!  حاولت تتهرب مي علابالها بلي راح يحكمها غسب عليها ويوبليجيها تهدر
_ وش حابنا نهدرو ؟
_ ماشي انا لي قتلك متهدرش وماتشربيش من اي حاجة ثم ؟ حاسبة روحك بمكة يمدولك بماء زمزم ؟؟
_ نن بصح متخيلتش الحالة هكذاك الصراحة حبيت نتحدى 
_ مادامني قتلك بلي ممنوع ذيك الحاجة معناها ممنوع !! معناها تضرك ! شفتي وين وصلنا من تخشان راسك الزايد ؟؟ حتى وين دنيت ليك وانا لي كنت شاد روحي بالسيف عليك
وهنا بدات فلك تبكي بحرقة صح حست بلي دارتها بيدها ومقدرتش تقول والو باسكو هي لي كانت تطلب مش هو لي راح ليها من راسو
_ راني نهدر معاك جاوبيني !! لوكان مادرتيش وش درتي البارح مكناش راح نلحقو لوين رانا !
_ علااه راك تلوم فيا انا ضك ؟! لي خسر الشرف تاعو هو انا ماشي نتا كنت حابة نعيش حياتي في سلام نهار لول قتلك اطلقني محبيتش منبعد نتا لي قتلي تروحي معايا وكان مجيتش معاك مكانش راح يصرا وش صرا !!!!
_ انا ديتك ووصيتك مكيش طفل فعمرو 4 سنين باه نقلك ونعاود !! معليش تخيلي معايا بلي ملقيتكش وراه داك هذاك الحمار معاذ وهو لي دارها فيك !! شرفك يروح مرتين علابالك ولا نن
_ زعما مراحش !! راح شرفي ضك وصايي بين ليلة ونهار ."مع البكاء لي مسكتتش دقيقة عليه " معليه ديت وش تحوس من عندي خليني نروح ! حابة نروح نشوف حياتي حابة ننتاحر نلحق ماما وبابا لي خلاوني فذي الدنيا هكذاا 💔
_ فلك اخر مرة نسمع كلام كيما هذا منك فهمتييي !!! نتي تاعي وحدي وكيما متخليتش عليك نهار شفتك منيش راح نتخلى عليك حياتي اكل محكمتكش باسكو حاب ندير فيك حاجة ولا تخمامك هذاااا تنحييه من راسك فهمتي ؟؟ انا لي راح نكونلك كلش في هذي الدنيا فهمتي ؟؟
_😭😭😭😭😭😭
حظناتو فلك تحظينة لاصقة فيه وفي تريكوه حتى وين تلصق دموعها في تريكوه حتى وين باسها من راسها وكمل قعد معاها . بصح مكانش علابالهم وش راه يستنا فيهم من حوايج اخرى

_-_-_-_-_-_-_-_-_-_-_-_-_-_-_-_-_-

يتبع ♥️....