පහන් ටැඹ 🥀╎Yᗴᑌ᙭ ᗷᒪᗴᑌՏ╎ᗷᒪ ✔

පහන් ටැඹ - ⁴ - 🥀

එදා රෑ මං ගෙවා ගත්තෙ කොහොමද මන්දා... කොටින්ම මට නින්ද යද්දි එලිය වැටෙන්නත් ලගයි... එච්චරට එලි වෙනකං...

මං ඔය ස්කෝලෙ ගමන නැවැත්තුවට පස්සෙ නිදි මැරුවමද කොහෙදො...

ඇයි ඉතිං නිදිමරන්න මට කෝ හේතුවක්...පාඩම් කරනව කියලද? කෙල්ලෙක් හරි කොල්ලෙක් හරි ඉන්නවා කියලද? නෑනෙ..

ඇත්තටම ඒ පුංචි නිල් ඇස් කරදරකාරයා ගැන කල්පනාවට වැටුනම ඉන්න තැනුත් අමතකයි මට...

ඕනම දේකට ඕනාවට වඩා ඇබ්බැහි වෙන්න නරකයි...ඒ වගෙම ඕනම දෙයක් ගැන ඕනාවට වඩා බලාපොරොත්තු තියාගන්නත් නරකයි...

ඕක මගේ හිත මොලේ දෙකම එකම පැත්තක් අරන් හිතන කතාවක් උනාට...මට කරන්නම බැරි වෙන්නෙ, උනේ ඒක...

කොච්චර ඇබ්බැහි වෙන්න නරකයි කියලා හිතුවත් ඒ නිල් ඇස් වලට දැනටම මං ඇබ්බැහි වෙලා...එතකොට?

කොච්චර බලාපොරොත්තු තියාගන්න නරකයි කියලා හිතුවත් දැනටම ඒ නිල් ඇස් අයිතිකාරයා ගැන මං බලාපොරොත්තු තියාගෙන... එතකොට?

ඇත්තටම මේකෙ අවසානෙ මොනාව වෙයිද හිතන්නවත් මට ඕන උනේ නෑ...

ඕන උන එකම දේ ඒ නිල් ඇස් අයිතිකාරයා මටම අයිති කරගන්න ඕන එක වෙනකොට අනිත් මොනවත් මට කල්පනා නොවුනා...

වයසෙ වැරැද්ද!

තාමත් මට බෙදා ගන්න බෑ මගේ හිතේ නිල් ඇස් අයිතිකාරයා ගැන තියෙන්නේ ආකර්ෂණයක් ද නැත්තං හැගීමක් ද කියලා...

බලමු බැල්මෙන්ම ආදරයක් ඇති වෙන සිද්ධි මං දැකලා තියනවා අනන්තවත් නවකතා වල, චිත්‍රපටි වල...ඒත් ඇත්ත ජීවිතෙත් ඒක එහෙමද?

මටත් ඒක එහෙමද?

හොදම දේ...

කාලෙට ඉඩ දීලා බලන් ඉන්න එක !

කොහොමටත් මගේ හිතේ තියන දේ තේරුම් ගන්න මට තව කාලයක් ඕන...

මොකද තවම නිල් ඇස් අයිතිකාරයා දැකලා සති දෙකයි, කතා කරලා දවසක් වත් නෑ...

අනික කැමැත්තක් උනත් මට ඒක අර පොඩි එකාට කියන්න පුලුවන්ද? මේවා ගැන ඒ පොඩි එකා දන්නෙවත් නැතුව ඇති...