مهمه خارج البلاد الجزء الاول والثانى كاملة

فصل يجمع بين ابناء ابطال المشاغبة و الامبراطور ومهمه خارج البلاد ( وشم القلب ❤)

فصل يجمع بين ابناء ابطال المشاغبة و الامبراطور وابناء ابطال مهمه خارج البلاد ( وشم القلب ♥️ )
..............................................

بعد سنتين من زواج رعد و سلسبيل
اتجه رعد ابن ياسين بتعب لغرفته فكان اليوم ملئ بالعمل والمهمات الصعبه فتح الغرفه ولكن نظر عليها بصدمه تجلس سلسبيل بتركيز وهي ترتدي سلوبت لشخصيه شلبي الكارتونيه وتشاهد فيلم رعب Adalynn وهي تضحك بمرح وحولها كميه كبيره من الطعام من سندوتشات وايضا مشروبات يأكلها عشر أشخاص لا شخص واحد بالإضافة للغرفه الغير مرتبه بالمره له ليرتاح قايلا من تعب اليوم اقترب منها وهو ينظر باستغراب شديد من ضحكها : هو مش ده برضه فيلم Adalynn ولا ده فيلم كوميدي

سلسبيل بضحك وهي تشاهد : اه هو يا رعدي تحفه تحفه هههههههههههه وجذبت تبق التسالى وهي تقول : ما تقعد تاكل معايا هيعجبك اوي ده رعب طحن
رعد بتعب وهو يجلس بجانبها بسخريه : اكل تقصدي اتفرج ...... بس لا مش قادر يا سيلو والله انا كنت في فيلم رعب لوحدي قومي شيلي الهدوم دي من على السرير وروقي عايز انام جدااا مش قادر اخد شاور حتى

سلسبيل وهي تشاهد الفيلم : ما توضبه انت انا مالى انا
تنهد بتعب وهو يفرق يده في وجهه بغيظ : قومي يا سلسبيل نظفي القرف ده او شيلي هدومك الشخصيه دي ونادي حد من تحت يلا

التفت له بغيظ : هو انت بتتأمر عليا ولا اي
وقف الاخر بغضب : اه يا سلسبيل ماهو دي مش عيشه بجد راجع تعبان مش لاقي مكان انام فيه مش اسلوب ده خالص
سلسبيل ببرود وهي تكمل مشاهده التلفاز : روح نام في اوضه تاني يا رعد انت حر انا هتفرج على الفيلم

رعد : ياعني انا بقولك تعبان ومش قادر اقف وانتي تقولى روح اي داهيه تاني

سلسبيل بغيظ وهي تجذب الريمود وتغلق التلفاز: اهو اتفضل نعم اولا انا مش قولت داهيه انا قولت اوضه ثانيا انت عايز تتخانق وخلاص صح

رعد بغيظ: من فضلك خلصى وشيلى القرف ده من هنا واي ده هاااا كل ده اكل اي ده دي ميزانيه دوله

شهقت بصدمه: انت بتحسدني يا رعد انت كنت دافع حاجه من جيب ابوك

اقترب منها بزهول : ااااي انتي قولتي ااااي
سلسبيل بدموع : ااااااه اخص عليك اخص يا رعدي ده انا حته في سنه رابعه ومحتاجه اهتمام اكتر و امتحاناتي قربت حرام عليك اسقط ياعني اسقط

اتجه للدولاب بغضب وجذب ملابس له ورحل للخارج
رقدت خلفه بصدمه : رعدي انت بتعمل اي انت هتبات برا انت عمرك معملتها الله

رعد بغضب وهو يذهب لغرفه اخري : ابعدي عني الساعه دي يا سلسبيل عشان يومك يعدي انهارده انا مش فايق لجنانك ده خالص
ظهر يونس امامه ببرود وهو يربع يده امام صدره : ولو ما بعدتش الساعه دي يا رعد باشا هتعمل اي ها هتمد ايدك عليها وانا موجود