تهزمني عيُونك كل مانويت اقسى

صدمة ريما من عادات وتقاليد عمامها 😧😧

ريما ؛ سوري والله مااعرف اسماكم

الجد ؛ لا عادي يبنتي اصلا انتي اكيد ما تتذكرينهم

ريما ابتسمت وضلت تطالع تلفونها وعزوز بعد كان يطالع ايباده " والعيال والبنات وعمامهم وعماتهم والجد والجده هم كانو قاعدين

خالد " ابو فيصل " ؛ عزيز قوم العب معه الوراعان

عزوز ؛ ريمو هذا منو

ريما ؛ امم اتوقع عمي صح بابا

فارس ؛ ايه عمكم خالد

عزوز ؛ عمي خالد انا اسمي عبدالعزيز

خالد ؛ ايه ايه صح عبدالعزيز ليه ماتلعب معه الوراعان

عزوز ؛ ريموووو شنو يعني وراعان بعد

ريما ضحكت ؛ يعني يهال الي بعمرك

الجد ؛ وش السالفه يافارس ولدك مايعرف سعودي

كان فارس بيتكلم بس قاطعته ريما ؛ يدي عزوزي عاش بالكويت من عمره شهور فا اكيد مارح يعرف سعودي

الجد ؛ وش يدي

ريما ؛ يعني جدي والله واضح يبابا اني بترجم وايد قلت لك واللهجه بتعب فيها

فارس ؛ يبابا عادي بتتعودين ان شاء الله

الجد ؛ عادي ياريما اللهجه بتتعلمينها لما تتزوجين فيصل ولد خالد ماعليه شوي وتنخطبون

ريما طالعت ابوها بصدمه ؛ بابا شنو ؟ مافهمت شيقصد منو فيصل واتزوجه الحين " السموحه الوضع مايسمح للضحك بس تذكرت رياكشن من فيصل وش قعد تقولين 😭 "

فارس تنهد بضيق لانه عرف انه ابوه بيفتح هالموضوع ؛ يبه ماعرفت تاجل الموضوع شوي تونا واصلين

الجد ؛ انا قلت كلامي وانت تعرف عاداتنا البنت تتزوج بالثانوي وانتهى النقاش واذا ما وافقت مانك ولدي ولا اعرفه

ريما ؛ بابا يدي شيقول شنو عادات وتقاليد وبنت تتزوج بالثانوي لالا راسي صدع

فارس نزل راسه بضيق ؛ الي سمعتيه يابنتي هذي عاداتنا وتقاليدنا البنت تتزوج بعمر ١٧

ريما ؛ لا والله مااعتقد الرسول " صلى الله عليه وسلم " قال زوجو عيالكم بعمر ١٧ الي اعرفه انه قال عن الصلاه ٧علموهم وتسعه اضربوهم وبس واصلا الرسول تزوج وعمره ٢٥ اتوقع

فارس تنهد بضيق

ريما ؛ بابا عادي تجي شوي بره نتكلم

قام فارس وقامت ريما يبوون يطلعون وامل راحت
الحمام

عزوز ؛ عمي خالد

خالد ؛ هلا

عزوز ؛ ليش خليتو بابا يزعل وريما تزعل خلاص انا مااحبكم ريما قالت لي بنستانس بس قالت حق بابا انه هي بتضل تلبس لبس ماتبي تلبس عبايه وبعد قالت حق ماما انا مابي اروح ومو متحمسه كلش وقالت مني مافي مجمعات يعني افنيو تره حييل حلو وفيه العاب وسكيت ومكان ثلج تعالو له حيييل حلو وان شاء الله اذا جيتو تطيحون بالثلج عشان زعلتو بابا وريما خلاص مانحبكم مانبيكم نزجع الكويت احسن لنا والله وناسه مو ديرتكم الممله هاذي انا عبالي السعوديه نفس الي بالتيك توك والبرامج الثانيه شوفو جده والرياض ومكه حلويين مو ديرتكم بس الحمدلله والشكر وطلع للحوش