تهزمني عيُونك كل مانويت اقسى

ملكة ريما وفيصل 😢

الجد ؛ بكيفك عاد اهم شي ريما تتزوج فيصل

دخلت ريما وويها احمر من البجي

فارس حضنها ؛ ها يبابا تبين اوديج السوق تشترين اغراض حق ملجتج باجر

ريما تكلمت بهدوء ؛ بابا مابي شي عندي نفانيف بجنطاي

فارس ؛ متاكده ماتبين شي حبيبتي

ريما ؛ مشكور ماتقصر بابا بس الساعه ١١  بالليل وانا نعسانه لاني امس كنت مواصله فا بنام ممكن احد يدلني غرفتي

ريناد قامت ؛  انا بوصلك

ريما ؛ مشكوره

ودلتها لين غرفتها

ريناد ؛ حتى انا مجبوره ياريما لا تحسبين بس انتي الي انجبرتي بالعكس كلنا من صارعمرنا ١٧ كلنا قامو يختارون لنا من يتزوجنا واحنا ابهاتنا ماكانو نفس ابوتس حنين وياخذ رايتس ويحضنس لا احنا ابهاتنا اجبرونا ومافي اي حنيه بعد

ريما؛ يعني انتي الحين متزوجه

ريناد ؛ معه الاسف وعمري ١٩

ريما ؛ شسمج ؟

ريناد ؛ ريناد ياروحي

ريما ؛ ريناد بس انتي تعرفين عاداتكم احنا بالكويت ماكو جذي وانا بكمل جامعه بنلدن ويه رفيجاتي

ريناد ؛ ماعليه ياكثر جامعات الرياض ياقلبي وانا بروح مابي ازعجتس تصبحين على خير

ريما ؛ وانتي من اهله

ريما شافت الفساتيين الي جابتهم احتياط قالت ممكن في حفله او عرس

واختار الفستان الي بتلبسه وطلعته " كان فستان كحلي فيه حركة من اليد مفتوح من عند الصدر "

ريما ؛ ايه هذا حلو

طقت الباب امها

ريما ؛ منو؟

امل ؛ انا يماما

ريما ؛ ماما دشي

امل ؛ يابنتي ماعليه ان شاء الله تتعودين وتره فيصل رجال  زين اصل وفصل ويشتغل بشركه جدة

ريما ؛ ماما انا موافقه ممكن تطلعين ابي انام  ياروحي

امل ؛ تصبحين على خير

ريما ؛ وانتِ من اهله

وطلعت انسدحت ريما وطفت الليت وشغلت ليت خفيف وقعدت تهوجس بعدين نامت قامت  الساعه  ٤ العصر

ريناد كانت تطق الباب

ريما ؛ هلا ياروحي

ريناد ؛ اليوم ملكتك وتوك تقومين.

ريما ؛عادي