تهزمني عيُونك كل مانويت اقسى

بارت١١

حوريه ؛ اوه

حوريه رجعت قعدت

تنوف صحكت  ؛ ها وين الخياره؟

حورية؛ لقيت صرصور بالمطبخ وانسدت نفسي منه وولد عمكم هذا يمه الصرصور بالضبططط ماسوا شي!!

شيماء ضحكت  ؛ ياحورية ذا عنده ابل ويقعد معهم ويمسكهم تبينه يخاف من صرصور

حوريه لفت عليه بقرف؛ لا يييع تمسك الناقه!!

عقاب ؛ لهم اسماء  وشاري لهم ذهب

حورية ؛ ؟؟؟ ذهب حق جمل الي اخبره انا الذهب ينهدا حق شخص

عقاب ؛ تستاهل مهرتي

حوريه ؛ اعرف الناس يحبون قطوه خيل ! هامستر جلب ارنب اما جمل؟

عقاب ؛ يابنت انتِ وش لتس انا احبها الناقه طيب

حوريه  ؛ الله يخليهم لك عيل

ريما ؛ تدرون عندي فرس اسمها سما

حوريه ؛ حتى انا عندي فرس اسمها لولو

ريما ؛ كل ويكند نروح انا وحوريه ونتسابق

حوريه  ابتسمت ؛ اوف تذكرين لما قعدنا نجمع فلوس عشان ناخذهم والفلوس كان خمس دنانير وعمي فارس وبابا زادونا فلوس وخذيناهم بعمر صغير

هناء ؛ يعني علاقتكم من زمان؟

ريما ابتسمت وعيونها قلوب ؛ ايه من الروضه

الكل انصدم بس رفيجاتها لانهم يدرون

ريما ؛ ولا يغركم تره حورية هادية حييل بس عشان حيل عجبتوها لانها حوريه مو ويه الكل ميانه حتى عند عمامها وخوالها مو جذي ميانه

حوريه ؛ رورو احبج

دلال ؛ شنو حوريه توها تطلع مشاعرج

ترف ؛ امشو نقعد بالحوش احسن الجو حلو

ريما ؛ صاجه

قعدو بالحوش وقعدو يسولفون ريما التفت على فيصل وشافته ساكت طول الجلسه ومشغوله بتلفونه وعلامات الاستغراب بوييها

ريما بهمس لفيصل؛ فيك شي حبي؟

فيصل ؛ لا حبي بس الشغل قعد اشوفه

ريما؛ الله يوفقك

رتاج دق تلفونها ردت وهي قاعده وبهدوء؛ هلا

ابوها بهدوء نفسها  ؛  شلونج بابا؟ ناقصج شي؟ تبين فلوس بابا ؟ 

رتاج ؛ لا شكرا ، شلونك؟ شلون ماما راحت موعدها ؟  الحمدلله

ابوها ؛ ايه حبيبتي اذا تبين شي دقي علي

رتاج ؛ تمام بابا مشكور ماتقصر

ابوها؛ بابا انتي وين يمج ازعاج لما دقيت عليج بالبدايه ؟

رتاج؛ قاعده وياهم عيال وبنات عمام ريما