(بسم الله الرحمن الرحيم)
بقلمي: mar_m20
تصويتكم فراشاتي 🦋
~~~~~~~~~~~~~~~~~~~~~~~~~~~~~~~~~~~~~꧁ألماس ꧂
مر اسبوع وكل شغل البيت ؏ راسي
لان شهد مستحيل اخليها تشتغل رغم
صارت زينه بس اذكر كلام الدكتور وبيوم
من الايام جاي اغسل مواعين الغده وطبت
سَجوده.
سَجوده: شوفي لجج تروحين تدورين شغل
شنو اني مكعدتكم بيتي بلاش سياحي مياحي.
ألماس: لا والله هسه صاغ بيتج موو؟؟
سَجوده: انجبي لجج دورين شغل لو اشوف
الابوج الفيديو من ركبتي ويا ولد لا تعرفين
اصله من فصله؟
ألماس: يا فيديو وبعدين شوفي واني اكول
الابوي جذابه.
سَجوده: هههههه ضحكتيني تردين ابوج
يصدكج ويجذبني؟ شوفي حبيبي خلصي
مواعين والخبصه وطلعي دوري ؏ شغل.
عافتني وطلعت من المطبخ ظليت صافنه
ليش هذا جاي يصير بيه.
خلصت مواعين واذن العصر صعدت
توضيت صليت وخلصت، باوعت ؏شهد
نايمه، بدلت هدومي ولبست بنطلون جينز
صاير عريض لان بأخر فتره ضعفت كلش
وقميص اسود وحذاء ابيض.
اخذت الجنطه وطلعت من الغرفه وقفلتها
بالمفتاح، بهذا الاسبوع كله من انزل اقفل
الغرفه ؏شهد.
نزلت من الدرج وسَجوده باوعتلي بأستهزاء
تجاهلتها، طلعت من البيت ورحت ؏الشارع
العام انتظرت يعبر تكسي.
عبر تكسي وركبت كتله ينزلني بالسوك
وصلت للسوك وكمت اطب محل محل
وجان محد يريد عامله.
بدت الدنيا تظلم طبيت بمحل ذهب وكلت هذا
اخر محل وشيصير خل يصير.
ألماس: السلام عليكم.
الكل: عليكم السلام.
ظليت افتر بلمحل الا ان طلعوا الزبائن رحت
يم العامله وهمست.
ألماس: احمم المدير مو موجود؟
العامله: ايي موجود، أستاذ ياسرر.
اجه شخص بالثلانين وضخم ولابس رسمي.
ياسر: ها نورهان صاير شي؟؟
نورهان: لا استاذ بس هاي البنيه تريدك.
باوعلي وأردف.
ياسر: أهلاً اختي تفضلي.
