(بسم الله الرحمن الرحيم)
بقلمي: mar_m20
تصويتكم فراشاتي 🦋
~~~~~~~~~~~~~~~~~~~~~~~~~~~~~~~~~~~~~~~
꧁ألماس꧂
دفعته من شهد واجت سَجوده عليه نامت
عليه كتل واني جسمي ضعيف صار النفس
ميطب الصدري وفراس كمل ؏شهد
ضربتني سَجوده بقوه وبعد ما حسيت
بشي عيوني ترسها السواد واسمع بس
اصوات ما اشوف.
مرت ساعه ساعتين اربع ساعات محسيت
؏نفسي الا وكعت ساعه ب5 العصر بعدني بنفس
مكاني والدم جامد بوجهي وجسمي مكدر احركه
من الوجع صرت افرك بعيوني.
فزيت واني اشوف شهد فاقده وشبه ميته
كمت من مكاني مرتعشه واضرب بخفه ؏وجها.
ألماس: شهدد شهدددد كومي الله يخليجج
شهددددد.
حطيت ايدي كدام انفها نفسها خفيف كلش
وراسها بعده ينزف، صرت ماعرف اتصرف اريد
اصعد اجيب المبايل وحيل مابقه بيه رفعت عيوني
شفت مسلم كاعد يزاويه الصاله ولام رجله الصدره
ويبجي.
- ڪومم كومممم خريان مسلمم كومم جيب تلفوني
من فوككك امشييي.
صعد شويه ونزل بيده التلفون اخذته من ايدها
وطبيت ؏جهات الاتصال وايدي ترجف اول رقم
طلع كدامي رقم شمس ولا ارادياً خابرتت عليهاا
مرت ثواني وجاوبت وهيه تضحك.
شمس: هههه، ها هلاو حبي.
ألماس: ش شمسس تعالي البيت ابوي
عليج القرآن امانهه بسرعه.
راحتت صوت ضحكتها وصار صوت الحزن.
-شبيجج ألماس الووو الووووو.
-تعاي بسياره امانه بسرعهههه.
سدت الخط وذبيت الموبايل بالكاع وحطيت
شهد بحصني.
صعدت فوك اخذت فلوس وحطيت بالجنطه
ونزلت اتراكض سمعت صوت سياره بره والباب
كان يندك.
-كوممم كومم افتح البابب كومممم.
راح مسلم يفتح الباب وطبت شمس للبيت
تتراكض هيه وعبايتها.
شمس: شكوو ألماس شصاير؟
وكفت بمكانها مصدومه من شكلي.
شمس: عباااس عبااااس تعالللل.
طب اخواها وكذلك ظل مصدوم.
شمس: عباس شيل البنيه خل نوديهاا للمستشفى.
عباس: احمم شمس حرامم.
-مو وكتت الحرام عباس هاي حاله طارئه.
شال عباس شهد واخذها للسياره رحت
وراهم تا اركب وجلب بيه مسلم.
