( بسم الله الرحمن الرحيم)
༺ألماسه المكسوره༻
بقلمي: mar_m20
تصويتكم 🦋
~~~~~~~~~~~~~~~~~~~~~~
♡ألماس ♡
مر يومين ؏ تواجدنه بيت ابو اسامه ومحد محسسنا غريبين بناتهم وصرت اتأقلم وياهم.
وشهد نهائياً ما تطلع من الغرفه و24 ساعه نايمه ونهائياً متاكل شي ابددد.
بيوم كعدت الفجر ؏صلاه كمت توضيت ولبست الجادر وفرشت السجاده وبديت اصلي.
خلصت وظليت كاعده ادعي ربي يسهلها عليا شلت السجاده.
ونزلت جوا بالجار مالصلاه. تا اسوي الفطور العمو ابو اسامه خطيه عمه داليا كل يوم الصبح تكعد تسويله.
اليوم راح تاخذ اجازه، طبيت بالمطبخ فتحت الثلاجه وطلعت بيض واجبان.
حطيت القوري ؏النار وسمعت صوت ؏الدرج حسبالي عمو أبو أسامه بس طب ستان بالمطبخ.
ألماس: صباح الخيغ(الخير).
ستان: صباح النور.
ألماس: لعد عمو أبو أسامه وينه؟
ستان: اليوم ميروح للشغل.
ألماس: هاا اوكِ، عموو؟
ستان: هاا.
ألماس: اجلس افطر لان سويت العمو فطور بس من سوء حظي اليوم ميروح.
ستان: والله يا عموو انا مستعجل وما مشتهي.
ألماس: يااا لعد غيغ(غير) انتَ دكتور وتعغف (تعرف) وجبه الفطوغ(الفطور) اهمم وجبهه؟
ستان: ههههه قنعتيني يلا ستعجلي بويه.
ابتسمت ؏ضحكته البشوشه، كملت الفطور وحطيته ؏الطاوله وبده ياكل وكل شوي يجي اتصال.
كمل وطلع للكراج وطلع بسيارته سديت الباب ورا وطبيت للبيت.
رتبت الصاله وغسلت المواعين وصعدت فوك فرشت سجادتي وفتحت القرآن وبديت اقره الا ان تعبت ونمت.
~~~~~~~~~~~~~~~~~~~~~~~~
♡أيهاب♡
خلصت الشغل من تركيا ورجعنا للعراق اني وآدم بس الغريب لما جنت اخابر ؏ الماس ماتجاوب.
