رحلة حب

البارت الثاني🤍✨

بتفضل مريم قاعده في المستشفى وبتعيط لحد ما بتاخد بالها إن الوقت اتأخر ، بتمسح دموعها وبتاخد شنطتا وبتمشي بترجع للبيت

بترجع لبيتها وبتكون جدتها نايمة بتغير هدومها في هدوء وبتقفل النور وبتطلع صورة نور على الموبايل وبتقول بصوت مبحوح:ربنا ميوجعنيش فيك يا حبيبي

بتقولها وبتحضن الصوره وبتنام وبتصحى في اليوم التاني على صوت جدتها:

شربات:اصحي يا مريم الساعة عشره يا حبيبتي هتتأخري على المستشفى قومي حضرتلك الفطار

مريم بصوت نعسان:يا تيته انهارده اجازتي سبيني أنام شوية كمان الله يخليكي

شربات:ماشي يا حبيبتي مكنتش اعرف والله ان انهارده اجازه حقك عليا

مريم:ولا يهمك يا قلبي بس اقفلي النور

بتقفل النور جدتها وبتقفل الباب وبتسيبها وبتخرج
وبتكمل مريم نومها

(وفي مكان تاني في بيت يارا)

يارا:انا نازله يا ماما زمان عشان متأخرش على مريم

سعاد مامت يارا:ماشي يا حبيبتي خلي بالكم من نفسكم

يارا:اتفقنا يا جميل سلام

بتقولها يارا وبترمي ليها بوسه في الهوا وبتنزل
بتمشي لحد الشارع العمومي وبتشوفه واقف بعربيته مستنيها بتروح ناحيته بحماس وبتركب جنبه

يارا:اتأخرت عليك ؟

(نبذه تعريفية عن يارا ، هي صاحبة مريم ونفس سنها ونفس التخصص بنت جميلة محجبه وعايشه قصة حب فضلت طول عمرها تتمناها)

عبدالرحمن:لأ يا حبيبتي متأخرتيش

يارا:هنروح فين بقى؟

عبدالرحمن:المكان اللي حبيبة عيني تشاور عليه هنروح فيه

يارا:نروح سينما ونتمشى على النيل ونشرب قصب وناكل كبده وسجق

عبدالرحمن:واجبلك ورد واقولك الورد للورد يا جميل

يارا:حبيبي مفيش جميل غيرك اصلآ

عبدالرحمن:جميل عشان انتي معايا يا يارا طول مانتي معايا كل حاجه هتكون جميله

يارا:بلاش كلامك الحلو ده لحسن بدوب ونبي

_ده مش كلام حلو دي حاجات قلبي حاسس بيها وبيقولي اقولهالك

_امم وانا كمان قلبي بيحب قلبك

_قلبي وبس؟

_كلك على بعضك يا عبدالرحمن انت حبيبي وروحي وعيني

بيمسك إيديها بيبوسها برقه وبيشغل اغاني لعمرو دياب وبيوديها الامكان اللي طلبتها

نسيبهم مع بعض شوية ونروح في مكان تاني
(في شقة بسيطه في إحدى المناطق)