رحلة حب

البارت الثالت🤍✨

سعاد:معاكي مناديل يا يارا

يارا:اه يا ماما في شنطتي

بتقولها وبتشيل الكتاب وبتخرج ليها وبتتفجاء من مامتها اللي ماسكه الفلوس اللي في شنطتها

سعاد:إزاي خرجتي وإزاي فلوسك زي ما هي ؟

يارا بتوتر:دي فلوس مريم اصل اتفقنا نحوش سوا عشان نجيب روايات وهي مش بتعرف تخلي فلوس معاها وعشان كدا خدتهم اشيلهم معايا

سعاد بشك:طيب فين المناديل بقى وإيه كل الكركبه اللي في شنطتك دي يا بنتي خمسين مره اقولك إنتي بنت لازم تكوني منظمة

يارا:حاضر يا ماما هاتي اجبلك المناديل

(في بيت مريم)

كانت قاعده في بلكونة البيت بتشرب شاي بنعناع بعد ما اتغدت مع جدتها وغسلت المواعين وروقت البيت كانت سرحانه في ملكوت تاني خالص

وطبعآ كانت سرحانه في نور مش عارفه تشيله من قلبها ليه
هي متأكده انه صادق بس بتحاول تقنع قلبها انه بيكدب عشان يبقى فيه سبب انها تبطل تحبه

مريم كانت بنت ناضجه الحب اخر اولوياتها بس نور غير كل حاجه حبه ليها وحنيته عليها كانت غير حتى غيرته عليها

ده حتى كل تفكير مريم عن الاستقلال اتبخر بمسافة ما نور دخل حياتها أحلامها اتغيرت من سفر وبيزنس خاص لـ بيت وجواز وعيال

قطع تفكير مريم صوت بنت

هدير:مريومه كويس لقيتك صاحية هجيب حاجه من السوبر ماركت واجي اقعد معاكي احكيلك على حاجات

مريم:ماشي يا حبيبتي هستانكي

هدير:اجيب شوية حاجات حلوه لزوم السهره؟

مريم:انا كيسين إندومي جوه وشوية لب ومكسرات

هدير:خلاص هجيب بيبسي

مريم:والله !

هدير:قصدي بديل البيبسي يا مريم بس بختصر هجيب المشروب اللي عليه دبانه ده

مريم:سبيرو سباتس

هدير:هو ده مش هتأخر

مريم:ماشي يا حبيبتي

بتبتسم هدير وبتمشي وبتدخل مريم تجهز الإندومي عقبال ما هدير تيجي

(نبذه تعريفية عن هدير ، هي جارة مريم بتحبها وبتحب تتكلم معاها وعلى طول بتحكيلها عن كل حاجه وبتحب نصايحها هدير بتدرس في كلية التجاره عندها ٢٠ سنه وملامحها في غاية الجمال بشرتها بيضه وشعرها اورنج نفس لون حواجها وعيونها خضرا)

بتطلع هدير لـ مريم وبيقعده في البلكونه سوا وبتكون مريم جهزت الإندومي والمكسرات

مريم:احكي ياستي سمعاكي

هدير:مش حاسس بيا يا مريم بلمح كتير والبعيد مبيفهمش عشان يفهم محتاج إعلان رسمي بصورته واسمي ثلاثي مش هو ابن خالتي بس اغبى خلق الله عيني مقالتش ليه إتي بتنيل بحبه يعني ؟