(صباح يوم جديد في بيت نور)
بيصحى عمر يحضر ليهم الفطار وبيروح عشان يصحيهم لكن مش بيلاقي نور بيعتقد إن نور شويه ويجي وبيروح يصحي نوح
عمر:اصحى يا نوح الفطار جاهز
نوح:دي إيه الخدمة العشر نجوم دي
عمر:اي خدمة قوم بقى عشان الطعمية سخنه
بيصحى نوح وبيقعده يفطروا سوا
نوح:امال فين الواد نور؟
عمر:مش عارف تلاقيه في مشوار وجاي
نوح:مش عايزين نسيبه لوحده في حوار الإنتقام ده يا عمر
عمر:قولتله والله بس اللي في دماغه في دماغه هو ممكن يتحبس يا نوح ؟
نوح:لو الخبر وصل للحكومة اه يتحبس مفيش حاجه تشفع ليه ولا حتى لو كان الحق معاه ومظلوم
عمر:ربنا يسترها عليه يارب
نوح:متقلقش انا في ضهره وانت معاه يبقى مفيش حاجه يتخاف منها
عمر:خير إن شاء الله
نوح:الحمدالله الحق اقوم البس
عمر:رايح فين؟
نوح:هشوف شغلي والمكتب واعرف دنيتي إيه
عمر:اعمل شاي طيب
نوح:تسلم
بيكمل اكله عمر وبيقوم يلبس وبينزل يشوف الصيدلية
بيفرح لما بيلاقي هدير موجوده قبله وفاتحه ومشغله قرآن زي ما طلب الصيدلية نضيفه وريحتها حلوه
عمر:صباح الخير
هدير بهدوء:صباح الخير
عمر:اطلبلك قهوة معايا؟
هدير:متشكره
عمر:غريبة فين لسانك القطه اكلته؟
هدير بضيق:اللهم ما طولك يا روح
عمر:براحه عليا الله يخليكي
هدير:انت اللي بتنكشني اهو
عمر:خلاص هسكت
بيقولها وبيقعد يراجع الحسابات وبيجي زبون وبيسيب القلم عشان يشوف بتتعامل مع الزباين إزاي
#لو سمحتي عايز المرهم اللي الغطا بتاعه لونه أخضر
هدير:اسمه إيه حضرتك او صوره ليه
#معرفش بس هو الغطا لونه أخضر
هدير:للأسف مش هقدر اساعدك
#طيب عايز مرهم منع الحمل طيب
هدير:مرهم !!
#ايوا يا استاذه ولا مش موجود ده كمان
هدير:مفيش حاجه اسمها مرهم في حبوب حضرتك
#انا باجي اخده من هنا على طول
هدير:مرهم إيه ده اللي يمنع الحمل بيتحط فين اصلآ
أنت تقرأ
رحلة حب
Romanceلكل قلب حبيب مكتوب عليه يلقاه ومكتوب لكل الحبايب وعد يتقابلوا في يوم حَنين أَحَنّ من اللي كان قبلُه.❤
