رحلة حب

البارت السادس🤍✨

عمر:الله يسلمك يا حبيبي ، فين نور؟

نوح:مظهرش من الصبح وبرن عليه تيلفونه مقفول

عمر بخوف:نور في خطر

نوح:ليه بتقول كدا ؟

عمر:مظهرش من الصبح يبقى اكيد حصله حاجه يا نوح

نوح:نور مش صغير اكيد شوية وهيرجع

عمر:لأ احنا نروح ندور عليه

نوح:يا ابني نروح فين وانت تعبان كدا من هنا لحد اخر الليل لو مجاش هنتصرف

عمر:يارب يكون بخير يارب

نوح:إن شاء الله هتكون كويس يلا إحنا بقى على البيت

عمر:يلا

وبياخد نوح عمر وبيرجعه البيت بيحضر ليه الأكل وبيديله العلاج وبيسيبه يرتاح شوية وبيحاول ينام عمر لكن تلقائي تفكيره بيروح لـ هدير اللي كانت خايفه عليه وشاف خوفها في عينيها وإيديها اللي كانت في إيديه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

(عند مريم في بلكونة بيتها)

مريم:خلاص بقى يا هدير ماهو بقى كويس اهو

هدير:حاسه بالذنب ناحيته اوي يا مريم

مريم:حبيبتي هو طبيعي يدافع عنك هو راجل وانتي بنت ده غير انه مسؤول إنك تكوني بخير

هدير:لما دخل شدني بعيد ووقف يتخانق هو حسيت انه فعلآ شخص كويس

مريم:عمر فعلآ كويس كـ شكل وشخصية وتفكير وحنين بطريقه مبالغ فيها اوي من كتر ماهو حنين اوقات كنت بحس إنه ابو نور

هدير:بس انا نفسيتي وحشه بردوا ولازم تخرجوني

مريم:إيه اللي يخلي نفسية سيادتك حلوه؟

هدير:خروجه في وسط البلد ونضرب ٣٠ سندوتش كبده

مريم:والله خلاص بكرا بعد ما نخلص شغل نروح انا وانتي ويارا ونلف شوية وناكل ايس كريم من العبد

هدير:هو ده الكلام هقوم انام بقى عشان بكرا عايزه انزل بدري عشان ارجع ارتب الصيدلية لحسن دي اتبهدلت خالص

مريم:ربنا معاكي يا قلبي

بتسلم عليها هدير وبتمشي وبتقوم مريم بتغسل المواعين
وبتطمن على جدتها وبتطبق الغسيل وبتدخل اوضتها وبتطلع صورة حبيبها من تحت المخده

هي بتتعامل مع الكل عادي لكن هي من جواها مش عادي
محدش بيشوف عياطها على مخدتها بليل محدش بيحس بوجع قلبها لما بتسمع اسمه ولو صدفة محدش يعرف حاجة عن الدوشة اللي في دماغها هو وحشها ووحش عينيها وقلبها بتتمنى انه يكون بخير بتتمنى تجمعهم القدر تاني مع بعض
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ