بعد ما راح عبد المجيد زهر قالت : يويلي شكله مغرم
شهد : والله يمكن امشي بروح اشتري لبسه البسه الليله ملابسي كلها ماتنفع
زهر : يلا امشي
راحت اشترت لها فستان وكعب ورجعو الفندق وهي تتجهز جاتها رساله من عبد المجيد
عبد المجيد : هاذا الموقع بنتقابل الساعه ٨
شهد : تمام
وتجهزت ولبست وطلبت سياره عشان توصلها وصلت كان مكان فخم وراقي جداً وتمشي لحد ما شافت عبد المجيد واقف ينتظرها لف عليها وكان مبهور فيها وفي تفاصيلها
شهد : شفيك تناظرني كذا
عبد المجيد استوعب : ولا شيء
قرب منها ومسك يدها ومشيو لين الطاوله جلسو بدون كلام لين عبد المجيد قطع الصمت اللي بينهم
عبد المجيد : وش جابك هنا في باريس
شهد : انا محاميه وجايه هنا شغل عندي مكتب , وانت ؟
عبد المجيد : انا مهندس معماري جيت هنا تمشيه
كانو ساكتين وجاء الاكل اكلو وخلصو
عبد المجيد : شرايك نتمشى في مدينه العشاق
شهد بضحكه : يلا نتمشى في مدينه العشاق
كانو يتمشون وشهد حست ببرد كان فستانها عاري الاكتاف وحس عبد المجيد طلع الجكيت وحطه عليها
عبد المجيد : عادي نتمشى يد بيد ؟
شهد بتوتر وثقه : عادي
مسك يدها وفزت قلوبهم وكانو يمشون لين وصلو للفندق طلعو مع بعض عشان غرفهم جنب بعض وقفت شهد عند باب الغرفه وطلعت الجكيت ومدته له
شهد : شكراً
عبد المجيد : العفو ولو
وطالعو في بعض ثواني بعدها دخلت شهد والابتسامه شاقه وجهها كانت تنادي زهر
شهد : زهرر زهر ياهوه وينك
زهر في سابع نومه مادرت عنها جتها شهد هبدتها : قومي يابنت بقولك وش صار بسرعه
زهر : ياليل قمت بروح اغسل وجهي
شهد : استعجلي
زهر : هاه قولي بسرعه
شهد قالت لها كل شيء صار
زهر : يوووووهه يويلي مسك يدك كمان اوف بموت يحظك من وين طحتي عليه وش ذا كانكم متزوجين
شهد غرقت بأحلامها : تخيلي صدق نتزوج اوف
زهر : لييت والله بتكونو مع بعض شيء يجنن
نامو وصحيت شهد الصباح ونزلت للكوفي وشافته يطلب
عبد المجيد : هلا والله صاحيه من بدري
شهد : اي عندي شغل شوي
عبد المجيد : عادي اجلس
شهد : اي تفضل
عبد المجيد : كيفك
شهد : بخير وانت ؟
عبد المجيد : الحمدلله بخير
شهد : دوم ان شاءلله , بطلع
عبد المجيد : حتنى بطلع
طلعو مع بعض دخلت شهد الغرفه
شهد : يازهر يلا بنتأخر
زهر : صحيت من اول وتروشت وانتِ برا لا تقولين لي انك معه
شهد : تقابلنا بالصدفه في الكوفي
زهر : متأكده بالصدفه يمكن هو ينتظرك
شهد : صدق تخيلي ينتظرني واووو
زهر : والله يمكن الولد طاح ومحد سمى عليه
شهد : يويلي منك اخلصي بس خلينا نطلع
زهر بضحكه : يلا قربت
طلعو ووصلو المكتب ولما دخلت شهد المكتب لقيته
شهد : اهلاً شتسوي هنا
عبد المجيد : جيت اشوفك
شهد بتوتر : بغيت شيء ؟
عبد المجيد : شرايك بعد ماتخلصين نطلع نتقهوى مع بعض
شهد : والله مدري بفكر وارسل لك
عبد المجيد : خذي راحتك انتظرك
شهد : تمام
