بعد ماخلصت شهد من شغلها طلعت هي وزهر وهم في السياره قالت شهد : تخيلي وش صار اول مادخلت المكتب
زهر : مسرع صار شيء وش صار ؟
شهد : لقيته جالس ينتظرني
زهر : كيف عرف مكتبك وين
شهد : مدري ما علمته
زهر : طيب وش يبي ؟
شهد : يقول شرايك نطلع نتقهوى قلت له بفكر واقولك
زهر : وافقي روحي شوفي يمكن يبي يقولك شيء
شهد : تم برسل له
زهر : :يلا وقولي لي وش يصير معك
شهد : طيب , ارسلت
رد : حلو بنتقابل في الكوفي اللي جنب الفندق
شهد : طيب
زهر : قومي البسي بسرعه
قامت شهد لبست وتعطرت ونزلت شافته جالس في المكان اللي دايم تجلس هي فيه دخلت وجلست قدامه
عبد المجيد : اهلاً
شهد : هلا فيك
عبد المجيد : تبين شيء اطلبه لك
شهد : امريكانو بس
عبد المجيد : تمام
شهد : بغيت شيء
عبد المجيد : لا والله بس ودي اتعرف عليك اكثر
كانو يسولفون وما حسو بالوقت لين طردوهم لانهم بيقفلون
شهد : شكراً
عبد المجيد : على وش ؟
شهد : افرح وانا معك
ابتسم لها طلعت شهد وهي مانست كيف ابتسم لها وطول الوقت تفكر في سواليفهم لين نامت صحيت على صوت جوالها يدق
شهد : هلا والله ساره
ساره : هلا فيك وينك اختفيتي بعد ماسافرتي
شهد : والله اشغال اسلمي بغيتي شيء
ساره : بعد ثلاث ايام عندنا عزيمه في بيتنا وابيك تحضرين
شهد : والله اني مدري اخاف مايمديني
ساره : شوفي التذاكر وقولي لي
شهد : تمام ان شاءلله يمدي
سكرت من ساره وراحت تصحي زهر
شهد : بصحيك انا كل يوم قومي بسرعه بقولك شيء
زهر : ياليل وش مسويه بعد
شهد : ماسويت شيء تعرفين صاحبتي ساره
زهر : ام الولدين ؟
شهد : ايي ذي
زهر : طيب وش جاب الطاري
شهد : اتصلت علي تباني ارجع السعوديه عنهم عزيمه وتبيني احضر هاه شرايك نرجع
زهر : تصدقين اني مشتاقه للسعوديه تم ماعندي مشكله
شهد : حلو بدور لنا تذاكر
زهر : متى عزيمتهم
شهد : بعد ثلاث ايام
زهر : يووه يعني لازم نجهز من بدري
شهد : ايي
زهر : طيب لقيتي تذاكر
شهد : دقيقه بجيب الابتوب قومي تروشي وتعالي
زهر : طيب
قامت شهد جابت الابتوب وكانت تدور اقرب رحله صاحت شهد : للققيتت تذاكر شوي في الليل
زهر : يسعدلي امك ياشيخه كفو
شهد : كفوك افا عليك بس اليوم مانبي نروح المكتب
زهر : اي مانبي نروح خلينا نرتب شنطنا
شهد : اي بروح لغرفتي ارتب اغراضي امشي ساعديني بعد ما نخلص من حاجاتي نرتب اغراضك
زهر : اي عشان نخلص بسرعه
شهد : يلا امشي
كانو يرتبون الاغراض وهم يسولفون بعد ماخلصو
زهر : انهد حيلي افف امشي نروح لغرفتي
شهد : بروح اجيب لنا قهوه واجيك
زهر : والله فكره يلا طيب
نزلت شهد للكوفي وطلبت اثنين امريكانو وجلست على بال مايجهزون طلبها وجاءها
شهد : بسم الله من وين طلعت
عبد المجيد : تفكرين مانك حولنا
شهد : اي برجع للسعوديه
عبد المجيد : موفقه ان شاءلله
نادو شهد تأخذ الطلب
شهد : استأذن منك
ومشيت
زهر : كلها قهوه ليه تأخرتي
شهد : شفته
زهر : قال لك شيء
شهد : لا انا قلت لها برجع قال موفقه
زهر : معليك منه امشي نخلص شوي وبنمشي
شهد : ايي يلا يلا
راحو يرتبون الاغراض بعد ماخلصو
زهر : قومي نلبس بسرعه بنتأخر
شهد : صدق وربي الوقت يمشي بسرعه
لبسو وطلبو سياره نزلو وقالو للأستقبال ينزلون الشنط
جاء السواق وحطو الشنط في السياره وصلو المطار
زهر : يربي بموت احس ماني مستعده مدري ليه
شهد : معليك انا معك
زهر : امشي نركب الطياره
ركبو الطياره وحطو الشنط وكل شيء وكانو يسولفون بعدها قالت شهد : خلينا ننام على بال مانوصل رد نامو
صحيت شهد قبل يهبطون بربع ساعه وصحيت زهر
شهد : يلا بننزل للرحله الثانيه
زهر : اووف ليلنا طويل
شهد : باقي يومين على عزيمتهم احس شايله هم
زهر : كلنا شايلين هم مدري ليه
شهد : يلا بنهبط اجلسي زين
نزلو من الطياره وراحو للطياره الثانيه
شهد : هانت بننزل في مطار الخبر
زهر : بنروح بيتك على طول وننام تعبت
شهد : اول ماننزل برسل للخدم يجهزون لنا غرفه
زهر : حلو
كانو يسولفون ما نامو لين جاء وقت الهبوط ونزلو من الطياره وكان فيه سواق ينتظرهم
زهر : احسن شيء سواق ينتظرنا
شهد بضحكه : امشي بس خلينا نروح ننخمد
ركبو السياره فتحت شهد الشباك تطالع في الشوارع وقلبها مليان شوق وصلو للبيت وجو الخدم يشيلون الشنط عشان يرتبون الملابس وحاجاتهم
شهد : يووه نسيت ارسل لساره اني لقيت تذكره
زهر : بعد ايش وصلنا
شهد : بتصل عليها اقولها اني في الخبر
زهر : يلا وحطي سبيكر بسمع
اتصلت شهد : سلام
ساره : هلا هاه لقيتي تذكره
شهد : لقيت
ساره : الله يعني بتجين ونشوفك
شهد : لقيت امس والحين انا في الخبر
ساره : يهبي مسرع وصلتي
شهد : دورت اقرب رحله وجيت ومعي صاحبتي بتجي معي
ساره : اي طبعاً حياها الله
شهد : يلا مع السلامه بنرتاح تونا وصلنا
ساره : يلا اجل مع السلامه
زهر : يحليها تحمسني اشوفها
شهد : صدق تجنن اخلاق واسلوب وراقيه بعد
زهر : قولي للخدم يرتبون الملابس واحنا بنرقد لين بكره
صحيت شهد الصباح وتروشت وراحت تصحي زهر عشان يتجهزون للعزيمه صحيت زهر وراحت تتروش بعد ماطلعت
شهد : مدري وش البس ياليل
زهر : البسي الاسود ذا مره حلو عليك
شهد : تم بلبسه وانتِ وش بتلبسين
زهر : مدري بشوف شرايك ذا ولا ذا
شهد : الابيض يجنن البسيه
زهر : تهقين
شهد : ايي ومرره بعد
زهر : خلاص بلبسه امشي نحط ميكب ونسوي شعورنا
شهد : يلا امشي
خلصو ميكبهم وشعرهم ولبسو
شهد : هاه شرايك شكلي حلو
زهر : والله حلوه تجننين شرايك فيني
شهد : شكلك مره يجنن البسي عبايتك خلينا نطلع لا نتأخر عليهم
زهر : طيب ارسلي لساره ترسلك الموقع اكيد ناسيه وين بيتهم
شهد : اي صح ذكرتيني خليني ارسل لها
رسلت لها الموقع وطلعو لما وصلو
زهر : احس اني متوتره كانه زواجي
شهد : وربي حتنى متوتره معليك خلينا ندخل وراسنا مرفوع واهم شيء الابتسامه لا تنسين
زهر : تم معليك يلا
نزلو ودقو الباب وفتحت العامله اخذت عبايتهم ودخلو وسلمو عليهم وجلسو
ساره : نورتي يا شهد
شهد : بنورك والله اعرفكم هاذي صاحبتي زهر
ام عبد المجيد : ماشاءلله عليكم يابناتي يحلوكم
ابتسمو ماتكلمو وكانو يسولفون ويسألونهم لين جاء وقت العشاء
شهد : يلا قومي نتعشى معهم
زهر : ناسيه اني ما اكل رز ولحم
شهد : سلكي لهم بكم لقمه
قامو اكلو معهم بعد ماخلصو من العشاء جلسو يسولفون وشهد طلعت برا تبي ترتاح من اصواتهم وماكانت منتبه لشيء فيه احد جاء ومسك كتفها
عبد المجيد : شتسوين هنا
شهد : بسم الله من وين طلعت انت يارب حلم
عبد المجيد : مو حلم ارتاحي كيف جيتي هنا
شهد : صاحبتي عزمتني انت وش تسوي هنا
عبد المجيد : بيتي ذا
لين جات صاحبه ساره وشافتهم
تعريف سريع عنها :
سحر عمرها ٢٢ وتحب عبد المجيد مرررهه
———————————
شافت عبدالمجيد مقرب من شهد وراحت له
سحر بصوت شبه عالي : مجودي
لفو يشوفون مين
عبد المجيد : سحر
سحر مسكت يده : اي سحر اكيد اشتقت لي صح
شهد حست بمشاعر غيره
عبد المجيد يبعد يدها : وش تبين
سحر : تعرف ذي
عبد المجيد : اي اعرفها شتبين الحين
سحر : اشتقت لك
مشيت شهد بدون ولا كلمه وعيونها فيها دموع دخلت عليهم بعد ماهدت شوي
شهد : استأذنكم بنروح
وطلعت هي تسحب زهر
—————-
حاولت اطول البارت بقدر الامكان اتمنى يعجبكم ❤️
