.
.
زهر : اشبك انتِ ليه فجأه سحبتيني
شهد : طفشت منهم برجع انام
زهر : طالعي فيني
شهد : قلت لك مافيه شيء بس راسي يعورني وبرجع انام
زهر : تستهبلين شفيك كأنك بكيتي اخلصي وش صار
شهد : خلينا لين نرجع واقولك مابي اتكلم الحين
زهر : على اساس طلعتي تشمين هواء بس شكل الهواء اثر عليك
شهد : خلاص زهر اذا رجعنا البيت بقولك وش صار
ركبو السياره وشهد فيها غصه بس ما وضحت اكثر لما رجعو راحت شهد غرفتها بتغير بعد ماغيرت وخلصت جتها زهر : ماودك تقولين لي وش صار معك وخلاك تبكين
شهد : شرايك تسوين قهوه عشان اقدر اتكلم زين
زهر : يربي منك بسوي لك وبتقولين مافيه طلبات ثانيه
شهد : ابشري بس سوي لي قهوه
راحت زهر سوت قهوه لها ولشهد
زهر : احلى قهوه لك ياشوشو
شهد : الله ذا كله عشان اقولك هههههههه
زهر : اخلصي وش صار معك
شهد : لقيته
زهر : مين ؟
شهد : عبد المجيد
زهر : كذابببهه وش جابه ذا هناك
شهد : طلع البيت اللي احنا كننا فيه بيته اللي ساكن فيه
زهر : يمه يعني هو اخو ساره
شهد : اي يربي ليه ماعرفت من اول
زهر : طيب ليه بكيتي عشانك شفتيه ؟
شهد : لا طبعاً مو عشاني شفته
زهر : اجل
شهد : جاني وسألني وش اسوي هنا قلت له معزومه انت وش تسوي هنا قال ذا بيتي وكننا نسولف عادي لين جات صاحبه ساره ( سحر ) ومسكت يده وتقول اشتقت لك ومن ذا الكلام
زهر : ليكون تحبينه بس
شهد : مدري والله بس بكيت لما شفتها ماسكته حسيت بشعور غريب ماينوصف
زهر : لازم تحددين مشاعرك تجاه تحبيه ولا لا اذا تحبينه قولي له قبل يروح منك قبل تندمين انك ماصارحتيه من البدايه
شهد : ساره ارسلت لي تبيني اجي اسولف معاهم اصلاً
زهر : فرصتك يعيوني فكري انتِ لين بكره وقولي لي وش صار معك طيب ؟
شهد : تمام بتروحين معي بكره
زهر : لا بروح اتمشى اشتقت للخبر واهلها
شهد : متأكده
زهر : اي معليك
راحت زهر وانسدحت شهد تهوجس في عبد المجيد ومشاعرها الغريبه تجاه وماتدري هي تحبه ولا عادي عندها كانت تفكر لين نامت بدون ماتحس
جاء الصباح
زهر : ساندي روحي صحي شهد للفطور
ساندي : تمام مدام
راحت ساندي بتصحي شهد
شهد : صاحيه
ساندي : مدام انزل تحت في فطور
شهد : تمام ساندي انزلي وانا جايه
لبست ونزلت تفطر
زهر : وش صار معك
شهد : على ايش
زهر : موضوع امس
شهد : مدري للحين احس اني ملخبطه
زهر : اسمعي تأكدي انه في البيت
شهد : عبد المجيد ؟
زهر : اجل فيه غيره
شهد : ليه اتأكد اذا فيه ولا لا
زهر : اذا فيه اعترفي له عن امس بس قولي له انك ماتعرفين وش مشاعرك تجاه
شهد : بسأل ساره يارب ترد علي
اتصلت شهد على ساره
شهد : سلام ساره كيفك
ساره : وعليكم السلام الحمدلله بخير سمي بغيتي شيء ؟
شهد : بغيت اسألك فيه احد في البيت ؟
ساره : لا عادي بس عبد المجيد ونايم اصلاً ماراح يصحى الا الصباح
شهد : اها تمام يلا ان شاءلله ما ازعجتك
ساره : لا عادي مع السلامه
سكرت
زهر : حسافه نايم وش بتسوين
شهد : مدري بطلع اتقهوى تجين معي
زهر : تم بجيب عبايتي واجيك
شهد : تمام بأخذ المفتاح من السواق بسوق انا
زهر : طيب اجيب عبايتك معي ؟
شهد : اي اي جيبيها
راحو للكوفي واخذو قهوه وتصورو قالت شهد : شرايك نروح المول اشتري لبس عشان لما اروح لهم اليوم
زهر : صح فكره يلا امشي
راحو المول يدورون سوق سوق مالقيو شيء مناسب لين شهد لمحت لبس اعجبها بس شوي مو ساتر
زهر : شوفي شوفي ذا وين تطالعين انتِ
شهد : شوفي ذاك
زهر : اوف يجنن امشي نأخذه
راحت واخذته
زهر : بيطلع شكلك تحفه فيه
شهد : وربي يجنن اشوا طاحت عيني عليه قبل نطلع
زهر : يلا نرجع عشان تتجهزين
شهد : يلا
رجعو وطلعت شهد وزهر لغرفه شهد
شهد : وش احط شكل الميكب تحسين يصلح مع الفستان
زهر : حطي سماوي مع هايلايتررر وابيض شوي بيطلع ناررر
شهد : تم احسه لايق
زهر : لا تحسين تأكدي
حطت ميكبها ولبست فستانها مع كعب ابيض شعرها قصير ومسويته ويفي على خفيف
زهر : يويلي يويلي منجد وش ذا الحلى كله تجننين تجننين يحظ راعي النصيب الصدق اغرمت فيك
شهد : يقلع شكلك استحيت منجد شكلي حلو
زهر بضحكه : اي والله تهبلين
شهد : يلا بطلع تبغين شيء
زهر : سلامتك يابيب ليتك تلمحينه بس
شهد : اسكتي بس
لبست عبايتها واخذت مفتاحها وخرجت لما وصلت دقت الباب وفتحت لها العامله استقبلتها ساره
ساره : هلا والله نورتي
شهد : هلا فيك بنورك يعيوني
ساره : تفضلي بنجلس فوق في الغرفه نسولف
شهد : تمام يلا
طلعو فوق وكانو يسولفون ويضحكون ويأكلون وكل شيء تمام
شهد : ابي الحمام ( الله يكرمكم ) وين الاقيه
ساره : اول ماتطلعين امشي على يدك اليمين
طلعت ساره ودخلت غرفه شغلت الاضاءه ولقيته منسدح انخرشت كانت بتصارخ بس سكتت قربت منه شوي مسكت وجهه بيدها وكانت تتأمله لين تحرك بعدت عنه تحسبه صحى لما شافته مافتح عيونه قربت منه تطالع فيه وكانت ماسكته لين حط يده فوق يدها اللي على وجهه
شهد انخرشت : بالغلط كنت ابي الحمام
عبد المجيد ماتكلم بس يناظر فيها توترت كانو يناظرون بعض وهم ساكتين
عبد المجيد : وش جابك
شهد : ساره عزمتني
عبد المجيد : عزمتك في غرفتي
شهد : قلت لك بالغلط
عبد المجيد : ليت الغلط يتكرر كل يوم
توترت ماتكلمت جات بتسحب يدها مسكها بقوه
شهد : افتح يدي بروح
عبد المجيد : لين اخذ حقي
شهد : اي حق
عبد المجيد : كنتي تناظريني الحين دوري اناظرك
قام وقرب منها
شهد : بروح ينتظروني
عبد المجيد : اعترفي
شهد : بأيش ؟
عبد المجيد : مشاعرك
شهد : مافيه مشاعر تجاهك
عبد المجيد : اجل ليه بكيتي لما شفتي سحر امس
شهد : مدري
عبد المجيد : خلينا واقعين تحبيني ؟
شهد : مدري اضن
عبد المجيد : ابيك طيب
سكتت شهد
عبد المجيد : صدق اني حبيتك من اول يوم شفتك في باريس لما شفتك هنا عندنا امس فرحت بشوفتك ماتوقعت ان سحر بتجي وتخرب لحظاتي الحلوه معك
شهد : ما ادري وش مشاعري تجاهك بس لما شفت سحر حسيت بشعور غريب ما اعرف اوصفه
عبد المجيد : طيب
شهد : وش طيب ؟
عبد المجيد : احبك افهمي تكفين حاولت المح لك من باريس للحين بس طفح الكيل احبك يابنت الحلال ابيك لي
شهد تحركت مشاعرها : احبك انا بعد
عبد المجيد بفرح : عيدي وش قلتي تكفين عيدي
شهد : مافيه بعد عني بروح
عبد المجيد : اذا عدتي كلامك بترك تروحين
شهد بضحكه : احبك
عبد المجيد : اههخخ يحلوها منك
حضنها وتركها تروح
