المكامعة الاخيرة(مكتملة)

Part 11

♡♡♡♡♡♡♡♡♡♡♡♡♡♡♡♡♡♡♡♡

#المكامعة الاخيره

الكاتبه : سولاف الحجاج

3S_OLAF : Insta 
_________________________________

كلاسات وصحون متكسره وليلى ربي ما خلقني بدون ولا قطعة ملابس وتنزف دم من كل مكان ومنظر بشعع بشكل مو طبيعي وواكعه بالكااع مغمى عليها

واكفه مصدومه ومغطيه حلكي بيدي واصرخ بكتمه تقربت على كيف وشفت بيها نفس عايشه رحت ركض جبت لحاف سترتها وحطيتها بحضني اكعدها واصرخ من كلبيي

رزان : ليلى فدووووه كعددي شبيجج منو مسوي هيج بيج ليللللللى يمه الدممممم راحووو الجهال راحوووو صخاااام بوجهججج رزااان ولج لييييلى كعدددي منووو اذاج هيججججج منووووو

لا اكدر اتصل على حسين ومااريد اخابر ريان فكرت  وخابرت نوح ماعندي غيره هسه ينقذني

رزان : ردددد ولككك رددددددد

ماكو مايرد والبنيه تون وشكلها يكسر الكلب وانا الف بيها واسترها وشعرها منكوش وكله دم

رزان : ليلى كليلييي منو مسوي هيج بيج بس ردي عليه فدوووه اروحلججج منو طب للبييتتتتت

راحت روحها بيدي وايديه كلهن صارن دم من شعرها وبعدني اخابر بنوح واخيرا ررردد

رزان : الو الوو نوووح تعال الحكنيي تعاااااال

نوح :شبيج شصارررلج شبييه صوتججج رزان

رزان : تعال بسرعه فدوووه لا تتأخر من تجي اكلكك

نوح : تمام تماممم جاايجج

ذبيت التلفون وجريت حجاب بالكاع وغطيت شعرها ولفيتها عدل واحاول اكعد بيها واندك الباب

نوح : فتحييي الباب رزان انا نوووح فتحيه

عفتها ورحت فتحته منهاره ونوح وجه اصفر مابيه نقطه دم وعيونه تتفحصني دخل ولزمني من جتافاتي ويدورني يتفحصني من فوك لجوه ولزم وجهي وكال

نوح : ولج هديتي روحي رجليه ماشالتني على ما وصلت للبيت اربع بيوت صارن عليه قرن انهد حيلي يلا اجيتج شنو يوجعج يابعد حيلي ليش هيج عيونج مورمات هاا شبيج احجيي

ماجنت مستوعبه الموقف مصدومه وابجي وهو حاضن وجهي ب ايديه دفعته وكلت

رزان : ليل.. ليلى بس تعاال الحكهاا ماادري شبيها كل.. كلهااا دمم وجاي تنززززف نوح فدووه الحكها

جريته من ايده واخذته بسرعه وفحصها لان دكتور نسائي ويعرف وكال

نوح :لازم تنقل للمستشفى بسرعه حالاها خطره وجاي تنزف كلش هواي ومبين خسرت الجنين لبسيها ملابس بسرعه وراح اخابر الاسعاف حالتها خطره رزان بسرررررعه