المكامعة الاخيرة(مكتملة)

Part 12

♡♡♡♡♡♡♡♡♡♡♡♡♡♡♡♡♡♡♡♡

#المكامعة الاخيره

الكاتبه : سولاف الحجاج

3S_OLAF : Insta 
_________________________________

طلعت من غرفتي ولكيت مريه جبيره مقعده على كرسي واثنين بنات واكفات وحده ممرضه والثانيه مثل العامله واكل وعلاكات هووووواي وعلاج هوووواي انصدمت وباوعت للباب ولكيت مالك واكف وحابس ضحكته وانا طالعه بتراك البيت وشعري منعكش

رجعت طبيت لغرفتي ركض غسلت وجهي وبدلت هدومي ولبست حجابي وحطيت بس مرطب لشفايفي وطلعت لكيته كاعد وامي تضيفه رفعتله حاجبي بغيض لان مافاهمه شي شجاي يسوي هذا

ام حور : حور تعاي كعدي ليش واكفه يمه

حور : ها اي يمه كعدت

ردت عليه المريه الجبيره ب ابتسامة تخبل

_ ما شاء الله يمه تخبلين فدوه لوجهج

حور : حبيبتي خاله تسلمين منو انتي اكيد اخت مالك لان مستحيل امه على هذا الجمال كله

_ ههههههه لا حبيبتي انا امه

حور : والله تخبلين خاله ابد مامبين عليج جايبه واحد مثله جنه هو اكبر منج.. صدك عمو شلونك

عاف الكهوه وباوعلي بنص عين ولازم حنجه وكال

مالك : وشبيه انا وماتجيب واحد مثلي ومنيلي اكبر منهاااا وشنووو عمووو

حور : جا شصيحلك غير اكبر مني ماادري ب 40 مدري 50 سنه حسب شكلك لو تريد اصيحلك جدو مثلاً

مالك : جدو بيج بباب جامع ان شاء الله

_ هههههههه مالك يااا يمه شبيك يمته تروح عقدتك من عمرك موتتني مايحب احد يجيب سيرة عمره يتخبل ليكول بالخمسين وهو ستوه يلا ثلاثيني

حور : ثلاثيني جاد ومئيس من الدنيا ومشيب حقه والله انا لو بمكانه انتحر

باوعلي بصدمه ومفتح عيونه وامي نغزتني وكالت

ام حور : ههههههه حور دوم سوالفها هيج شكد تحب تتشاقه يبوي ماتمل

حور : بس عليج الله ماما مو شكله مال 60 سنه

ام حور : يا يمه منيله جنه بل عشرين ويخبل

حور : قصدج خمسيني ههههههههههه

عقدته على الاخير ضل يباوع ومضيك عيونه وكال

مالك : المهم خاله هاي جبت امي مثل ماكتلج خاله حطوها بعينكم لان ماعندي اغلى منها وهاي خدامتها وممرضتها وعلاجها والاكل الصحي مالتها والخدامه هيه تعرف الها تسوي اكلها والممرضه تعرف وكت علاجها يعني ماراح تسون شي وها الممرضه راح تنطيج علاجج الج هم والخدامه طلبو منها اي شي عادي كلش ويلا انا اروح لان مشغول حور تعاي اريدج بموضوع يخص الشغل