المكامعة الاخيرة(مكتملة)

Part 48 والأخير

♡♡♡♡♡♡♡♡♡♡♡♡♡♡♡♡♡♡♡♡

#المكامعة الاخيره

الكاتبه : سولاف الحجاج

3S_OLAF : Insta 
_________________________________

ثاني يوم الساعه 12 ونص الظهر بالضبط ....

من بعد ما البارحه حور اغمى عليها شالوها دخلوها القفص ودفعوني وراهاا ونمنه كوه او نحاول ننام من الخوف.... وفجأه سمعنه صرخه

لوكاس : دكتور استيقظ هيااااا

دفر لوكاس الدكتور الي جان نايم بالكاع خلاه يكوم مخترع ومن صوته خله البنات يكعدن على حيلهن بالقفص

حور : رزان شنو شراح يصير

انخمط گلبي من شفته كعد الدكتور وراح للميز ينظفه ويشيل الغراض الي عليه وفرش فوگه فراش وأيان قرب ادوات العمليه يمهم على الجربايه

جانو اثنينهم لابسين قمصان بيضه وكافين رداناتهم ولابسين قفازات يخوفون بشكل رهيب..

ماكدرت حتى ارد على حور وعدلت شعري وادور بوجهي خايفه من داخلي بس وجهي بلا ملامح خوف

لوكاس : ههههههههههه نظرة الخوف في اعينكم تعجبني كثيراً

دخلت حور ورا ضلعي من خوفها وعصرت التيشيرت مالتي واسمعها تبجي تناشغ وتمسح عيونها بظهري حيل كسرني هذا المشهد.......

تمتمت بحجي على بطنها

حور :اللهم إنّى أستودعك اطفالي انت الذي لاتضيع ودائعه احفظ الذي في رحمي فردّهم ليّ مردًّا سالمًا من كلّ شرّ وكلّ أذى اللهم إنّي أسالك ان تحفظهم لي بحق فاطمه الزهراء بحق ضلع الزهراء المكسور احفظهم الي يارب احفظهم ...

مدت ايدها خلتها على بطني وكملت

حور :اللهم يا من أمسكتَ السماء وهي بلا عمد أمسك اطفالنا وأتمم لنا على خير اللهم إنّك وهبت لنا اطفالنا من غير حول منا ولا قوة فاحفظهم بحفظك بلا حول منا ولا قوة وحسبي الله ونعم الوكيل بيهم يارب....

نزلت راسي ودموعي تصب على حنيتها.....

أيان : يلاا شنو وحده منكمشه على الثانيه كومن لو اله بالسحل يلا تجن.. ميرنا طلعيهن

شدت حور على هدومي ماترضى تعوفني ولا ترضى ترفع راسها وتشوف شي

رزان : حور

حور : مااريد اطلع ماااريدددد لحددد يلزمنييي مااريد اودعهممم ولكم عوفووووونيي ماااريدد

صرخت تبجي اكثر وتباوعليي تهز بيه

حور : انا مو بقوووتج ولا جبرروتج علمود اتحمممل انا ماعشت الي عشتيه حتى اصير بكدج قووويه ادرييي جاي تموتين من جواج بس ماتظهررين انا ضعيفه واريدد جهههااللييي مااريدد انطيهم ولكم حسبييييي الله ونعم الوكيل لا واحد ولا اثنين تلاثثثثه شلون انطيهم