♡♡♡♡♡♡♡♡♡♡♡♡♡♡♡♡♡♡♡♡
#المكامعة الاخيره
الكاتبه : سولاف الحجاج
3S_OLAF : Insta
_________________________________
صعد فهد نوح لغرفته وحطاه جثه على فراشه خشبه ماكو اي فعل منه منتهي عليها دار وجهه وصفن ودموعه تنزل بسكته بلا صوت
حسين :فهد ابقى يمه رايح اجيب علاجه واجي والشباب جوه بالفاتحه هسه شويه ويصعدون
فهد : تمام
طلع حسين وبقى فهد فراح كعد يم نوح ولزم جتفه يكعد بيه
فهد :خويه اكعد احاجيك راح تموت على نومتك اكعد احجي وياك
باوعله نوح باستغراب وركز وياه
فهد :ماجنت رايد اكلك بس شكلك راح تموت كبلها خويه
نوح : شنو
فهد: التابوت فارغ والي دفناها مو رزان لااا مريه غيرها ورزان عايشه بس مو بالعراق
صفن نوح شويه وضحك بصوت عالي ورجع نام ودموعه تصب
فهد :ولك نوح جاااي تستوعب شحجي جاي اكلك التابووت فاررغ ماجان بيه جثه رزان
نوح : ليششش تأذينييي اكثر شنو يعنييي كاعد تصبرني بالجذب لاتجذذذذذذب علييه
فهد : ولك رزان عايشه شجذب عليك
نوح : لاتعيل بكلبي وتحط علة بيه فوك ماانا مكسور وگلبي متعلعل الله يخليك عوفني
دنك نوح وجانت بيده صوره ورقيه لرزان باوعلي وباسها وخلاها على عيونه ويبتسم ويه الصوره ويتمتم
نوح : ضلت بس صورهم... ضلت بس صورهم
فهد : يبو هذا فاقد كلش شيقنعه
نوح : رزاني ها محبوبه عيوني مو احجي وياج ليش ماتردين عليه مو جاي نسولف اشتاقيتلج
طك فهد الفراش بغيض راح يتخبل من حالة نوح وهو فاقد ومنتهي هيج
فهد : ولك بس استوعب شجاي احجي والله العظيم عايشه صحيح مو زينه وعايشه على الاجهزه غصب بس هيه عايشه باالله الكريم
كام نوح عيونه ذبلانه ورموشه بعدها تهمل دموع يباوعله بشك وحجه بعدم استوعاب
نوح : جاي تحجي صدك؟
فهد : بالعباس بالحسين بأمة محمد كلها اييي
نوح : عايشه يعنييييي شنو عاااايشه لعددد وينهاااا وشلووون تخلينه نسوي فاتحه وندفن غيرهااا شلوون وييين هيه ويننن رزاااان
فهد :لاتصرخ محد يعرف هنا احجي على كيف
نوح : شحجيييي على كييف يعني شنوووو مررتي عايشه واناا ماادريي يعنيي شلوون ننصب فاتحه لوحددددده عااااايشه
أنت تقرأ
المكامعة الاخيرة(مكتملة)
Mystery / Thrillerقوية بمُفردي من دون احد ناراً لاتعرف الهوادة سوف احرقكم بثأر قلبي انا السواد بــ؏ّــد العتمة والخوف المرعب لقلوبكم انااا ر-ز-ا-ن
